Maitrayani Samhita · Chapter 2.9

agnicitiḥ
2.9.1 anuvākaḥ

ā tvā vahantu harayaḥ sucetasaḥ śvetairaśvairiha ketumadbhiḥ /
vātajavair balavadbhirmanojavairasmin yajñe mama havyāya śarva //
devānāṃ ca ṛṣīṇāṃ cāsurāṇāṃ ca pūrvajaṃ /
mahādevaṃ sahasrākṣaṃ śivamāvāhayāmyahaṃ //
tat puruṣāya vidmahe mahādevāya dhīmahi /
tan no rudraḥ pracodayāt //
tad gāṅgaucyāya vidmahe girisutāya dhīmahi /
tan no gaurī pracodayāt //
tat kumārāya vidmahe kārttikeyāya dhīmahi /
tan naḥ skandaḥ pracodayāt //
tat karāṭāya vidmahe hastimukhāya dhīmahi /
tan no dantī pracodayāt //
taccaturmukhāya vidmahe padmāsanāya dhīmahi /
tan no brahmā pracodayāt //
tat keśavāya vidmahe nārāyaṇāya dhīmahi /
tan no viṣṇuḥ pracodayat //
tad bhāskarāya vidmahe prabhākarāya dhīmahi /
tan no bhānuḥ pracodayāt //
tat somarājāya vidmahe mahārājāya dhīmahi /
tan naścandraḥ pracodayāt //
taj jvalanāya vidmahe vaiśvānarāya dhīmahi /
tan no vahniḥ pracodayāt //
tattyajapāya vidmahe mahājapāya dhīmahi /
tan no dhyānaḥ pracodayāt //
tat paramātmāya vidmahe vainateyāya dhīmahi /
tan naḥ sṛṣṭiḥ pracodayāt //
2.9.2 anuvākaḥ

namaste rudra manyava uto tā iṣave namaḥ /
namaste astu dhanvane bāhubhyāṃ uta te namaḥ //
yā te rudra śivā tanūraghorāpāpakāśinī /
tayā nastanvā śaṃtamayā giriśantābhicākaśīhi //
yāṃ iṣuṃ giriśanta haste bibharyśastave /
śivāṃ giriśa tāṃ kuru mā hiṃsīḥ puruṣaṃ jagat //
śivena vacasā tvā giriśāchā vadāmasi /
yathā naḥ sarvā ijjanaḥ saṃgame sumanā asat //
adhyavocadadhivaktā prathamo daivyo bhiṣak /
ahīṃśca sarvān jambhayantsarvāśca yātudhānyo'dharācīḥ parāsuva //
asau yastāmro aruṇa uta babhruḥ sumaṅgalaḥ /
ye ceme abhito rudrā dikṣu śritāḥ sahasraśo'vaiṣāṃ heḍa īmahe //
asau yo'vasarpati nīlagrīvo vilohitaḥ /
utainaṃ gopā adṛśrannutainaṃ udahāryaḥ /
utainaṃ viśvā bhūtāni sa dṛṣṭo mṛḍayātu naḥ //
namo nīlakapardāya sahasrākṣāya mīḍhuṣe /
atho ye asya satvāna idaṃ tebhyo'karaṃ namaḥ //
namastā āyudhāyānātatāya dhṛṣṇave /
ubhābhyāṃ uta te namo bāhubhyāṃ tava dhanvane //
pramuñca dhanvanastvamubhayorārtnyor jyām /
yāśca te hastā iṣavaḥ parā tā bhagavo vapa //
avatatya dhanuṣṭvaṃ sahasrākṣa śateṣudhe /
praśīrya śalyānāṃ mukhaṃ śivo naḥ sumanā bhava //
vijyaṃ dhanuḥ kapardino viśalyo bāṇavaṃ uta /
aneśannasya yā iṣava ābhūrasya niṣaṅgathiḥ //
pari te dhanvano hetir asmān vṛṇaktu viśvataḥ /
atho ya iṣudhistavāre asmin nidhehi taṃ //
yā te hetir mīḍhuṣṭama śivaṃ babhūva te dhanuḥ /
tayāsmān viśvato tvamayakṣmayā paribhuja //
2.9.3 anuvākaḥ

namo hiraṇyabāhave senānye diśāṃ ca pataye namo , namo vṛkṣebhyo harikeśebhyaḥ paśūnāṃ pataye namo , namo harikeśāyopavītine puṣṭānāṃ pataye namo , namaḥ śaṣpiñjarāya tviṣīmate pathīnāṃ pataye namo , namo babhluśāya vyādhine annasya pataye namo , namo rudrāyātatāyine kṣetrasya pataye namo , namo bhavasya hetyai jagataspataye namo , namaḥ sūtāyāhantvāya vanānāṃ pataye namo , namo rohitāya sthapataye vṛkṣāṇāṃ pataye namo , namo mantriṇe vāṇijāya, kakṣāṇāṃ pataye namo , namo bhuvantaye vārivaskṛtāya , oṣadhīnāṃ pataye namo , namaḥ sahamānāya nivyādhine , āvyādhinīnāṃ pataye namo , nama ākrandayata uccairghoṣāya satvānāṃ pataye namo , namaḥ kṛtnpavītāya dhāvate pattīnāṃ pataye namo , namo niṣaṅgiṇe kakubhāya stenānāṃ pataye namo , namo vañcate parivañcate stāyūnāṃ pataye namo , namo nicerave paricarāya , araṇyānāṃ pataye namo , namo niṣaṅgiṇa iṣudhimate taskarāṇāṃ pataye namo , namaḥ sṛgāyibhyo jighāṃsadbhyo muṣṇatāṃ pataye namo , namo'simadbhyo naktaṃ caradbhyaḥ prakṛntānāṃ pataye namo, nama uṣṇīṣiṇe giricarāya kuluñcānāṃ pataye namo namaḥ //
2.9.4 anuvākaḥ

nama iṣukṛdbhyo dhanuṣkṛdbhyaśca vo namo , namā iṣumadbhyo dhanvāyibhyaśca vo namo , nama ātanvānebhyaḥ pratidadhānebhyaśca vo namo , nama āyacchadbhyo visṛjadbhyaśca vo namo , namo'syadbhyo vidhyadbhyaśca vo namo, namaḥ svapadbhyo jāgradbhyaśca vo namo , namaḥ śayānebhyā āsīnebhyaśca vo namo , namastiṣṭhadbhyo dhāvadbhyaśca vo namo , namaḥ sabhābhyaḥ sabhāpatibhyaśca vo namo , namo'śvebhyo'śvapatibhyaśca vo namo , nama āvyādhinībhyo vividhyantībhyaśca vo namo , namā ugaṇābhyastṛṃhatībhyaśca vo namo , namo gaṇebhyo gaṇapatibhyaśca vo namo , namo vrātebhyo vrātapatibhyaśca vo namo , namaḥ kṛchrebhyaḥ kṛchrapatibhyaśca vo namo , namo virūpebhyo viśvarūpebhyaśca vo namo , namaḥ senābhyaḥ senānībhyaśca vo namo , namo rathibhyo varūthibhyaśca vo namo , namaḥ kṣattṝbhyaḥ saṃgrahītṛbhyaśca vo namo , namo bṛhadbhyo'rbhakebhyaśca vo namo , namo yuvabhya āśīnebhyaśca vo namo namaḥ //
2.9.5 anuvākaḥ

namo brāhmaṇebhyo rājanyebhyaśca vo namo , namaḥ sūtebhyo viśyebhyaśca vo namo , namastakṣabhyo rathakārebhyaśca vo namo , namaḥ kulālebhyaḥ karmārebhyaśca vonamo, , namo niṣādebhyaḥ puñjiṣṭebhyaśca vo namo , namaḥ śvanībhyo mṛgayubhyaśca vo namo , namaḥ śvabhyaḥ śvapatibhyaśca vo namo , namo bhavāya ca śarvāya ca, namo rudrāya ca paśupataye ca, namo vyuptakeśāya ca kapardine ca, namo nīlagrīvāya ca śitikaṇṭhāya ca, namaḥ sahasrākṣāya ca śatadhanvane ca, namo giriśāya ca śipiviṣṭāya ca, namo mīḍhuṣṭarāya ceṣumate ca, namo hrasvāya ca vāmanāya ca, namo bṛhate ca varṣīyase ca, namo vṛddhāya ca suvṛdhvane ca, namo'grīyāya ca prathamāya ca, nama āśave cājirāya ca, namaḥ śībhāya ca śīghrāya ca, namā ūrmyāya cāvasvanyāya ca, namo dvīpyāya ca srotasyāya ca //
2.9.6 anuvākaḥ

nama āśuṣeṇāya cāśurathāya ca, namo bilmine ca kavacine ca, namo varmiṇe ca varūthine ca, namaḥ śūrāya cāvabhindate ca, namaḥ śrutāya ca śrutasenāya ca, namo jyāyase ca kanīyase ca, namaḥ pūrvajāya cāparajāya ca, namo madhyamāya cāpagalbhāya ca, namo jaghanyāya ca budhnyāya ca, namaḥ sobhyāya ca pratisarāya ca, namo yāmyāya ca kṣemyāya ca, namo'vasānyāya ca ślokyāya ca, nama urvaryāya ca khalyāya ca, namo vanyāya ca kakṣyāya ca, namaḥ śravāya ca pratiśravāya ca, namaḥ pathyāya ca srutyāya ca, namo nādyāya ca vaiśantāya ca, namo nīpyāya ca bhidyāya ca, namo'vaṭyāya ca kūpyāya ca, namaḥ sūdyāya ca sarasyāya ca //
2.9.7 anuvākaḥ

namo dundubhaye cāhananīyāya ca, namo dhṛṣṇave ca pramṛśāya ca, namo niṣaṅgiṇe ceṣudhimate ca, namastigmeṣave cāyudhine ca, namaḥ svāyudhāya ca sudhanvane ca, namo meghyāya ca vidyutyāya ca, namo varṣyāya cāvarṣyāya ca, namo vīdhriyāya cātapyāya ca, namo vātyāya ca reṣmaṇyāya ca, namo vāstavyāya ca vāstupāya ca, namaḥ somāya ca rudrāya ca, namastāmrāya cāruṇāya ca, namaḥ śaṃgave ca paśupataye ca, nama ugrāya ca bhīmāya ca, namo 'grevadhāya ca dūrevadhāya ca, namo hantre ca hanīyase ca, namo vṛkṣebhyo harikeśebhyo , namastārāya, namaḥ śaṃbhave ca mayobhave ca, namaḥ śaṃkarāya ca mayaskarāya ca, namaḥ śivāya ca śivatarāya ca //
2.9.8 anuvākaḥ

namaḥ śikhaṇḍine ca pulastine ca, namaḥ kiṃśilāya ca kṣeṇāya ca, nama iriṇyāya ca prapathyāya ca, namo gṛhyāya ca goṣṭhyāya ca, namo gehyāya ca talpyāya ca, namaḥ kūlyāya ca tīrthyāya ca, namaḥ pāryāya cāvāryāya ca, namaḥ prataraṇāya cottaraṇāya ca, namaḥ pravāhyāya ca sikatyāya ca, namaḥ phenyāya ca śaṣpyāya ca, namo nīveṣyāya ca hṛdyāya ca, namaḥ kāṭyāya ca gahvareṣyācāya ca, namaḥ śuṣyāya ca harityāya ca, namaḥ pāṃsavyāya ca rajasyāya ca, namo lopyāya colapāya ca, namā ūrmyāya ca sūrmyāya ca, namaḥ parṇāya ca parṇaśādāya ca, namo'paguramāṇāya cābhighnate ca, nama ākhidate ca prakhidate ca, nama ākhidāya ca prakhidāya ca //
2.9.9 anuvākaḥ

namo girikebhyo devānāṃ hṛdayebhyo , namo vicinvatkebhyo , nama ākṣiṇakebhyo , nama ānṛhatebhyaḥ //
drāpe andhasaspate daridra nīlalohita /
eṣāṃ paśūnāmāsāṃ prajānāṃ mā bhairmā ruṅ mo ca naḥ kiṃ canāmamat //
imā rudrāya tavase kapardine kṣayadvīrāya prabharāmahe matīḥ /
yathā naḥ śamasad dvipade catuṣpade viśvaṃ puṣṭaṃ grāme asminnanāturam //
yā te rudra śivā tanūḥ śivā viśvāha bheṣajā /
śivā rutasya bheṣajā tayā no mṛḍa jīvase //
pari no rudrasya hetir vṛṇaktu pari tveṣasya durmatiraghāyoḥ /
ava sthirā maghavadbhyastanuṣva mīḍhvastokāya tanayāya mṛḍa //
mīḍhuṣṭama śivatama śivo na edhi sumanā bhava /
avatatya dhanuṣ ṭvamakruddhaḥ sumanā bhava /
pinākaṃ bibhradāgahi kṛttiṃ vasānā uccara //
vyakṛḍa vilohita namaste astu bhagavaḥ /
yāste sahasraṃ hetayo'nyāṃste asman nivapantu tāḥ //
sahasrāṇi sahasraśo hetayastava bāhvoḥ /
tāsāṃ īśāno maghavan parācīnā mukhā kṛdhi //
asaṃkhyātā sahasrāṇi ye rudrā adhi bhūmyām /
teṣāṃ sahasrayojane'va dhanvāni tanmasi //
ye asminmahatyarṇave antarikṣe bhavā adhi /
teṣāṃ sahasrayojane'va dhanvāni tanmasi //
ye nīlagrīvāḥ śitikaṇṭhā divaṃ rudrā upaśritāḥ /
teṣāṃ sahasrayojane'va dhanvāni tanmasi //
ye nīlagrīvāḥ śitikaṇṭhāḥ śarvā adhaḥ kṣamācarāḥ /
teṣāṃ sahasrayojane'va dhanvāni tanmasi //
ye vṛkṣeṣu śaṣpiñjarā nīlagrīvā vilohitāḥ /
teṣāṃ sahasrayojane'va dhanvāni tanmasi //
ye bhūtānāmadhipatayo viśikhāsaḥ kapardinaḥ /
teṣāṃ sahasrayojane'va dhanvāni tanmasi //
ye pathāṃ pathirakṣaya ailamṛḍā vo yudhaḥ /
teṣāṃ sahasrayojane'va dhanvāni tanmasi //
ye tīrthāni pracaranti sṛgavanto niṣaṅgiṇaḥ //
teṣāṃ sahasrayojane'va dhanvāni tanmasi //
ye anneṣu vividhyanti pātreṣu pibato janān /
teṣāṃ sahasrayojane'va dhanvāni tanmasi //
ya etāvanto vā bhūyāṃso vā diśo rudrā vitasthire /
teṣāṃ sahasrayojane'va dhanvāni tanmasi //
namo astu rudrebhyo ye divi yeṣāṃ varṣamiṣava, stebhyo daśa prācīrdaśa dakṣiṇā daśa pratīcīrdaśodīcīrdaśordhvā, stebhyo namo astu te no mṛḍantu, te yaṃ dviṣmo yaśca no dveṣṭi taṃ eṣāṃ jaṃbhe dadhmo, namo astu rudrebhyo ye antarikṣe yeṣāṃ vātā iṣava, stebhyo daśa prācīrdaśa dakṣiṇā daśa pratīcīrdaśodīcīrdaśordhvā, stebhyo namo astu, te no mṛḍantu, te yaṃ dviṣmo yaśca no dveṣṭi taṃ eṣāṃ jaṃbhe dadhmo , namo astu rudrebhyo ye pṛthivyāṃ yeṣāmannamiṣava, stebhyo daśa prācīrdaśa dakṣiṇā daśa pratīcīrdaśodīcīrdaśordhvā, stebhyo namo astu, te no mṛḍantu, te yaṃ dviṣmo yaśca no dveṣṭi taṃ eṣāṃ jaṃbhe dadhmaḥ //
2.9.10 anuvākaḥ

aghorebhyo atha ghorebhyo aghoraghoratarebhyaśca /
sarvataḥ śarvaśarvebhyo namaste rudra rūpebhyo namaḥ //
yaḥ pathaḥ samanuyāti svargaṃ lokaṃ gāṃ iva supraṇītau /
tena tvaṃ bhagavān yāhi pathā //
ime hiraṇyavarṇāḥ svaṃ yonimāviśantau //
gaccha tvaṃ bhagavān punarāgamanāya punardarśanāya sahadevyāya sahavṛṣāya sahagaṇāya sahapārṣadāya yathāhutāya namonamāya namaḥśivāya namaste astu, mā mā hiṃsīḥ //
āvāhitamāvāhita, namaskṛtaṃ namaskṛta, visarjitaṃ visarjita, pathaṃ gaccha pathaṃ gaccha, divaṃ gaccha divaṃ gaccha, svargaccha svargaccha, jyotirgaccha jyotirgaccha namaste astu mā mā hiṃsīḥ //