Mokṣopāyaṭīkā · Chapter 4.30

iti tuṣṭeṣu deveṣu dānaveṣu hateṣu ca /
dāmavyālakaṭā dīnā babhūvur bhayavihvalāḥ //

jajvāla kupitaḥ kopī kalpāntāgnir iva jvalan /
śambaraḥ śamitānīko N17: °ān⟨eke⟩[īko] dāmavyālakaṭān prati //

śambarasya bhayād gatvā pātālam atha saptamam /
dāmavyālakaṭās tasthus tyaktvā dānavamaṇḍalam //

yamasya kiṅkarās tatra vetālatrāsanakṣamāḥ /
kukuhā nāma tiṣṭhanti narakārṇavapālakāḥ //

taiḥ sārdhaṃ nītavantas te tatra dāmādayo ḥvadhim /
daśavarṣasahasrāntām āttānantakuvāsanāḥ //

iyam me vanitā ramyā mameyam prabhuteti ca /
kukuhasnehabaddhānāṃ kālas teṣāṃ vyavartata //

dharmarājo ḥtha taṃ deśaṃ kadācit samupāyayau /
mahānarakakāryāṇāṃ vicārārthaṃ yadṛcchayā //

aparijñātam enaṃ te dharmarājaṃ trayo ḥsurāḥ /
na praṇemur vināśāya sāmānyam iva kiṅkaram //

atha vaivasvatenaite jvalitaśvabhrabhūmiṣu /
vihitabhrūparispandam ādeśena niveśitāḥ //

tatra te karuṇākrandāḥ sasuhṛddārabāndhavāḥ /
dagdhāḥ saparṇaviṭapā vṛkṣā iva davānalaiḥ //

svayā vāsanayā jātās tayaiva krūrayā N17: k[r]ūrayā punaḥ /
vadhakarmakarākārāḥ kairātā rājakiṅkarāḥ //

tajjanmātha parityajya jātāḥ suhmeṣu vāyasāḥ /
tadante gṛdhratāṃ N17: gṛ⟨d⟩dhra° yātās tato ḥpi bakatāṃ gatāḥ //

śavaratvaṃ trigarteṣu meṣatvam barbareṣu ca /
magadheṣv atha kīṭatvaṃ cakrus te vaktrabuddhayaḥ //

anubhūyetarām atra citrāṃ yoniparamparām /
adya matsyāḥ sthitā rāma kaśmīrāraṇyapalvale N17: °pa⟨l⟩lva° //

dāvāgnikvathitālpālpapaṅkakalkānupāyinaḥ N17: °kva⟨p⟩[th]itālpālpapaṅkakalkānu⟨y⟩[p]āyinaḥ mit Ś1,Ś3 /
na mriyante na jīvanti jarajjambālajarjarāḥ //

vicitrayonisaṃrambham anubhūya punaḥ punaḥ /
bhūtvā bhūtvā punar naṣṭās taraṅgā jaladhāv iva //

bhavajaladhigatās te vāsanāvātanunnās tṛṇam iva ciram ūḍhā deharūpais taraṅgaiḥ /
upaśamam anuyātā rāma nādyāpy anantam parikalaya mahattvaṃ dāruṇaṃ vāsanāyāḥ //