Nārāyaṇīya · Chapter 10.44

gūḍhaṃ vasudevagirā kartuṃ te niṣkriyasya saṃskārān /
hṛdgatahorātattvo gargamunistvadgṛhān vibho! gatavān //

nando'tha nanditātmā bṛndiṣṭhaṃ mānayannamuṃ yaminām /
mandasmitārdramūce tvat saṃskārān vidhātumutsukadhīḥ //

yaduvaṃśācāryatvāt sunibhṛtamidamārya! kāryamiti kathayan /
gargo nirgatapulakaścakre tava sāgrajasya nāmāni //

kathamasya nāma kurve sahasranāmno hyanantanāmno vā /
iti nūnaṃ gargamuścakre tava nāma nāma rahasi vibho! //

kṛṣidhītuṇakārābhyāṃ sattānandātmatāṃ kilābhilapat /
jagadaghakarṣitvaṃ vā kathayadṛṣiḥ kṛṣṇanāma te vyatanot //

anyāṃśca nāmabhedān nyīkurvannagraje ca rāmādīn /
atimānuṣānubhāvaṃ nyagadat tvāmaprakāśayan pitre //

snihyati yatsava putre suhyati sa na māyikaiḥ punaḥ śokaiḥ /
druhyati yaḥ sa tu naśyedityavadat te mahattvamṛṣivaryaḥ //

jeṣyati bahutaradaityān neṣyati nijabandhulokamamalapadam /
śroṣyasi suvimalakīrtīrasyeti bhavadvibhūtimṛṣirūce //

amunaiva sarvadurgaṃ taritāstha kṛtāsthamantra tiṣṭhadhvam /
harirevetyanabhilapannityādi tvāmavarṇayat sa muniḥ //

garge'tha nirgate'smin nanditanandādinandyamānastvam /
madgadamudgatakaruṇo nirgamaya śrīmarutpurādhīśa! //