Mokṣopāyaṭīkā · Chapter 4.28

ity uktvā bhagavān devas tatraivāntardhim āyayau /
velāvanataṭe śabdaṃ kṛtvevāmbutaraṅgakaḥ //

surās tv ākarṇya tadvākyaṃ jagmuḥ svām abhito diśam /
kamalāmodam ādāya vanamālām ivānilāḥ //

dināni katicit sveṣu kānteṣu sthirakāntiṣu /
dvirephā N17: °ph*ā* iva padmeṣu mandireṣu viśaśramuḥ //

kañcit kālaṃ samāsādya svātmodayakaraṃ śubham /
cakrur dundubhinirghoṣam pralayābhraravopamam //

atha daityaiḥ saha vyomni taiḥ pātālatalotthitaiḥ /
kālakṣepakaraṃ ghoram punar yuddham N17: y[u]d° avartata //

vavur asiśaraśaktimudgaraughā musulagadāparaśūgracakrasaṅghāḥ /
aśanigiriśilāhutāśavṛkṣā ahigaruḍādimukhāni cāyudhāni N17: °dhāni (ca) //

māyākṛtāyudhamahāmbughanapravāhā kṣipram prati pratidiśam parinirjagāma /
pāṣāṇaparvatamahītaṭavṛkṣalakṣa- kṣubdhāmbupūraghanaghoṣavatī nadī drāk //

madhyapravāhavahadulmukaśūlaśaila- prāsāsikuntaśaratomaramudgareṇa N17: °āsi⟨ktaṃ⟩[kun]ta° /
gaṅgopamāmbuvalitāmaramandireṇa sarvāsu dikṣv aśanivarṣaṇakarṣaṇena //

N17: (prahārāṇāṃ dāne grahaṇe ca samarthāpīti yāvat) pṛthvyādi° pṛthvyādidāruṇaśarīramayī prahāra- dānagrahe gaganaraśmiśarīrikaiva /
yā yopaśāmyati surāsurasiddhasenā māyākṛtā punar udeti rasena saiva //

śailopamāyudhavighaṭṭitabhūdharāṇi N17: °yu⟨ddh⟩[dh]a°; mit Ś1, Ś3. raktāmbupūraparipūrṇamahārṇavāni /
devāsurendrasuraśailavirūḍhakunta- tālīvanāni kakubhāṃ vadanāny athāsan //

udgīrṇakuntaśaraśaktigadāsicakrā helānigīrṇasuradānavamuktaśailā /
kāṣakvaṇatkrakacadantanakhogramālā jīvānvitāpatad athāyasasiṃhavṛṣṭiḥ N17: °siṃh(ā)a° //

ujjvālalocanaviṣajvalanātapodyad- digdāhadarśitayugāntadineśasenā /
uḍḍīyamānaparidīrghamahīmahīdhrā mattābdhivad viṣadharāvalir ullalāsa //

unnādavajramakarotkarakarkarāntar- ikṣābdhivīcivalayair valitācalendraiḥ /
āsīj jagat sakalam eva susaṅkaṭāṅgam āvartibhir vividhahetinadīpravāhaiḥ //

śailāstraśastragaruḍācalamālitocca- nāgāṅganāsuragaṇāṅganam N17: °to⟨ś⟩[c]anā° antarikṣam /
āsīt kṣaṇaṃ jaladhibhiḥ kṣaṇam agnipūraiḥ pūrṇaṃ kṣaṇaṃ dinakaraiḥ kṣaṇam andhakāraiḥ //

garuḍaguḍaguḍākulāntarikṣa- pravisṛtahetihutāśaparvataughaiḥ /
jagad abhavad asahyakalpakāla- jvalitasurālayabhūtalāntarālam //

udapatan vasudhātalato ḥsurā gaganam adritaṭād iva pakṣiṇaḥ /
atibalād apatan vibudhā bhuvi pralayacālitaśailaśilā iva //

śarīrarūḍhonnatahetivṛkṣa- vanāvalīlagnamahāgnidāhāḥ /
surāsurāḥ prāpur athāmbarāntaḥ kalpānilāndolitaśailaśobhām //

surāsurādrīndraśarīramuktai raktapravāhair abhito bhramadbhiḥ /
babhāra pūrṇam parito ḥmbarābdhiḥ sandhyāruṇodyacchatagaṅgam aṅgam //

girivarṣaṇam ambuvarṣaṇaṃ vividhogrāyudhavarṣaṇaṃ tathā /
viṣamāśanivarṣaṇaṃ ca te śamam anyoḥnyam athāgnivarṣaṇam //

anayan nayamārgakovidā dalitāśeṣagirīndrabhittayaḥ /
sasṛjuś ca samaṃ samantataḥ kakubaṅgeṣv iva puṣpavarṣaṇam //

devāsurāḥ N17: devā⟨s⟩ su° sarasasaṅgarasambhramārtā Gemäß MṬ: sarasa-saṅgara-saṃrambha-ārtā (unmetrisch). anyoḥnyam aṅgadalanākulahetihastāḥ /
dāmendraḍimbadahanāḥ pṛthupīṭhapīṭhaiḥ kīrṇāsṛjo nabhasi babhramur ākṣipantaḥ //

chinnaiḥ śiraḥkarabhujorubharair N17: °bharai⟨ḥ⟩[r] bhramadbhir ākāśakośaśalabhair aśivais tadānīm /
āsīj jagajjaṭharam abhravarair ivograir ābhāskaraṃ N17: ābhā⟨m⟩[s]karaṃ sthagitadiktaṭaśailajālam //

mattānalaṃ kṣubdhajalānilārkaṃ N17: °ān⟨a⟩[i]lā°; mit Ś1, Ś3. daladvanaṃ śīrṇasurāsuraugham /
brahmāṇḍam ākhaṇḍitakuḍyakoṇam akālakalpāntakarālam āsīt //

bhrāntam bhṛśam bhramitadiktaṭam adrikūṭair ātmapramāṇaghanahetihatai raṇadbhiḥ /
kūjadbhir ārtibhir ivāgraguhaughavātaiḥ krandadbhir āpatitasiṃharavair adabhraiḥ //

māyānadījaladhiyodhaghanāgnidāhair vṛkṣaiḥ surāsuraśavair acalaiḥ śilaughaiḥ /
bhrāntaṃ śirastraśaraśaktigadāstravarṣair vātāvakīrṇavanaparṇavad ambarāntaḥ //

adrīndrapakṣaparimāṇagamāgamaika- durvārahastataladāruṇatāḍanair drāk N17: ⟨ḍ⟩[dr]āk /
āsīt patadbhaṭaśarīragirīndraghāta- vibhraṣṭadevapurapūrṇajalārṇavaughaḥ //

ghanaghuṅghumapūritāntarikṣā kṣatajākṣālitabhūdharāntarālā /
rudhirahradavṛttivartinī vā bhuvanābhogaguhā tadākulābhūt //

anantadikprasaravikārakāriṇī kṣayodayonmukhasukhaduḥkhadāyinī /
raṇakriyāsurasurasaṅghasaṅkaṭā tadābhavat khalu sadṛśīha saṃsṛteḥ //