Mānavagṛhyasūtra · Chapter 1.1

śrīmaitrāyaṇīyamānavagṛhyasūtrabhāṣyam /
prathamaḥ puruṣaḥ /
prathamaḥ khaṇḍaḥ
atha mānavagṛhyasūtraprārambhaḥ /
oṃ upanayanaprabhṛti vratacārī syāt

mārgavāsāḥ saṃhatakeśo bhākṣācāryavṛttiḥ saśalkadaṇḍaḥ sapta /
muñjāṃ mekhalāṃ dhārayedācāryasyāpratikūlaḥ sarvakārī

yadenamupeyāt tadasmai dadyād bahūnāṃ yena saṃyuktaḥ

nāsya śayyāmāviśet

na savasrayet

na rathamārohet

nānṛtaṃ vadet

na muṣitāṃstriyaṃ prekṣeta

na vihārārtho jalpet

na rucyarthaṃ kiṃcana dhārayīta

sarvāṇi sāṃ sparśikāni strībhyo varjjayet

na madhumāṃse prāśnīyāt kṣāralavaṇe ca

na snāyādudakaṃ vā bhyāveyāt

yadi snāyāddaṇḍa ivāpsu plaveta

prāgastamayānniṣkramya samidhāvahārerddhariṇyau brahmavarcasakāma iti śrutiḥ

imaṃ stomamarhata ityagniṃ parisamuhya paryukṣya paristīryaidhosyedhiṣīmahīti samidhamādadhāti, samidasi samedhiṣīmahīti dvitīyām

apo adyānvacāriṣamityupatiṣṭhate // ManGS_1,1. 17 //
yadagre tapasā tapo brahmacaryamupeyamasi /
priyāḥ śrutasya bhūyāsmāyuṣmantaḥ sumedhasa iti mukhaṃ vimṛṣṭe

bhadraṃ karṇebhiḥ śṛṇuyāma devā iti śrotre abhimṛśati

bhadraṃ paśyemākṣābhir yajatrā iti cakṣuṣī

sthirai raṅgai stuṣṭuvāṃ sastanūbhir vyaśema devahitaṃ yadāyu rityaṅgāni

iha dhṛtiriha svadhṛtiriti hṛdayadeśamārabhya japati

rucaṃ no dhehīti pṛthivīmārabhate

tryāyuṣaṃ jamadagneḥ kaśyapasya tryāyuṣamagastyasya tryāyuṣam /
yaddevānāṃ tryāyuṣaṃ tanme astu tryāyuṣamiti bhasmānāṅgāni saṃspṛśyāpohiṣṭhīyābhirmārjāyate