Maitrayani Samhita · Chapter 4.9

pravargyaḥ
4.9.1 anuvākaḥ

yuñjate mana uta yuñjate dhiyo viprā viprasya bṛhato vipaścitaḥ /
vi hotrā dadhe vayunāvidekā inmahī devasya savituḥ pariṣṭutiḥ //
devasya tvā savituḥ prasave'śvinorbāhubhyāṃ pūṣṇo hastābhyāṃ ādade //
abhrirasi nārirasi //
uttiṣṭha brahmaṇaspate devayantastvemahe /
upa prayantu marutaḥ sudānavā indra prāśūrbhavā sacā //
praitu brahmaṇaspatiḥ pra devyetu sūnṛtā /
achā vīraṃ naryaṃ paṅktirādhasaṃ devā yajñaṃ nayantu naḥ //
devī dyāvāpṛthivī anu me'maṃsāthāṃ, ṛdhyāsamadya makhasya śiraḥ // makhāya tvā //
makhasya tvā śīrṣṇe, devīrvamrīrasya bhuvanasya prathamajā ṛtāvarī , rṛdhyāsamadya makhasya śiraḥ // makhāya tvā // makhasya tvā śīrṣṇe // iyatyagra āsīt , ato devī , ṛdhyāsamadya makhasya śiraḥ // makhāya tvā // makhasya tvā śīrṣṇe //
indrasyaujo'si prajāpate retaḥ // ṛdhyāsamadya makhasya śiraḥ // makhāya tvā //
makhasya tvā śīrṣṇe // madhu tvā madhulā kṛṇotu // makhasya śiro'si // yajñasya pade sthaḥ // gāyatro'si // traiṣṭubho'si // jāgato'si // makhasya rāsnāsi //
sūryasya rasā āśrayasva // vṛṣṇo aśvasya niṣpadasi, vṛṣṇastvāśvasya niṣpadā dhūpayāmasi // varuṇastvā dhṛtavrato dhūpayatu mitrāvaruṇau dhruveṇa dharmaṇā // aditiṣṭvā devī viśvadevyavatī pṛthivyāḥ sadhasthe aṅgirasvat khanatvavaṭa, devānāṃ tvā patnīrdevīrviśvadevyavatīḥ pṛthivyāḥ sadhasthe aṅgirasvad dadhatu mahāvīrān //
arciṣe tvā śociṣe tvā jyotiṣe tvā harase tvā /
abhīmānmahinā divo mitro babhūva saprathāḥ //
uta śravasa ā pṛthivīṃ //
mitrasya carṣaṇīdhṛtaḥ śravo devasya sānasi /
dyumnaṃ citraśravastamaṃ //
devastvā savitodvapatu supāṇiḥ svaṅguriḥ /
subāhuruta śaktyā //
ṛjave tvā, sādhave tvā, sukṣityai tvā // idamahamamumāmuṣyāyaṇaṃ tejasā brahmavarcasena paryūhāmi // idamahamamumāmuṣyāyaṇaṃ viśā kṣatreṇa paryūhāmi // idamahamamumāmuṣyāyaṇaṃ prajayā paśubhiḥ paryūhāmi // chṛṇattu tvā vāk, chṛṇattu tvork, chṛṇattu tvā haviḥ // devapuraścarasa, ṛdhyāsaṃ tvā //
4.9.2 anuvākaḥ

namo vāce, namo vācaspataye, yā coditā yā ca noditā tasyai vāce namo , namā ṛṣibhyo mantrakṛdbhyo mantravidbhyo mantrapatibhyo , mā māṃ ṛṣayo mantrakṛto mantravidaḥ prādu , rdaivīṃ vācaṃ udyāsaṃ juṣṭāṃ devebhyaḥ svadhāvarīṃ pitṛbhyo'numatānmanuṣyebhya, stanmā devā avantu śobhāyi, pitaro'numadantu // gāyatrīṃ chandaḥ prapadye, triṣṭubhaṃ chandaḥ prapadye, jagatīṃ chandaḥ prapadye , anuṣṭubhaṃ chandaḥ prapadye, paṅktiṃ chandaḥ prapadye, chandāṃsi chandaḥ prapadye // tāni no'vantu, tāni naḥ pālayantu, tāni sā ṛcchatu yo asmān dveṣṭi yaṃ ca vayaṃ dviṣmaḥ //
brahman pravargyeṇa pracariṣyāmo , hotar gharmamabhiṣṭuhi , agnīdrajanarohiṇau puroḍāśāv adhiśraya, pratiprasthātarvihara, prastotaḥ sāmāni gāya //
yajur yuktaṃ sāmabhir ṛktakhaṃtā viśvābhir dhībhiḥ saṃbhṛtaṃ dakṣiṇābhiḥ /
pratataṃ pārayiṣṇuṃ stubho vahantu sumanasyamānāḥ //
bhūr bhuvaḥ svar , devasya savituḥ prasave bṛhaspatiprasūtā //
omindravantaḥ pracarata //
4.9.3 anuvākaḥ

yamāya tvā // makhāya tvā // sūryasya harase tvā // devastvā savitā madhvānaktu //
pṛthivyāḥ saṃpṛcaspāhi // arciṣe tvā, śociṣe tvā, jyotiṣe tvā, tapase tvā //
arcirasi, śocirasi, jyotirasi, tapo'si, sūryasya tapastapaḥ //
saṃsīdasva mahaṃ asi śocasva devavītamaḥ /
vi dhūmamagne aruṣaṃ medhya sṛja praśasta darśatam //
añjanti yaṃ prathayanto na viprā vapāvanto nāgninā tapantaḥ /
piturna putra upasi preṣṭhā ā gharmo agniramṛto na sādi //
anādhṛṣṭāsi purastādagnerādhipatyā, āyurme dāḥ, putravatī dakṣiṇata, indrasyādhipatye, prajāṃ me dāḥ // suṣadā paścāt, savitur ādhipatye, cakṣurme dāḥ // āśrutiruttarato, mitrāvaruṇayorādhipatye, śrotraṃ me dāḥ // vidhṛtirupariṣṭād , bṛhaspaterādhipatye vācaṃ me dāḥ // brahma me dāḥ, kṣatraṃ me dāḥ , payo me dāḥ //
manoraśvāsi bhūriputrā sūpasadanā, viśvābhyo mā daṃṣṭrābhyo pāhi //
4.9.4 anuvākaḥ

cidasi // svāhā marudbhyaḥ pariśrayasva // māsi // pramāsi // pratimāsi // vimāsi // saṃmāsi // unmāsi // antarikṣasyāntardhirasi // divaḥ saṃpṛcaspāhi //
arhan bibharṣi sāyakāni dhanvā /
arhan niṣkaṃ yajataṃ viśvarūpaṃ /
arhannidaṃ dayase viśvamā dhanvā /
ojīyo rudrastadasti //
gāyatro'si // traiṣṭubho'si // jāgatamasi // madhu / madhu / madhu // rucito gharmaḥ //
4.9.5 anuvākaḥ

daśa prācīrdaśa bhāsi dakṣiṇā , daśa pratīcīrdaśa bhāsy udīcī , rdaśordhvā bhāsi sumanasyamānaḥ // sā naḥ prajāṃ paśūn pāhyaraṇīyamānaḥ // agniṣṭvā vasubhiḥ purastād rocayatu, sa mā rucito rocaya // pitarastvā yamarājānaḥ pitṛbhirdakṣiṇato rocayantu, sa mā rucito rocaya // savitā tvādityaiḥ paścād rocayatu, sa mā rucito rocaya // mitrāvaruṇau tvottarato marudbhī rocayetām , sa mā rucito rocaya // bṛhaspatiṣṭvā viśvairdevairupariṣṭād rocayatu, sa mā rucito rocaya // deva gharma rucitastvaṃ deveṣvā, surucitaṃ māṃ devamanuṣyeṣu kuru, rucaṃ mayi dhehi, rucirasi, ruco'si, sa yathā tvaṃ rucyā rocasa evamahaṃ rucyā rociṣīya, taveva me rocamānasya roco bhūyāsu , rdhrājirasi, dhrājo'si, sa yathā tvaṃ dhrājyā dhrājasa evamahaṃ dhrājyā dhrājiṣīya, taveva me dhrājamānasya dhrājo bhūyāsu , rbhrājirasi, bhrājo'si, sa yathā tvaṃ bhrājyā bhrājasa evamahaṃ bhrājyā bhrājiṣīya, taveva me bhrājamānasya bhrājo bhūyāsuḥ //
4.9.6 anuvākaḥ

apaśyaṃ gopāmanipadyamānaṃ ā ca parā ca pathibhiścarantam /
sa sadhrīcīḥ sa viṣūcīrvasānā āvarīvarti bhuvaneṣvantaḥ //
garbho devānāṃ janitā matīnāṃ matiḥ kavīnāṃ patiḥ prajānāṃ dhartā kṣatrasya // saṃ devo devena savitrā yajatra saṃ sūryeṇa rocate // hṛde tvā, manase tvā, dive tvā, sūryāya tvā // ūrdhvamimamadhvaraṃ divi deveṣu hotrā yaccha // dhartā divo rajaso vibhāti dhartā, pṛthivyā dhartororantarikṣasya dhartā // devo devānāmamartyastapojā apsu prāvīḥ //
viśvāsāṃ bhuvāṃ pate viśvasya bhuvanaspate viśvasya manasaspate viśvasya vacasaspate viśvasya brahmaṇaspate // devaśrut tvaṃ deva gharma devān pāhi tapojān //
vājamasmin nidhehi devāyuvaṃ // madhu mādhvībhyāṃ , madhu mādhūcībhyāṃ , madhumān devavītaye // saṃ agniragnināgata, saṃ devo devena savitrā yajatra, saṃ sūryeṇārociṣṭa svāhā // samagnistapasāgata, saṃ devo devena savitrā yajatra, saṃ sūryeṇāyukta , āyurdāstvamasmabhyaṃ gharma varcodā asi, pitāsi pitā no bodhiṣīmahi tvā, namaste astu, mā mā hiṃsīḥ // tvaṣṭrimantastvā sapema //
4.9.7 anuvākaḥ

devasya tvā savituḥ prasave'śvinorbāhubhyāṃ pūṣṇo hastābhyāṃ ādade // adityā rāsnāsi // iḍā ehi , asāvehi, aditā ehi , asāv ehi, sarasvatyehi , asāv ehi //
yaste stanaḥ śaśayo yo mayobhūr yena viśvā puṣyasi vāryāṇi //
adityā uṣṇīṣamasi // pūṣā tvopāvasīdatu // vāyurasi , aśvibhyāṃ pradhāpaya //
gharmāya śaṃkṣva // bṛhaspatiṣvorpasīdatu // dānavaḥ stha // preravaḥ stha // aśvibhyāṃ pinvasva // sarasvatyai pinvasva , indrāya pinvasve , ndrāya pinvasva // upa mehi sahorjo bhāgena // madhuhavirasi, svāhā tvā vātāya sūryasya raśmaye sitā vṛṣṭisanaye saṃjuhomi svāhā // indrāśvinā madhunaḥ sāraghasya gharmaṃ pāta vasavo yajatrā veṭ // gāyatramasi // traiṣṭubhamasi // jāgatāsi // dyāvāpṛthivībhyāṃ tvā parigṛhṇāmi // antarikṣeṇopayachāmi // divispṛṅ mā mā hiṃsīḥ // antarikṣaspṛṅ mā mā hiṃsīḥ // pṛthivīspṛṅ mā mā hiṃsīḥ // tejo'si, tejo'nuprehi //
4.9.8 anuvākaḥ

salilāya tvā vātāya svāhā , arṇavāya tvā vātāya svāhā, sindhave tvā vātāya svāhā, samudrāya tvā vātāya svāhā, śimidvate tvā vātāya svāhā, kumudvate tvā vātāya svāhā , avasyave tvā vātāya svāhā, duvasyave tvā vātāya svāhā , anādhṛṣyāya tvā vātāya svāhā , apratidhṛṣyāya tvā vātāya svāhā , agnaye tvā vasumate svāhā, somāya tvā rudravate svāhā , indrāya tvā marutvate svāhā, yamāya tvā pitṛmate'ṅgirasvate svāhā // savitre tvarbhūmate vibhūmate vājavate bṛhaspativate viśvadevyāvate svāhā // ahaḥ ketunā juṣatām , svarjyotirjuṣatāṃ svāhā // rātriḥ ketunā juṣatām , svarjyotirjuṣatāṃ svāhā //
4.9.9 anuvākaḥ

divi dhā imaṃ yajñaṃ, imaṃ yajñaṃ divi dhāḥ, svasti gharmāya, svasti gharmapitve //
viśvā āśā dakṣiṇasadviśvān devānayāḍ iha // oṃ śrāvaya // astu śrauṣaṭ // gharmasya yaja // aśvinā gharmaṃ pibataṃ hārdrānum , anu māṃ dyāvāpṛthivī anu me'maṃsātām, ihaiva rātayaḥ santi saṃ yajurbhiḥ, svāhendrāya, svāhendrāya vaṭ //
svāhākṛtasya gharmasya madhoḥ pibatamaśvinā, gharmamapātamaśvinā, vahaddivyābhir ūtibhiḥ svaṃ pedravaṃ yathā veṭ // iṣe pipīhi // ūrjje pipīhi // asmai brahmaṇe pipīhi // asmai kṣatrāya pipīhi // iṣa ūrje pipīhi // subhūtāya pipīhi //
brahmavarcasāya pipīhi // asyai viśe mahyaṃ jyaiṣṭhyāya pipīhi gharmo'si, gharmamemi, asme brahmāṇi dhāraya // kṣatraṃ dhāraya // viśaṃ dhāraya // pūṣṇe śarasi svāhā // grāvabhyaḥ svāhā // pratiravebhyaḥ svāhā // dyāvāpṛthivībhyāṃ svāhā, pitṝbhyo gharmapebhyaḥ svāhā // rudrāya rudrahotre svāhā // hutaṃ havirmadhuhavirasi , indratame'gnau svāhā // aśyāma te deva gharma ṛbhūmato vibhūmato vājavato bṛhaspativato viśvadevyāvataḥ pitṛmato'ṅgirasvata , uśīmahi tvā, namaste astu, mā mā hiṃsīḥ // saṃsādyamānāyānubrūhi // ahne svāhā // rātryai svāhā //
4.9.10 anuvākaḥ

paśūnāṃ jyotirasi vibhṛtaṃ, devatrā jyotir bhā asi // vanaspatīnāmapāmoṣadhīnāṃ raso , vājinaṃ tvā vājini avanayāmi , ūrdhvaṃ manaḥ svargyam // payo'si, payasvī bhūyāsaṃ // gharma yā te divi śug yā divi yā bṛhati yā stanayitnau yā jāgate chandasīyaṃ te tām avayaje, tasyai te svāhā // gharma yā te'ntarikṣe śug yāntarikṣe yā vāte yā vāmadevye yā traiṣṭubhe chandasīyaṃ te tām avayaje, tasyai te svāhā // gharma yā te pṛthivyāṃ śug yā pṛthivyāṃ yāgnau yā rathantare yā gāyatre chandasīyaṃ te tām avayaje, tasyai te svāhā // prastotaḥ sāma gāya // anvadya na , ityeṣā, brahmaṇastvā paraspāya kṣatrasya tanvaspāhi //viśastvā dharmaṇā vayamanu parikrāmāma suvitāya navyase // prastotaḥ sāma gāya // anvadya na, ityeṣā, prāṇasya tvā paraspāya cakṣuṣastanvaspāhi // śrotrasya tvā dharmaṇā vayamanu parikrāmāma suvitāya navyase // prastotaḥ sāma gāya // anvadya na, ityeṣā, divastvā paraspāya // antarikṣasya tanvaspāhi // pṛthivyāstvā dharmaṇā vayamanu parikrāmāma suvitāya navyase, catuḥsraktirṛtasya nābhiḥ sado gharmo viśvāyuḥ śarma saprathāḥ // apa dveṣo apa hvaro anyavratasya saścima, valgurasi śam̐yordhāyāḥ // śiśurjanadhāyāḥ // śaṃ ca vakṣi // pari ca vakṣi // gharmaitatte'nnaṃ etat purīṣaṃ // tena vardhasva cāpyāyasva, vardhiṣīmahi ca vayamā ca pyāyiṣīmahi ca, vyasau yo asmān dveṣṭi yaṃ ca vayaṃ dviṣmaḥ //
4.9.11 anuvākaḥ

rantirnāmāsi divyo gandharva, stasya te padvaddhavirdhānaṃ, agniradhyakṣo , rudro adhipati, rviśvāvasuṃ soma gandharvamāpo dadṛśuṣīstad ṛtenānvavāyan , tadindrasya vai rudro rārahāṇa āsāṃ pari sūryasya paridhīm̐raporṇu, vīrebhiradhi tan no gṛṇāno rajaso vimāno yadvā ghā satyaṃ uta yan na vidma // dhiya invāno dhiya in no avyāt // sasnimavindaccaraṇe nadīnāmapāvṛṇod duro asmadrathānāṃ // prāsāṃ gandharvo amṛtāni vocat // induṃ dakṣaṃ paridadādahīnāṃ // vārṣāharaṃ sāma gāya // cidasi samudrayoniḥ //
indurdakṣaḥ śyena ṛtāvā hiraṇyapakṣaḥ śakuno bhuraṇyuḥ /
mahāntsadhasthe dhruva ā niṣatto namaste astu mā mā hiṃsīḥ //
somapīthānu mehi // iṣṭāhotrīyaṃ sāma gāya// punar ūrjā saha rayyā , ityeke, śyaitaṃ sāma gāya // udu tyaṃ , citram , ityeke // vāmadevyaṃ sāma gāya // imamu ṣu tvamasmākaṃ saniṃ gāyatraṃ navyāṃsaṃ // agnirdeveṣu pra voca // bhūḥ svāhā //
4.9.12 anuvākaḥ

mā no gharma vyathito vivyadhīnmā na āyuḥ paramavaraṃ mānadonaiḥ /
mo ṣvatvamasmāntarādhānmā rudriyāso abhi gulbadhānaḥ //
mā naḥ kratubhir hīḍiṣebhirasmaddviṣaḥ sunītho mā parā daiḥ /
mā no agniṃ nirṛtir mā na āṣṭān mā no dyāvāpṛthivī hīḍiṣethāṃ //
utā no mitrāvaruṇā ihāgataṃ manmā dīdhyānā utā naḥ sakhāyā /
ādityānāṃ prasṛtirhetirugrā śarā vāṣṭāddhaviṣā vārṇaḥ //
vidhuṃ dadrāṇaṃ samane bahūnāṃ yuvānaṃ santaṃ palito jagāra(jagāda) /
devasya paśya kāvyaṃ mahitvādyā mamāra sahyaḥ samānaḥ //
jari cetīdabhiśiṣaḥ purā cakṛbhyā ātṛda /
saṃdhātā saṃdhirmaghavā puruvasur niṣkartā vihrutaṃ punaḥ //
udu tiṣṭha svadhvara , ūrdhva ū ṣu ṇa , ityeke // punarūrjā saha rayyā , ityeke // udu tyaṃ citram, ityeke // bhūḥ svāhā // bhuvaḥ svāhā // svaḥ svāhā //
bhūr bhuvaḥ svaḥ svāhā //
4.9.13 anuvākaḥ

bhūr bhuvaḥ sva,rmayi tadindriyaṃ vīryam , mayi rāyo , mayi rakṣo , mayi dakṣo , mayi kratu , rmayi dhehi suvīryam //
tisṛbhir gharmo vibhātyākūtyā manasā saha, virājā jyotiṣā saha, tapasā brahmaṇā saha, tasya dohamaśīmahi, tasya bhakṣamaśīmahi, tasya tā upahūtā upahūtasya bhakṣayāmi //
4.9.14 anuvākaḥ

udasya śuṣmād bhānornāvyā bibharti bhāraṃ pṛthivī na bhūmīḥ //
pra śukraitu devī manīṣā asmat sutaṣṭo ratho na vāṇīḥ //
4.9.15 anuvākaḥ

cidasi // bṛhaspatiṣṭvā sādayatu pṛthivyāḥ pṛṣṭhe, tena ṛṣiṇā tena vidhinā tena chandasā tena brahmaṇā tayā devatayāṅgirasvad dhruvā sīda //
4.9.16 anuvākaḥ

prajāpatiṣṭvā sādayatu pṛthivyāḥ pṛṣṭhe, tena ṛṣiṇā tena vidhinā tena chandasā tena brahmaṇā tayā devatayāṅgirasvad dhruvā sīda //
4.9.17 anuvākaḥ

ugraśca bhīmaśca dhvāntaśca dhanavāṃśca sahasāvāṃśca sahīyasaḥ // vikṣipaḥ // vijye vivye vikṣipet //
4.9.18 anuvākaḥ

saṃvatsaro'si, parivatsaro'si , idāvatsaro'si , udvatsaro'si, vatsaro'si //
tasya te vasantaḥ śiro , grīṣmo dakṣiṇaṃ pakṣam , varṣā uttaraṃ , śarat pucham //
hemanto madhyam , śiśiraṃ pratiṣṭhānaṃ , tasya te māsāścārdhamāsāśca ṛtavaḥ parivatsarāḥ // ahorātre te kalpetām , ehi, prehi, vīhi, samihy udīcī //
4.9.19 anuvākaḥ

asṛṅmukho rudhireṇābhyakto yamasya dūtaśca vāg vidhāvati //
gṛdhraḥ suparṇaḥ kuṇapaṃ niṣevati, yamasya dūtaḥ prahita eṣa eti, vyasau yo asmān dveṣṭi yaṃ ca vayaṃ dviṣmaḥ //
4.9.20 anuvākaḥ

taccakṣurdevahitaṃ purastāc śukram uccarat // paśyema śaradaḥ śataṃ jīvema śaradaḥ śataṃ ,
prabruvāma śaradaḥ śataṃ, śṛṇuyāma śaradaḥ śataṃ //
4.9.21 anuvākaḥ

nidhāyo vā३ nidhāyo vā३ nidhāyo vā

oṃ vā३ oṃ vā३ oṃ vā३ e ai oṃ svarṇajyotiḥ //
4.9.22 anuvākaḥ

bṛhadbhā३ bṛhadbhā३ bṛhadbhā३ bṛhadbhā im bṛhadbhā im bṛhadbhā im // im im im svarṇajyotiḥ //
4.9.23 anuvākaḥ

pṛthivī samit , tāmagniḥ samindhe३ṃ, sāgniṃ samindhehā, tāmahaṃ samindhe, sā mā samiddhā susamiddhā tejasā brahmavarcasena samindhatāṃ svāhā // antarikṣaṃ samit , tāṃ vāyuḥ samindhemi, sā vāyuṃ samindhe e, tāmahaṃ samindhe, sā mā samiddhā susamiddhā tejasā brahmavarcasena samindhatāṃ svāhā // dyauḥ samit , tāmādityaḥ samindhe i, sādityaṃ samindhed, tāmahaṃ samindhe, sā mā samiddhā susamiddhā tejasā brahmavarcasena samindhatāṃ svāhā // diśaḥ samit , tāṃ prajāpatiḥ samindhe , sā prajāpatiṃ samindhemi,
tāmahaṃ samindhe, sā mā samiddhā susamiddhā tejasā brahmavarcasena samindhatāṃ svāhā //
4.9.24 anuvākaḥ

agne vratapate vrataṃ cariṣyāmi, tatte prabravīmi, tanme gopāya, tac śakeyam , tena śakeyam , tena rādhyāsaṃ // vāyo vratapate vrataṃ cariṣyāmi, tatte prabravīmi, tanme gopāya, tac śakeyam , tena śakeyam , tena rādhyāsaṃ // sūrya vratapate vrataṃ cariṣyāmi, tatte prabravīmi, tanme gopāya, tac śakeyam , tena śakeyam , tena rādhyāsaṃ // vratānāṃ vratapate vrataṃ cariṣyāmi, tatte prabravīmi, tanme gopāya, tac śakeyam , tena rādhyāsaṃ //
4.9.25 anuvākaḥ

pṛthivī samit , tāmagniḥ samindhiṣṭa, sāgniṃ samindhiṣṭa, tāmahaṃ samindhiṣṭa, sā mā samiddhā susamiddhā tejasā brahmavarcasena samindhiṣatāṃ svāhā // antarikṣaṃ samit , tāṃ vāyuḥ samindhiṣṭa, sā vāyuṃ samindhiṣṭa, tāmahaṃ samindhiṣṭa, sā mā samiddhā susamiddhā tejasā brahmavarcasena samindhiṣatāṃ svāhā // dyauḥ samit , tāmādityaḥ samindhiṣṭa, sādityaṃ samindhiṣṭa, tāmahaṃ samindhiṣṭa, sā mā samiddhā susamiddhā tejasā brahmavarcasena samindhiṣatāṃ svāhā // diśaḥ samit , tāṃ prajāpatiḥ samindhiṣṭa, sā prajāpatiṃ samindhiṣṭa, tāmahaṃ samindhiṣṭa, sā mā samiddhā susamiddhā tejasā brahmavarcasena samindhiṣatāṃ svāhā //
4.9.26 anuvākaḥ

agne vratapate vratamacārṣam , tatte prāvocaṃ , tadaśakaṃ , tenāśakaṃ , tenārātsyam //
vāyo vratapate vratamacārṣam , tatte prāvocaṃ , tadaśakaṃ , tenāśakaṃ , tenārātsyam //
sūrya vratapate vratamacārṣam , tatte prāvocaṃ , tadaśakaṃ , tenāśakaṃ , tenārātsyam //
vratānāṃ vratapate vratamacārṣam , tatte prāvocaṃ , tadaśakaṃ , tenāśakaṃ , tenārātsyam //
4.9.27 anuvākaḥ

śaṃ no vāto'bhivātu śaṃ nastapatu sūryaḥ //
ahāni śaṃ bhavantu naḥ śaṃ rātrī pratidhīyatām //
pṛthivī śāntiḥ, sauṣadhībhiḥ śānti, rantarikṣaṃ śānti, stadvāyunā śānti , rdyauḥ śāntiḥ, sā vṛṣṭyā śānti , rāpaḥ śānti , roṣadhayaḥ śānti , rvanaspatayaḥ śānti , rviśve devāḥ śānti , rbrahma śānti , rbrāhmaṇāḥ śāntiḥ, śāntiḥ sarvaśānti, stvayāhaṃ śāntyā sarvaśāntyā mahyaṃ dvipade ca catuṣpade ca śāntiṃ karomi, śāntirbabhūva, śāntirasi, śāntir no astu , abhayaṃ no astu //
āpo hi ṣṭhā mayobhuvastā na ūrje dadhātana /
mahe raṇāya cakṣase //
yo vaḥ śivatamo rasastasya bhājayateha naḥ /
uśatīriva mātaraḥ //
tasmā araṃ gamāma vo yasya kṣayāya jinvatha /
āpo janayathā ca naḥ //
īśānā vāryāṇāṃ kṣayantīścarṣaṇīnāṃ /
apo yātāmabheṣajaṃ tā naḥ kṛṇvantu bheṣajaṃ //
kayā naścitra ābhuvad ūtī sadāvṛdhaḥ sakhā /
kayā śaciṣṭhayā vṛtā //
kastvā satyo madānāṃ maṃhiṣṭho matsadandhasaḥ /
dṛḍhā cidāruje vasu //
abhī ṣu ṇaḥ sakhīnāmavitā jaritṝṇāṃ /
śataṃ bhavāsyūtibhiḥ //
trātāraṃ indramavitāraṃ indraṃ havehave suhavaṃ śūramindram /
huve nu śakraṃ puruhūtamindraṃ svasti no maghavā dhātvindraḥ //
svasti nā indro vṛddhaśravāḥ svasti naḥ pūṣā viśvavedāḥ /
svasti nastāryoroṃ ariṣṭanemiḥ svasti no bṛhaspatir dadhātu //
yathādityā aṃśumāpyāyayanti yathākṣitim akṣitayaḥ pibanti /
evāsmān indro varuṇo bṛhaspatir āpyāyayantu bhuvanasya gopāḥ //
udvayaṃ tamasaspari jyotiḥ paśyantā uttaraṃ /
devaṃ devatrā sūryamaganma jyotiruttamaṃ //
mitrasya vaścakṣuṣā samīkṣāmahe // mitrasya vaścakṣuṣā samīkṣadhvaṃ //
brahmaṇa upastaraṇamasi, brahmaṇe tvopastṛṇāmi //
iti khilakāṇḍe navamaḥ prapāṭhakaḥ//