Maitrayani Samhita · Chapter 2.8

agnicitiḥ
2.8.1 anuvākaḥ

lokaṃ pṛṇa chidraṃ pṛṇāthā sīda dhruvā tvaṃ /
indrāgnī tvā bṛhaspatir asminyonā asīṣadan //
tā asya sūdadohasaḥ somaṃ śrīṇanti pṛśnayaḥ /
janman devānāṃ viśastriṣvā rocane divaḥ //
dhruvakṣitir dhruvayonirdhruvāsi dhruvaṃ yonimāsīda sādhyā /
ukhyasya ketuṃ prathamaṃ juṣāṇā aśvinādhvaryū sādayatāmiha tvā //
kulāyinī ghṛtavatī puraṃdhiḥ syone sīda sadane pṛthivyāḥ /
abhi tvā rudrā vasavo gṛṇantvidaṃ brahma pipṛhi saubhagāya /
aśvinādhvaryū sādayatāmiha tvā //
svairdakṣairdakṣapiteha sīda devānāṃ sumne bṛhate raṇāya /
pitevaidhi sūnave yaḥ suśevaḥ svāveśayā tanvā saṃviśasva /
aśvinādhvaryū sādayatāmiha tvā //
pṛthivyāḥ purīṣamasyapso nāma tāṃ tvā viśve abhigṛṇantu devāḥ /
stomapṛṣṭhā ghṛtavatīha sīda prajāvadasme draviṇāyajasva /
aśvinādhvaryū sādayatāmiha tvā //
adityāstvā pṛṣṭhe sādayāmi antarikṣasya dhartrīṃ viṣṭambhanīṃ diśām /
bhuvanasyādhipatnīm ūrmirdrapso apāmasi /
aśvinādhvaryū sādayatāmiha tvā //
sajūr ṛtubhiḥ, sajūrvidhābhiḥ, sajūrdevaiḥ, sajūrdevairvayunādhai, ragnaye tvā vaiśvānarāya , aśvinādhvaryū sādayatāmiha tvā, sajūr ṛtubhiḥ, sajūrvidhābhiḥ, sajūrvasubhiḥ, sajūr ṛtubhiḥ, sajūrvidhābhiḥ, sajū rudraiḥ, sajūr ṛtubhiḥ, sajūrvidhābhiḥ, sajūrādityaiḥ, sajūr ṛtubhiḥ, sajūrvidhābhiḥ, sajūrviśvairdevairvaiśvānaraiḥ, sajūrdevairvayunādhai, agnaye tvā vaiśvānarāya , aśvinādhvaryū sādayatāmiha tvā //
2.8.2 anuvākaḥ

prāṇaṃ me pāhi , apānaṃ me pāhi, vyānaṃ me pāhi, cakṣurma uruyā vibhāhi, śrotraṃ me ślokayā , apaḥ pinvau , ṣadhīr jinva, dvipādava, catuṣpātpāhi, divo vā vṛṣṭimeraya, kṣatraṃ vayo , mayantaṃ chando, viṣṭambho vayo , adhipatiśchando , mūrdhā vayaḥ, prajāpatiśchando , viśvakarmā vayaḥ, parameṣṭhī chanda, tryavirvaya, striṣṭup chando, dityavāḍ vayo , virāṭ chandaḥ, pañcāvirvayo , gāyatrī chanda, strivatso vaya, uṣṇihā chanda, sturyavāḍ vayo , anuṣṭup chandaḥ, paṣṭhavāḍ vayo , bṛhatī chanda, ukṣā vayaḥ, kakup chanda , ṛṣabho vayaḥ, satobṛhatī chando , anaḍvān vayaḥ, paṅktiśchando , dhenurvayo , jagatī chando , basto vayo , yuvalaṃ chando , vṛṣṇirvayo , viśālaṃ chandaḥ, puruṣo vayastandraṃ chandaḥ, siṃho vaya , śchadiśchando, vyāghro vaya, anādhṛṣyaṃ chandaḥ //
2.8.3 anuvākaḥ

indrāgnī avyathamānāṃ iṣṭakāṃ dṛṃhataṃ yuvaṃ /
pṛṣṭhena dyāvāpṛthivī āpṛṇāntarikṣaṃ ca vibādhasva //
rājy si prācī dik , virāḍasi dakṣiṇā dik, samrāḍ asi pratīcī dik, svarāḍasy udīcī dik , adhipatni asy ūrdhvā dik , āyurme pāhi, prāṇaṃ me pāhi , apānaṃ me pāhi, vyānaṃ me pāhi, cakṣurme pāhi, śrotraṃ me pāhi, mano me pinva, vācaṃ me jinva , ātmānaṃ me pāhi, jyotir me yaccha, mā chandaḥ, pramā chandaḥ, pratimā chando , asrīvīśchandaḥ, paṅktiśchanda, uṣṇihā chando , gāyatrī chanda, striṣṭup chando , jagatī chando , anuṣṭup chando , virāṭ chando , bṛhatī chandaḥ , pṛthivī chando , antarikṣaṃ chando , dyauśchando , nakṣatrāṇi chandaḥ, samā chandaḥ, kṛṣiśchando , vāk chando , manaśchando , gauśchando , aśvaśchando , ajā chando , hiraṇyaṃ chando , agnirdevatā, vāto devatā, sūryo devatā, candramā devatā, vasavo devatā, rudrā devatā, ādityā devatā, maruto devatā , indro devatā, varuṇo devatā, bṛhaspatir devatā, viśve devā devatā, mūrdhāsi rāṭ , dhruvāsi dharuṇā, dharyvilasi dharaṇī , āyuṣe tvā, varcase tvā, kṛṣyai tvā, kṣemāya tvā, yanrī na rāṭ , yanyrudasi yamanī, dharytāṭasi dharitrī , iṣe tvā , ūrje tvā, rayyai tvā, poṣāya tvā //
2.8.4 anuvākaḥ

āśustrivṛt , bhāntaḥ pañcadaśo , vyomā saptadaśaḥ, pratūrtiraṣṭādaśa, stapo navadaśo , abhīvartaḥ saviṃśo , dharuṇa ekaviṃśo, varco dvāviṃśaḥ, saṃbharaṇaḥ trayoviṃśo , yoniścaturviṃśo , garbhāḥ pañcaviṃśa , ojastriṇavo , virāṭ triṃśaḥ, kraturekatriṃśo , vidhṛtir dvātriṃśaḥ, pratiṣṭhā trayastriṃśo , bradhnasya viṣṭapaṃ catustriṃśo , nākaḥ ṣaṭtriṃśo , vīvarto'ṣṭācatvāriṃśo , dhartraṃ catuṣṭomaḥ //
2.8.5 anuvākaḥ

agnerbhāgo'si, dīkṣāyā ādhipatyaṃ , brahma spṛtaṃ , trivṛt stomā , indrasya bhāgo'si, viṣṇorādhipatyaṃ , kṣatraṃ spṛtaṃ , pañcadaśaḥ stomo , nṛcakṣasāṃ bhāgo'si, dhātur ādhipatyaṃ , janitraṃ spṛtaṃ , saptadaśaḥ stomo , mitrasya bhāgo'si, varuṇasyādhipatyaṃ , divo vṛṣṭir vātaḥ spṛta , ekaviṃśaḥ stomo , adityā bhāgo'si, pūṣṇa ādhipatyaṃ, ojaḥ spṛtaṃ , triṇavaḥ stomo , vasūnāṃ bhāgo'si, rudrāṇāmādhipatyaṃ , catuṣpāt spṛtaṃ , caturviṃśaḥ stoma , ādityānāṃ bhāgo'si, marutām ādhipatyaṃ , garbhāḥ spṛtāḥ, pañcaviṃśaḥ stomaḥ, savitur bhāgo'si, bṛhaspaterādhipatyaṃ , samīcīr diśaḥ spṛtā , ścatuṣṭomaḥ stomo , yavānāṃ bhāgo'si , ayavānāmādhipatyaṃ , prajāḥ spṛtā , ścatuścatvāriṃśaḥ stoma , ṛbhūṇāṃ bhāgo'si, viśveṣāṃ devānāmādhipatyaṃ , bhūtaṃ niśāntaṃ spṛtaṃ , trayastriṃśaḥ stomaḥ //
2.8.6 anuvākaḥ

ekayāstuvata, prajā adhīyanta, prajānāṃ patir adhipatirāsīt, tisṛbhirastuvata, brahmāsṛjyata, brahmaṇaspatir adhipatirāsīt , pañcabhirastuvata, bhūtāni asṛjyanta, bhūtānāṃ patir adhipatirāsīt , saptabhirastuvata, saptaṛṣayo'sṛjyanta, dhātādhipatirāsīt , navabhirastuvata, pitaro'sṛjyanta , aditir adhipatirāsīt , ekādaśabhirastuvata , ārtavā asṛjyanta, ṛtavo'dhipataya āsan , trayodaśabhirastuvata, māsā asṛjyanta, saṃvatsaro'dhipatirāsīt , pañcadaśabhirastuvata, kṣatramasṛjyata , indro'dhipatirāsīt , saptadaśabhirastuvata, grāmyāḥ paśavo'sṛjyanta, bṛhaspatir adhipatirāsīt , navadaśabhirastuvata, śūdrāryā asṛjyetām, ahorātre adhipatnī āstām, ekaviṃśatyāstuvata , ekaśaphamasṛjyata, varuṇo'dhipatirāsīt, trayoviṃśatyāstuvata, kṣudrāḥ paśavo'sṛjyanta, pūṣādhipatirāsīt, pañcaviṃśatyāstuvata , āraṇyāḥ paśavo'sṛjyanta, vāyuradhipatirāsīt, saptaviṃśatyāstuvata, vanaspatayo'sṛjyanta, somo'dhipatirāsīt , navaviṃśatyāstuvata, dyāvāpṛthivī vyaitām , vasavo rudrā anuvyāyan , ta u evādhipataya āsan , ekatriṃśatāstuvata. prajā asṛjyanta, yavāścāyavāścādhipataya āsan , trayastriṃśatāstuvata, bhūtāni aśāmyan, prajāpatiḥ parameṣṭhyadhipatirāsīt //
2.8.7 anuvākaḥ

agne jātān praṇudā naḥ sapatnān pratyajātān jātavedo nudasva /
adhi no brūhi sumanā aheḍañ śarmaṃste syāma trivarūthā udbhau //
sahasā jātān praṇudā naḥ sapatnān pratyajātān jātavedo nudasva /
adhi no brūhi sumanasyamāno vayaṃ syāma praṇudā naḥ sapatnān //
catuścatvāriṃśī stomo , varco draviṇaṃ , ṣoḍaśī stomā , ojo draviṇaṃ //
agneḥ purīṣamasyapso nāma tāṃ tvā viśve abhigṛṇantu devāḥ /
stomapṛṣṭhā ghṛtavatīha sīda prajāvadasme draviṇāyajasva //
tayā devatayāṅgirasvad dhruvā sīda , evaśchando , varivaśchanda , āchacchando , manaśchandaḥ, śaṃbhūśchandaḥ, paribhūśchandaḥ, sindhuśchando , vyacaśchandaḥ, samudraṃ chandaḥ, salilaṃ chandaḥ, kakup chanda, strikakup chandaḥ, kāvyaṃ chando , aṅkupaṃ chando , akṣarapaṅktiśchandaḥ, padapaṅktiśchando , viṣṭārapaṅktiśchandaḥ, kṣuro bhṛjaśchandaḥ, pakṣaśchandaḥ, prachac chandaḥ, saṃyac chando , viyac chando , bṛhac chando , rathantaraṃ chando , nikāyaṃ chando , vīvadhaṃ chando , giraśchando , bhṛjaśchandaḥ, saṃstup chando , anuṣṭup chandā , evaśchando , varivaśchando , vayaśchando , vayaskṛc chando , viśālaṃ chando , viṣpardhāśchanda , śchadiśchando , dūrohaṇaṃ chanda, standraṃ chando , aṅkāvaṅkaṃ chandaḥ //
2.8.8 anuvākaḥ

raśminā kṣayāya kṣayaṃ jinva, pretyā dharmaṇe dharmaṃ jinva , anvityā dive divaṃ jinva, saṃdhināntarikṣāyāntarikṣaṃ jinva, pratidhinā pṛthivyai pṛthivīṃ jinva, viṣṭambhena vṛṣṭyai vṛṣṭiṃ jinva, pravāyāhne'har jinva , anuvāya rātryai rātrīṃ jinva , uśijā vasubhyo vasūn jinva, praketena rudrebhyo rudrān jinva, suditinādityebhya ādityān jinva, tantunā prajābhyaḥ prajā jinva , ojasā pitṛbhyaḥ pitṝn jinva, pṛtanāṣāhā paśubhyaḥ paśūn jinva, revatauṣadhībhyā oṣadhīr jinva , abhijitā yuktagrāvṇendrāyendraṃ jinva , adhipatinā prāṇāya prāṇaṃ jinva, dharuṇenāpānāyāpānaṃ jinva, saṃsarpeṇa cakṣuṣe cakṣur jinva, vayodhasādhītāyādhītaṃ jinva, trivṛtā trivṛte trivṛj jinva, pravṛtā pravṛte pravṛj jinva, savṛtā savṛte savṛj jinva , anūvṛtānuvṛte'nūvṛj jinva, viroheṇa virohāya virohaṃ jinva, praroheṇa prarohāya prarohaṃ jinva, saṃroheṇa saṃrohāya saṃrohaṃ jinva , anūroheṇānūrohāyānūrohaṃ jinva, vasukena vasukāya vasukaṃ jinva, veṣaśriyā veṣaśriyai veṣaśrīṃ jinva, vasyaṣṭyā vasyaṣṭyai vasyaṣṭiṃ jinva , ākrāntyākrāntyā utkrāntiṃ jinva , utkrānyontkrāntyā ākrāntiṃ jinva //
2.8.9 anuvākaḥ

rājy.si, prācī dik , vasavaste devā adhipatayo, agnir hetīnāṃ pratidhartā, trivṛt tvā stomaḥ pṛthivyāṃ śrayatu , ājyamukthamavyathāyai stabhnotu, rathantaraṃ sāma pratiṣṭhityā antarikṣā , ṛṣayastvā prathamajā deveṣu divo mātrayā variṇā prathantu, vidhartā cāyamadhipatiśca, te tvā sarve saṃvidānā nākasya pṛṣṭhe svarge loke yajamānaṃ cā sādayantu, virāḍasi, dakṣiṇā dik , rudrāste devā adhipatayā , indro hetīnāṃ pratidhartā, pañcadaśastvā stomaḥ pṛthivyāṃ śrayatu, praugamukthamavyathāyai stabhnotu, bṛhat sāma pratiṣṭhityā antarikṣā, ṛṣayastvā prathamajā deveṣu divo mātrayā variṇā prathantu, vidhartā cāyam adhipatiśca, te tvā sarve saṃvidānā nākasya pṛṣṭhe svarge loke yajamānaṃ ca sādayantu, samrāḍ asi pratīcī dik , ādityāste devā adhipatayaḥ, somo hetīnāṃ pratidhartā, saptadaśastvā stomaḥ pṛthivyāṃ śrayatu, marutvatīyam ukthamavyathāyai stabhnotu, vairūpaṃ sāma pratiṣṭhityā antarikṣā , ṛṣayastvā prathamajā deveṣu divo mātrayā variṇā prathantu, vidhartā cāyam adhipatiśca, te tvā sarve saṃvidānā nākasya pṛṣṭhe svarge loke yajamānaṃ ca sādayantu, svarāḍasi udīcī diṅ , marutaste devā adhipatayo , varuṇo hetīnāṃ pratidhartā , ekaviṃśastvā stomaḥ pṛthivyāṃ śrayatu, niṣkevalyam ukthamavyathāyai stabhnotu, vairājaṃ sāma pratiṣṭhityā antarikṣā , ṛṣayastvā prathamajā deveṣu divo mātrayā variṇā prathantu, vidhartā cāyam adhipatiśca, te tvā sarve saṃvidānā nākasya pṛṣṭhe svarge loke yajamānaṃ ca sādayantu , adhipatni asi , ūrdhvā dik , viśve te devā adhipatayo , bṛhaspatir hetīnāṃ pratidhartā, triṇavatrayastriṃśau tvā stomau pṛthivyāṃ śrayatām , vaiśvadevāgnimārute ukthe avyathāyai stabhnutām , śākvararaivate sāmanī pratiṣṭhityā antarikṣā , ṛṣayastvā prathamajā deveṣu divo mātrayā variṇā prathantu, vidhartā cāyam adhipatiśca, te tvā sarve saṃvidānā nākasya pṛṣṭhe svarge loke yajamānaṃ ca sādayantu //
2.8.10 anuvākaḥ

ayaṃ puro harikeśaḥ sūryaraśmi, stasya rathakṛtsnaśca rathaujāśca senānīgrāmaṇyau, puñjikasthalā ca kṛtasthalā cāpsarasau, yātudhānā hetī, rakṣāṃsi praheti, stebhyo namo astu, te no mṛḍantu, te yaṃ dviṣmo yaśca no dveṣṭi taṃ eṣāṃ jaṃbhe dadhmo , ayaṃ dakṣiṇā viśvakarmā, tasya rathasvanaśca rathecitraśca senānīgrāmaṇyau, menakā ca sahajanyā cāpsarasau, daṅkṣṇavaḥ paśavo hetiḥ, pauruṣeyo vadhaḥ praheti, stebhyo namo astu, te no mṛḍantu, te yaṃ dviṣmo yaśca no dveṣṭi taṃ eṣāṃ jaṃbhe dadhmo , ayaṃ paścā vidadvasu, stasya rathaprotaścāsamarathaśca senānīgrāmaṇyā , āmlocantī ca pramlocantī cāpsarasau, vyāghrā hetiḥ, sarpāḥ praheti, stebhyo namo astu, te no mṛḍantu, te yaṃ dviṣmo yaśca no dveṣṭi taṃ eṣāṃ jaṃbhe dadhmo , ayam uttarāt saṃyadvasu, stasya senajicca suṣeṇaśca senānīgrāmaṇyau, viśvācī ca ghṛtācī cāpsarasau , āpo heti , rvātaḥ praheti, stebhyo namo astu, te no mṛḍantu, te yaṃ dviṣmo yaśca no dveṣṭi taṃ eṣāṃ jaṃbhe dadhmo , ayam uparyarvāgvasu, stasya tārṣyauvaścāriṣṭanemiśca senānīgrāmaṇyā , urvaśī ca pūrvacittiścāpsarasā , avophūrjaddheti, rvidyut praheti, stebhyo namo astu, te no mṛḍantu, te yaṃ dviṣmo yaśca no dveṣṭi taṃ eṣāṃ jaṃbhe dadhmaḥ //
2.8.11 anuvākaḥ

prācyā tvā diśā sādayāmi , agninā devena devatayā gāyatreṇa chandasāgneḥ śirā upadadhāmi, gāyatrasya chandaso'gneḥ śīrṇādegneḥ śirā upadadhāmi, dakṣiṇayā tvā diśā sādayāmi , indreṇa devena devatayā traiṣṭubhena chandasāgneḥ pakṣamupadadhāmi, traiṣṭubhasya chandaso'gneḥ pakṣeṇāgneḥ pakṣamupadadhāmi, pratīcyā tvā diśā sādayāmi, viśvebhirdevebhirdevatayā jāgatena chandasāgneḥ pucchamupadadhāmi, jāgatasya chandaso'gneḥ puchenāgneḥ pucchamupadadhāmi , udīcyā tvā diśā sādayāmi, mitrāvaruṇābhyāṃ devābhyāṃ devatayānuṣṭubhena chandasāgneḥ pakṣamupadadhāmi , ānuṣṭubhasya chandaso'gneḥ pakṣeṇāgneḥ pakṣamupadadhāmi , ūrdhvayā tvā diśā sādayāmi, bṛhaspatinā devena devatayā pāṅktena chandasāgneḥ pṛṣṭham upadadhāmi, pāṅktasya chandaso'gneḥ pṛṣṭhenāgneḥ pṛṣṭham upadadhāmi //
2.8.12 anuvākaḥ

madhuśca mādhavaśca vāsantikā ṛtū, agnerantaḥśleṣo'si //
kalpetāṃ dyāvāpṛthivī kalpantāmāpā oṣadhayaḥ /
kalpantām agnayaḥ pṛthaṅ mama jyaiṣṭhyāya savratāḥ //
ye agnayaḥ samanaso'ntarā dyāvāpṛthivī /
vāsantikā ṛtū abhikalpamānā indramiva devā abhisaṃviśantu //
śukraśca śuciśca graiṣmā ṛtū, nabhaśca nabhasyaśca vārṣikā ṛtū, iṣaścorjaśca śāradā ṛtū, sahaśca sahasyaśca haimantikā ṛtū, tapaśca tapasyaśca śaiśirā ṛtū, agnerantaḥśleṣo'si //
kalpetāṃ dyāvāpṛthivī kalpantāmāpā oṣadhayaḥ /
kalpantām agnayaḥ pṛthaṅ mama jyaiṣṭhyāya savratāḥ //
ye agnayaḥ samanaso'ntarā dyāvāpṛthivī /
śaiśirā ṛtū abhikalpamānā indramiva devā abhisaṃviśantu //
2.8.13 anuvākaḥ

purovātasanirasi , abhrasanirasi, , vidyutsanirasi, stanayitnusanirasi, vṛṣṭisanirasi , agner yāni asi , agneragneyāni asi, vāyor yāni asi, vāyorvāyoyāni asi, devānāṃ yāni asi, devānāṃ devayāni asi, viśveṣāṃ devānāṃ yāni asi, viśveṣāṃ devānāṃ devayāni asi, saṃyāni asi , antarikṣasadasi antarikṣe sīda , ambā ca bulā ca nitatnī ca stanayantī cābhrayantī ca meghayantī ca cupuṇīkā, salilāya tvā, mṛdīkāya tvā, satīkāya tvā, ketāya tvā, suketāya tvā, saketāya tvā, vivasvate tvā, dive tvā jyotiṣe , ādityebhyastvā //
2.8.14 anuvākaḥ

udapurā nāmāsyannena viṣṭā, tāṃ tvā praimyātmanā puruṣairgobhiraśvairāyuṣā varcasā prajayā dhanena sanyā medhayā rayyā poṣeṇa, manuṣyāste goptāro , agniradhipati, stayā devatayāṅgirasvad dhruvā sīda , aparājitā nāmāsi, brahmaṇā viṣṭā, tāṃ tvā praimyātmanā puruṣairgobhiraśvairāyuṣā varcasā prajayā dhanena sanyā medhayā rayyā poṣeṇa, marutaste goptāro , vāyuradhipati, stayā devatayāṅgirasvad dhruvā sīda , adhidyaurnāmāsyamṛtena viṣṭā, tāṃ tvā praimyātmanā puruṣairgobhiraśvairāyuṣā varcasā prajayā dhanena sanyā medhayā rayyā poṣeṇa, viśve te devā goptāraḥ, sūryo'dhipati, stayā devatayāṅgirasvad dhruvā sīda, prajāpatiṣṭvā sādayatu pṛthivyāḥ pṛṣṭhe, bhūrasi, bhūmirasi, pratho'si, pṛthivyasi , aditirasi viśvadhāyā viśvasya bhuvanasya dharrī, , pṛthivīṃ yaccha, pṛthivīṃ dṛṃha, pṛthivīṃ mā hiṃsīḥ, pṛthivyā mā pāhi viśvasmai prāṇāyāpānāya vyānāyodānāya pratiṣṭhāyai caritrāya , agniṣṭvābhipātu mahyā svastyā chardiṣā śaṃtamena, viśvakarmā sādayatv antarikṣasya pṛṣṭhe , antarikṣaṃ yacha , antarikṣaṃ dṛṃha , antarikṣaṃ mā hiṃsīḥ , antarikṣānmā pāhi viśvasmai prāṇāyāpānāya vyānāyodānāya pratiṣṭhāyai caritrāya, vāyuṣṭvābhipātu mahyā svastyā chardiṣā śaṃtamena, parameṣṭhī tvā sādayatu divaḥ pṛṣṭhe vyacasvatīṃ prathasvatīṃ bhāsvatīṃ raśmīvatīm, ā yā divaṃ bhāsyā pṛthivīmorvantarikṣaṃ , divaṃ yaccha, divaṃ dṛṃha, divaṃ mā hiṃsīḥ , divo mā pāhi viśvasmai prāṇāyāpānāya vyānāyodānāya pratiṣṭhāyai caritrāya, sūryastvābhipātu mahyā svastyā chardiṣā śaṃtamena //
prothadaśvo na yavase'viṣyan yadā mahaḥ saṃvaraṇādvyasthāt /
ādasya vāto anuvāti śociradha smā te vrajanaṃ kṛṣṇamastu //
āyoṣṭvā sadane sādayāmi samudrasyodmannavataśchāyāyāṃ , namaḥ samudrāya, namaḥ samudrasya cakṣase, sahasrasya māsi, sahasrasya pramāsi, sahasrasya pratimāsi, sahasrasya saṃmāsi, sahasrasyonmāsi, sāhasro'si, sahasrāya tvā , imā me agnā iṣṭakā dhenavaḥ santu , ekā ca śataṃ ca, śataṃ ca sahasraṃ ca, sahasraṃ cāyutaṃ ca , ayutaṃ ca prayutaṃ ca, prayutaṃ cāyutaṃ ca, arbudaṃ ca nyarbudaṃ ca, samudraśca madhyaṃ ca , antaśca parārdhaśca , imā me agnā iṣṭakā dhenavaḥ santu ṣaṣṭiḥ sahasramayutamakṣīyamāṇā , ṛtuṣṭhāḥ stha ṛtāvṛdho ghṛtaścuto madhuścutā ūrjasvatīḥ payasvatīḥ svadhāyinīḥ kulāyinī, stā me agnā iṣṭakā dhenavaḥ santu virājo nāma kāmadughā amutrāmuṣmiṃlloke //
iti madhyamakāṇḍeṣṭamaḥ prapāṭhakaḥ//