નારાયણીય · અધ્યાય 10.44

ગૂઢં વસુદેવગિરા કર્તું તે નિષ્ક્રિયસ્ય સંસ્કારાન્ ।
હૃદ્ગતહોરાતત્ત્વો ગર્ગમુનિસ્ત્વદ્ગૃહાન્ વિભો! ગતવાન્ ॥

નન્દોઽથ નન્દિતાત્મા બૃન્દિષ્ઠં માનયન્નમું યમિનામ્ ।
મન્દસ્મિતાર્દ્રમૂચે ત્વત્ સંસ્કારાન્ વિધાતુમુત્સુકધીઃ ॥

યદુવંશાચાર્યત્વાત્ સુનિભૃતમિદમાર્ય! કાર્યમિતિ કથયન્ ।
ગર્ગો નિર્ગતપુલકશ્ચક્રે તવ સાગ્રજસ્ય નામાનિ ॥

કથમસ્ય નામ કુર્વે સહસ્રનામ્નો હ્યનન્તનામ્નો વા ।
ઇતિ નૂનં ગર્ગમુશ્ચક્રે તવ નામ નામ રહસિ વિભો! ॥

કૃષિધીતુણકારાભ્યાં સત્તાનન્દાત્મતાં કિલાભિલપત્ ।
જગદઘકર્ષિત્વં વા કથયદૃષિઃ કૃષ્ણનામ તે વ્યતનોત્ ॥

અન્યાંશ્ચ નામભેદાન્ ન્યીકુર્વન્નગ્રજે ચ રામાદીન્ ।
અતિમાનુષાનુભાવં ન્યગદત્ ત્વામપ્રકાશયન્ પિત્રે ॥

સ્નિહ્યતિ યત્સવ પુત્રે સુહ્યતિ સ ન માયિકૈઃ પુનઃ શોકૈઃ ।
દ્રુહ્યતિ યઃ સ તુ નશ્યેદિત્યવદત્ તે મહત્ત્વમૃષિવર્યઃ ॥

જેષ્યતિ બહુતરદૈત્યાન્ નેષ્યતિ નિજબન્ધુલોકમમલપદમ્ ।
શ્રોષ્યસિ સુવિમલકીર્તીરસ્યેતિ ભવદ્વિભૂતિમૃષિરૂચે ॥

અમુનૈવ સર્વદુર્ગં તરિતાસ્થ કૃતાસ્થમન્ત્ર તિષ્ઠધ્વમ્ ।
હરિરેવેત્યનભિલપન્નિત્યાદિ ત્વામવર્ણયત્ સ મુનિઃ ॥

ગર્ગેઽથ નિર્ગતેઽસ્મિન્ નન્દિતનન્દાદિનન્દ્યમાનસ્ત્વમ્ ।
મદ્ગદમુદ્ગતકરુણો નિર્ગમય શ્રીમરુત્પુરાધીશ! ॥