માનવગૃહ્યસૂત્ર · અધ્યાય 1.2

ઇતિ પ્રથમઃ ખણ્ડઃ ॥1॥
દ્વિતીયઃ ખણ્ડઃ ।
ઓં અથ સંધ્યામુપાસ્તે

પ્રાગસ્તમયાન્નિષ્ક્રમ્યોત્તરતો ગ્રામસ્ય પુરસ્તાદ્વા શુચૌ દેશે નિષેદ્યોપસ્પૃશ્યાપામઞ્જલિંપૂરયિત્વા પ્રદક્ષિણમાવૃત્ય આયાહિવિરજે દેવ્યક્ષરે બ્રહ્મસંમિતે ।
ગાયત્રીં છન્દસાં માતરિદં બ્રહ્મ જુષસ્વ મે ઽ ઇત્યાવાહયતિ

આદ્યોજો ઽસીતિ જપિત્વા કસ્તે યુનક્તીતિ યોજયિત્વોં ભૂર્ભુવઃ સ્વસ્તત્સવિતુરિત્યષ્ટૌ કૃત્વઃ પ્રયુઙ્ક્ત ઇત્યામ્નાતાઃ કામા આદેવો યાતીતિ ત્રિષ્ટુભં રાજવન્યસ્ય યુઞ્જત ઇતિ જગતિં વૈશમ્ય

ઉદુત્યં જાતવેદસમિતિ દ્વે નિગદ્ય કસ્તે વિમુઞ્જતીતિ વિમુચ્યોદકાઞ્જલિમુત્સૃજતિ

એવં પ્રાતસ્તિષ્ઠન્

એતેન ધર્મેણ દ્વાદશચતુર્વિંશતિં ષટ્ત્રિશતમષ્ટાચત્વારિં શતં વા વર્ષાણિ યો બ્રાહ્મણો રાજન્યો વૈશ્યો વા દ્રહ્મચર્યં ચરતિ મુણ્ડઃ શિખાજટઃ સર્વજટો વા મલજ્ઞુરબલઃ કૃશઃ સ્નાત્વા સ સર્વં વિન્દતે યત્કિંચિન્મનસેચ્છતીતિ

એતેન ધર્મેણ સાધ્વધીતે

છન્દસ્યર્થાન્બુધ્વા સ્નીસ્યન્ ગાં કારયેત્

આચાર્યમર્હયોચ્છ્રોત્રિયઃ

અન્યો વેદપાઠી ન તસ્ય સ્નાનમ્

આપો હિષ્ઠેતિ તિસૃભિર્હિરણ્યવર્ણાઃ શુચય ઇતિ દ્વાભ્યાં સ્નાત્વાહતે વાસસી પરિધત્તે

વસ્વસિ વસુમન્તં મા કુરુ સૌવર્ચસાય મા તેજસે બ્રહ્મવર્ચસાય પરિદધામીતિ પરિદધાતિ

યથા દ્યૌશ્ચ પૃથિવી ચ ન બિભીતો ન રિષ્યતઃ ।
એવં મે પ્રાણ મા રિષ ઇત્યાઙ્ક્તે

હિરણ્યમાવધ્નીતે

છત્રં ધારયતે દણ્ડં માલાં ગન્ધમ્

પ્રતિષ્ઠે સ્થોદૈવતે દ્યાવાપૃથિવી મા મા સંતાપ્તમિત્યુપાનહૌ

દ્વિવસ્ત્રો ઽત ઉર્ધ્વં ભવતિ તસ્માચ્છોભનં વાસો ભર્તવ્યમિતિ શ્રુતિઃ

આમન્ત્ર્યગુરૂન્ ગુરુબન્ધૂંશ્ચ સ્વાન્ ગૃહાન્વ્રજેત્

પ્રતિષિદ્ધમપરયા દ્વારા નિષ્ક્રમણં મલવદ્વાસસા સહ સંવસ્ત્રણં રજઃ સુનાસિન્યા સહ શય્યા ગુરોર્દુરુક્તવચનમસ્થાને શયનં સ્મયનં સરણં સ્થાનં યાનં ગાનં તસ્ય ચેક્ષણમ્

પૌર્ણમાસ્યામમાવાસ્યાયાં વાગ્નેયેન પશુના યજેત

તસ્ય પવિર્ભક્ષયિત્વા યથાસુખમત ઊર્ધ્વં મધુમાંસે પ્રાશ્નીયાત્ક્ષારલવણે ચ