Scripture Library

Mānavagṛhyasūtra · Chapter 1.2

1.2.1

iti prathamaḥ khaṇḍaḥ //1//
dvitīyaḥ khaṇḍaḥ /
oṃ atha saṃdhyāmupāste

1.2.2

prāgastamayānniṣkramyottarato grāmasya purastādvā śucau deśe niṣedyopaspṛśyāpāmañjaliṃpūrayitvā pradakṣiṇamāvṛtya āyāhiviraje devyakṣare brahmasaṃmite /
gāyatrīṃ chandasāṃ mātaridaṃ brahma juṣasva me ' ityāvāhayati

1.2.3

ādyojo 'sīti japitvā kaste yunaktīti yojayitvoṃ bhūrbhuvaḥ svastatsaviturityaṣṭau kṛtvaḥ prayuṅkta ityāmnātāḥ kāmā ādevo yātīti triṣṭubhaṃ rājavanyasya yuñjata iti jagatiṃ vaiśamya

1.2.4

udutyaṃ jātavedasamiti dve nigadya kaste vimuñjatīti vimucyodakāñjalimutsṛjati

1.2.5

evaṃ prātastiṣṭhan

1.2.6

etena dharmeṇa dvādaśacaturviṃśatiṃ ṣaṭtriśatamaṣṭācatvāriṃ śataṃ vā varṣāṇi yo brāhmaṇo rājanyo vaiśyo vā drahmacaryaṃ carati muṇḍaḥ śikhājaṭaḥ sarvajaṭo vā malajñurabalaḥ kṛśaḥ snātvā sa sarvaṃ vindate yatkiṃcinmanasecchatīti

1.2.7

etena dharmeṇa sādhvadhīte

1.2.8

chandasyarthānbudhvā snīsyan gāṃ kārayet

1.2.9

ācāryamarhayocchrotriyaḥ

1.2.10

anyo vedapāṭhī na tasya snānam

1.2.11

āpo hiṣṭheti tisṛbhirhiraṇyavarṇāḥ śucaya iti dvābhyāṃ snātvāhate vāsasī paridhatte

1.2.12

vasvasi vasumantaṃ mā kuru sauvarcasāya mā tejase brahmavarcasāya paridadhāmīti paridadhāti

1.2.13

yathā dyauśca pṛthivī ca na bibhīto na riṣyataḥ /
evaṃ me prāṇa mā riṣa ityāṅkte

1.2.1

hiraṇyamāvadhnīte

1.2.15

chatraṃ dhārayate daṇḍaṃ mālāṃ gandham

1.2.16

pratiṣṭhe sthodaivate dyāvāpṛthivī mā mā saṃtāptamityupānahau

1.2.17

dvivastro 'ta urdhvaṃ bhavati tasmācchobhanaṃ vāso bhartavyamiti śrutiḥ

1.2.18

āmantryagurūn gurubandhūṃśca svān gṛhānvrajet

1.2.19

pratiṣiddhamaparayā dvārā niṣkramaṇaṃ malavadvāsasā saha saṃvastraṇaṃ rajaḥ sunāsinyā saha śayyā gurorduruktavacanamasthāne śayanaṃ smayanaṃ saraṇaṃ sthānaṃ yānaṃ gānaṃ tasya cekṣaṇam

1.2.20

paurṇamāsyāmamāvāsyāyāṃ vāgneyena paśunā yajeta

1.2.21

tasya pavirbhakṣayitvā yathāsukhamata ūrdhvaṃ madhumāṃse prāśnīyātkṣāralavaṇe ca

Original text: Mānavagṛhyasūtra (= Maitrāyaṇīyamānavagṛhyasūtra) · Edition: Ramakrishna Harshaji Sastri: Mānavagṛhyasūtra of the Mitrāyaṇīya Śākhā, Baroda : Central Library 1926 (Gaekwad's Oriental Series, 35) · Data entry members of the Sansknet Project · GRETIL (Göttingen) · CC BY-NC-SA 4.0