કૃષ્ણયજુર્વેદઃ · અધ્યાય 3.5

અધ્વરાદીનાં ત્રયાણાં વિધિઃ (વસોર્ધારીયઃ)

આ વા એષ પ્રજાપતયે વૃશ્ચતે યઃ શિર ઉપદધાતિ નેતરાણ્યઙ્ગાનિ , અસ્થિચિદસ્ય શ્મશાનચિદ્ ભવતિ, યદેતાં પુરુષચિતિમ્ ઉપદધાતિ ન પ્રજાપતયા આવૃશ્ચતે ,
અનસ્થિચિદસ્યાશ્મશાનચિદ્ ભવતિ, ષટ્ત્રિંશતં એતા ઉપદધાતિ, ષટ્ત્રિંશદક્ષરા બૃહતી, બાર્હતાઃ પશવો , બાર્હતઃ પુરુષઃ, પુરુષસ્ય પ્રતિમોપધીયતે, સ હ્યેષ ધીયતે , એષ હ ત્વેવ યજમાનોઽમું લોકં નાતિ પ્રમીયતે યસ્યૈતા ઉપધીયન્તે ॥
3.5.2 અનુવાકઃ

અથૈતાઃ પઞ્ચાપઞ્ચીનાઃ, શિથિર ઇવ વા અગ્નિશ્ચિત્યો , યત્ પઞ્ચાપઞ્ચીના ઉપદધાતિ , અગ્નેર્ધૃત્યા અશિથિરત્વાય, પઞ્ચોપદધાતિ, પાઙ્ક્તો યજ્ઞો , યાવાન્ એવ યજ્ઞસ્તમાલબ્ધ, ભૂયસ્કૃદસિ, વરિવસ્કૃદસીતિ , અગ્ના એવ ભૂમાનં દધાતિ, ભૂયાન્ પ્રજયા પશુભિર્ભવતિ , અપ્સુષદસિ, ગૃધ્રસદસીતિ, વયો વા અગ્નિઃ, સમિક્ષ્યમેવૈનં વયઃ કરોતિ, વયો ભૂત્વા સ્વર્ગં લોકં એતિ યસ્યૈતા ઉપધીયન્તે ॥
3.5.3 અનુવાકઃ

ચિતઃ સ્થ પરિચિતઃ સ્થેતિ, શર્કરાઃ પરિશ્રયતિ, યચ્ શર્કરા અપરિશ્રિત્ય સિકતા નિવપેદ્ રેતઃ સિક્તં પરાસિચ્યેતા , ઽથ યચ્ શર્કરા અપરિશ્રિત્ય સિકતા નિવપતિ રેતસઃ સિક્તસ્ય પરિગૃહીત્યૈ ॥
3.5.4 અનુવાકઃ

વિ વા એષ યજ્ઞશ્છિદ્યતે યદસંસ્થિતં પશુમુત્સૃજન્તિ, સં હ સ્મ વા એતમાશોકેયઃ સ્થાપયતિ , આજ્યેન સંસ્થાપ્યમ્ યજ્ઞસ્ય સંતત્યા અવિછેદાય ॥
3.5.5 અનુવાકઃ

સ્વર્ગં વા એષ લોકમન્વારોહતિ યોઽગ્નિં ચિનુતે, યદન્વારોહાન્ જુહોતિ સ્વર્ગં એવૈનં લોકં ગમયિત્વાથ કામં ચરતિ ॥
ઇત્ય્ ઉપરિકાણ્ડે પઞ્ચમઃ પ્રપાઠકઃ ॥