Maitrayani Samhita · Chapter 3.5

adhvarādīnāṃ trayāṇāṃ vidhiḥ (vasordhārīyaḥ)

ā vā eṣa prajāpataye vṛścate yaḥ śira upadadhāti netarāṇyaṅgāni , asthicidasya śmaśānacid bhavati, yadetāṃ puruṣacitim upadadhāti na prajāpatayā āvṛścate ,
anasthicidasyāśmaśānacid bhavati, ṣaṭtriṃśataṃ etā upadadhāti, ṣaṭtriṃśadakṣarā bṛhatī, bārhatāḥ paśavo , bārhataḥ puruṣaḥ, puruṣasya pratimopadhīyate, sa hyeṣa dhīyate , eṣa ha tveva yajamāno'muṃ lokaṃ nāti pramīyate yasyaitā upadhīyante //
3.5.2 anuvākaḥ

athaitāḥ pañcāpañcīnāḥ, śithira iva vā agniścityo , yat pañcāpañcīnā upadadhāti , agnerdhṛtyā aśithiratvāya, pañcopadadhāti, pāṅkto yajño , yāvān eva yajñastamālabdha, bhūyaskṛdasi, varivaskṛdasīti , agnā eva bhūmānaṃ dadhāti, bhūyān prajayā paśubhirbhavati , apsuṣadasi, gṛdhrasadasīti, vayo vā agniḥ, samikṣyamevainaṃ vayaḥ karoti, vayo bhūtvā svargaṃ lokaṃ eti yasyaitā upadhīyante //
3.5.3 anuvākaḥ

citaḥ stha paricitaḥ stheti, śarkarāḥ pariśrayati, yac śarkarā apariśritya sikatā nivaped retaḥ siktaṃ parāsicyetā , 'tha yac śarkarā apariśritya sikatā nivapati retasaḥ siktasya parigṛhītyai //
3.5.4 anuvākaḥ

vi vā eṣa yajñaśchidyate yadasaṃsthitaṃ paśumutsṛjanti, saṃ ha sma vā etamāśokeyaḥ sthāpayati , ājyena saṃsthāpyam yajñasya saṃtatyā avichedāya //
3.5.5 anuvākaḥ

svargaṃ vā eṣa lokamanvārohati yo'gniṃ cinute, yadanvārohān juhoti svargaṃ evainaṃ lokaṃ gamayitvātha kāmaṃ carati //
ity uparikāṇḍe pañcamaḥ prapāṭhakaḥ //