Mokṣopāyaṭīkā · Chapter 4.6

atha tām manasā dhyāyaṃs tatraivāmīlitekṣaṇaḥ /
ārabdhavān manorājyam idam ekaḥ kilośanāḥ N17, Ś3: °ośanāḥ; Ś1: °ośan*ā*ḥ. //

eṣā hi lalanā vyomni N17: vy(e)*o*mni sahasranayanālaye /
samprāpto ḥyam ahaṃ svargam ālolasurasundaram //

ime te mṛdumandārakusumottaṃsasundarāḥ N17: °su*mo*ttaṃ° /
dravatkanakaniḥṣyandavilāsivapuṣaḥ surāḥ //

imās tā locanollāsasṛṣṭanīlābjavṛṣṭayaḥ Ś3: °sṛṣṭanīlābjavṛṣṭayaḥ°; Ś1: °(sṛ)*vṛ*ṣṭanīlābjavṛṣṭayaḥ°; N17: °vṛṣṭanīlābjasṛṣṭayaḥ° /
mugdhā hāsavilāsinyaḥ kāntā hariṇadṛṣṭayaḥ //

ime te kaustubhoddyotā anyoḥnyapratibimbitāḥ /
viśvarūpopamākārā maruto mattakāśinaḥ //

airāvaṇakaṭāmodaviraktamadhupaśrutāḥ /
imās tāḥ kākalīgītā gīrvāṇagaṇagītayaḥ //

iyaṃ sā kanakāmbhojacaradvairiñcasārasā /
mandākinītaṭodyānaviśrāntasuranāyikā //

ete te yamacandrendrasūryānilajalānalāḥ /
lokapālās tanūddyotakīrṇadīptojjvalārciṣaḥ //

ayaṃ sa suravikrāntahetikaṇḍūyitānanaḥ /
airāvaṇo raṇaddantaprotadaityendramaṇḍalaḥ //

ime te bhūtalasthānā vyomatārakatāṃ gatāḥ /
vaimānikāś calaccāruhāracāmarakuṇḍalāḥ //

imās tā vividhodyānamaṇimandiramaṇḍitāḥ /
vimānapaṅktayaś cārucāmīkaramayātapāḥ //

merūpalatalāsphālaśīkarākīrṇadevatāḥ /
etās tāḥ kīrṇamandārā gaṅgāsalilavīcayaḥ //

etāḥ prasṛtamandāramañjarīpuñjapiñjarāḥ /
dolālolāpsaraḥśreṇyaḥ śakropavanavīthayaḥ //

ime te kundamandāramakarandasugandhayaḥ /
candrāṃśunikarākārāḥ N17: °ā[ṃ]śu° pārijātasamīraṇāḥ //

puṣpakesaranīhārapaṭavāseraṇotsukaiḥ /
latāṅganāgaṇair vyāptam idaṃ tan nandanaṃ vanam //

kāntagītaravānandapranartitasurāṅganau N17: °prana⟨ṃ⟩rtita° /
imau tau vallakīsnigdhasvarau nāradatumburū //

ime te puṇyakartāro bhūribhūṣanabhūṣitāḥ /
vyomany uḍḍayamāneṣu vimāneṣu sukhaṃ sthitāḥ //

madamanmathamattāṅgya imās tāḥ surayoṣitaḥ /
deveśvaraṃ niṣevante vanaṃ vanalatā iva //

candrāṃśujālakusumāś cintāmaṇigulucchakāḥ N17: °gul⟨ū⟩[u]ccha° /
kalpavṛkṣa ime pakvaratnastavakadanturāḥ N17: °ratnās tavaka° //

iha tāvad imaṃ śakram aham āsanasaṃsthitam /
dvitīyam iva deveśam pūjayaivābhivādaye //

iti sañcintya śukreṇa manasaiva śacīpatiḥ /
tenābhivāditas tatra dvitīya iva vai bhṛguḥ //

atha sādaram utthāya śukraḥ śakreṇa pūjitaḥ /
gṛhītahastam ānīya samīpa upaveśitaḥ //

dhanyas tvadāgamenādya svargo ḥyaṃ Ś1, Ś3: dhanyas tvadāgamenādya svargo ḥyaṃ (N17 vom Schreiber ausgespart) śukra śobhate /
uṣyatāṃ ciram eveha śakra ittham uvāca tam //

atha tatropaviśyāsau bhārgavaḥ śobhitānanaḥ Ś1, Ś3: śobhitā°; N17: ś- -tā° /
śriyaṃ jahāra śaśinaḥ sakalasyāmalasya ca //

sakalasuragaṇābhivandito ḥsau bhṛgutanayaḥ śatamanyupārśvasaṃsthaḥ /
cirataram Ś1, Ś3: °taram; N17: °talam atulām avāpa tuṣṭiṃ naramatim ujjhitavān alam babhūva //