Mokṣopāyaṭīkā · Chapter 1.12

iyam asmin vinodāya saṃsāre parikalpitā /
śrīr mune parimohāya sāpi nūnam anarthadā //

ullāsabahulān antaḥ kallolān akramākulān Ś4: °lam /
jaḍān prasravati sphārān N11: sph*ā*° prāvṛṣīva taraṅgiṇī //

cintāduhitaro bahvyo Ś4: °hyo bhūridurlaliteritāḥ /
cañcalāḥ prabhavanty asyās taraṅgāḥ sarito yathā //

eṣā hi padam ekatra na nibadhnāti durbhagā /
mugdhevāniyatācāram itaś cetaś ca dhāvati //

janayantī paraṃ dāham parāmṛṣṭāṅgikā satī /
vināśam eva dhatte 'ntar dīpalekheva kajjalam //

guṇāguṇavicāreṇa vinaiva kila pārśvagam /
rājaprakṛtivan N11: °kṛ*ti*° mūḍhā durārūḍhāvalambate N11, Ś4: °lambha° //

karmaṇā tena tenaiṣā N11: tainai° vistāram upagacchati /
doṣāśīviṣavegasya yat kṣīravisarāyate //

tāvac chītamṛdusparśaḥ parasve ca jane janaḥ /
vātyayeva himaṃ yāvac chriyā na paruṣīkṛtaḥ //

prājñāḥ śūrāḥ kṛtajñāś ca peśalā mṛdavaś ca ye /
pāṃsumuṣṭyeva maṇayaḥ śriyā te malinīkṛtāḥ //

na śrīḥ sukhāya bhagavan duḥkhāyaiva hi kalpate /
guptaṃ vināśanaṃ dhatte mṛtiṃ viṣalatā yathā Ś4: tathā //

śrīmān ajananindyaś ca śūraś cāpy avikatthanaḥ /
samadṛṣṭiḥ prabhuś caiva durlabhāḥ puruṣās trayaḥ //

eṣā hi viṣamā duḥkhabhogināṃ gahanā guhā /
ghanamohagajendrāṇāṃ vindhyaśailamahāṭavī //

satkāryapadmarajanī duḥkhakairavacandrikā /
saddṛṣṭidīpikāvātyā kallolaughataraṅgiṇī //

sambhramābhrādipadavī viṣādaviṣavardhinī /
kedārikā vikalpānāṃ khadā kubhayabhoginām //

himaṃ vairāgyavallīnāṃ vikārolūkayāminī /
rāhudaṃṣṭrā vivekendoḥ saujanyāmbhojacandrikā //

indrāyudhavad ālolanānārāgamanoharā /
lolā taḍid ivotpannadhvaṃsinī jaḍasaṃśrayā //

capalā varjitā ratyā Ś4: ramyā nakulī nakulīnajā /
vipralambhanatātparyahetūgramṛgatṛṣṇikā //

laharīvaikarūpeṇa kṣaṇam padam akurvatī /
calā dīpaśikhevāti durjñeyāgatigocarā //

siṃhīva vigrahavyagrakarīndrakulapātinī /
khaḍgadhāreva śiśirā tīkṣṇā tīkṣṇāśayāśrayā //

nānayopahatārthinyā durādhiparipīnayā /
paśyāmy abhavyayā lakṣmyā kiñcid duḥkhād ṛte sukham //

dvāreṇotsāritā lakṣmīḥ punar eti tamo'riṇā /
aho vata hṛtasthānā nirlajjā durjanāspadā //

manoramā karṣati cittavṛttiṃ kadaryasādhyā kṣaṇabhaṅgurā ca /
vyālāvalīgarbhanivṛttadehā N11: vyā(lī)*lā*valī(raṃ)*ga*rbha° śvabhrotthitā puṣpalateva lakṣmīḥ //