Mokṣopāyaṭīkā · Chapter 4.9

iti cintayatas tasya śukrasya pitur agrataḥ /
jagāmātitarāṃ kālo bahusaṃvatsarātmakaḥ //

atha kālena mahatā pavanātapajarjaraḥ /
kāyas tasya papātorvyāṃ chinnamūla iva drumaḥ //

manas tu cañcalābhogaṃ tāsu tāsu daśāsu ca /
babhrāmātivicitrāsu vanarājiṣv ivaiṇakaḥ //

bhrāntam udbhrāntam abhitaś cakrārpitam ivākulam /
manas tasya viśaśrāma samaṅgāsaritas taṭe //

anantavṛttāntaghanām pelavāṃ sudṛḍhām api /
tāṃ saṃsṛtidaśāṃ śukro videho ḥnubhavan sthitaḥ //

mandarācalasānusthā sā tanus tasya dhīmataḥ /
tāpaprasarasaṃśuṣkā carmaśeṣā babhūva ha //

śārīrarandhrapravahadvātaśītkārarūpayā /
ceṣṭāduḥkhakṣayānandāt kākalyeva sma gāyati //

prāṇānusmaraṇocchvāsam iva vāṣpaṃ sma muñcati N17: s(a)*ma* /
caṇḍānilavilāsena lulitvā vanabhūmiṣu //

manovarākam avaṭe luṭhitam bhavabhūmiṣu /
hasantīvātiśubhrābhrasitayā dantamālayā //

darśayantī svakaṃ śūnyaṃ N17: (rū)*śū*nyaṃ vapur akṣṇor N17: akṣṇ(e)*o*r akṛtrimam /
mukhāraṇyajaratkūparūpayā gartaśobhayā //

tāpopataptā saṃsiktā varṣājalabhareṇa sā /
pāṃsunā pavanotthena duṣkṛteneva rūṣitā //

śuṣkakāṣṭhavad N17: °kāṣṭ[h]a° ālolā pāteṣu kṛtajhāṅkṛtā /
dhārānikarapātena vinunnā jaladāgame //

prāvṛḍnirjharapūreṇa N17: °vṛ⟨ṭa⟩[ḍ]nir° plutā girinadītaṭe /
tāramārutaśītkārā vanopala iva sthitā N17: °t⟨aḥ⟩[ā] //

vakrā śuṣkāntratantrī N17: °ān⟨d⟩[t]ra° ca pūtā jhāṅkārakāriṇī /
araṇyalakṣmīvīṇeva śūnyacarmamayodarī //

rāgadveṣavihīnatvāt tasya puṇyāśramasya tu /
mahātapastvāc ca bhṛgor na bhuktā mṛgapakṣibhiḥ //

yamaniyamakṛśīkṛtāṅgayaṣṭeś carati tapaḥ sma bhṛgūdvahasya cetaḥ /
tanur atha pavanāpanītaraktā ciram aluṭhan mahatīṣu sā śilāsu //