Mānavagṛhyasūtra · Chapter 2.17

iti dvitīye ṣoḍaśaḥ khaṇḍaḥ //16//
saptadaśaḥ khaṇḍaḥ
ayūthike bhayārtte kapote gṛhān praviṣṭe tasyājnau padaṃ dṛśyeta dadhāni sakatuṣu ghṛte vā devāḥ kapota iti pratyṛcaṃ japejjuhuyādvā devāḥ kapota iṣito yadicchandūto nirṛtyā idamājagāma /
tasmā arcāma kṛṣṇavāma niṣkṛtiṃ śaṃ no astu dvipade śaṃ catuṣpade //
śivaḥ kapota iṣito no astvanāgā devāḥ śakuno gṛheṣu
agnirhi vipro juṣatāṃ havirnaḥ parihetiḥ pakṣiṇo no vṛṇāktu //
hetiḥ pakṣiṇī na dabhātyasmānāṣṭyāṃ padaṃ kṛṇute agnidhāne /
saṃ no gobhyaśca puruṣebhyaścāstu māno hiṃsīdiha devāḥ kapotaḥ //
yadulūko vadati moghametadyatkapotaḥ padamagnau kṛṇoti /
yasya dūtaḥ prahita eṣa etattasmai yamāya namo astu mṛtyave //
ṛcā kapotaṃ nudata pramodamiṣaṃ madantaḥ pari gāṃ nayadhvam /
saṃyopayanto duritāni viśvā hitvā na ūrjaṃ prapatātpatiṣṭhaḥ //
iti

padamādāya dakṣiṇā pratyag haranti

sahādhikaraṇairyanti

svakṛta iriṇe padaṃ nyasyādhyadhi

dhāmno dhāmna iti tisṛbhiḥ parogoṣṭhaṃ mārajayante

anapekṣamāṇāḥ pratyāyanti

agna āyūṃṣi pavase agnirṛṣiragne pavasveti pratyetya japanti