Maitrayani Samhita · Chapter 1.3

grahāḥ
1.3.1 anuvākaḥ

haviṣmatīrimā āpo haviṣmān devo adhvaraḥ /
haviṣmaṃ āvivāsati haviṣmaṃ astu sūryaḥ //
agnervo'pannagṛhasya sadasi sādayāmi
devānāṃ bhāgadheyīḥ stha ,
indrāgnyorbhāgadheyīḥ stha
mitrāvaruṇayorbhāgadheyīḥ stha
viśveṣāṃ devānāṃ bhāgadheyīḥ stha
sumnāyuvaḥ sumnyāya sumnaṃ dhatta //
hṛde tvā
manase tvā
dive tvā
sūryāya tvā /
ūrdhvamimamadhvaraṃ divi deveṣu hotrā yaccha //
śṛṇotvagniḥ samidhā havaṃ me śṛṇvantvāpo dhiṣaṇāśca devīḥ /
śṛṇotu grāvāṇo viduṣo nu yajñaṃ śṛṇotu devaḥ savitā havaṃ me //
devīrāpo apāṃ napādya ūrmirhaviṣya indriyāvān madintamastaṃ devebhyaḥ śukrapebhyo dāta yeṣāṃ bhāgaḥ stha svāhā
kārṣyasi samudrasya vo'kṣityā unnaye
vasūnāṃ rudrāṇāmādityānāṃ pannejanīḥ stha
vasavo rudrā ādityā etā vaḥ pannejanīḥ
samudraṃ gandharveṣṭhāṃ anvātiṣṭhata vātasya patmaneḍitā
vāmī te saṃdṛśi viśvaṃ reto dheṣīya tava vāmīranu saṃdṛśi //
yamagne pṛtsu martyamavā vājeṣu yaṃ junāḥ /
sa yantā śaśvatīriṣaḥ //
juṣṭo vāco bhūyāsaṃ ,
juṣṭo vācaspati ,
ryadvāco madhumattasmai svāhā
svāhā sarasvatyai //
1.3.2 anuvākaḥ

nigrābhyāḥ stha devaśruto
tarpayata mā ,
āyurme tarpayata
tarpayata mā
prāṇaṃ me tarpayata
tarpayata mā ,
apānaṃ me tarpayata
tarpayata mā
vyānaṃ me tarpayata
tarpayata mā
cakṣurme tarpayata
tarpayata mā
śrotraṃ me tarpayata
tarpayata mā
mano me tarpayata
tarpayata mā
vācaṃ me tarpayata
tarpayata mā ,
ātmānaṃ me tarpayata
tarpayata mā
prajāṃ me tarpayata
tarpayata mā
gṛhān me tarpayata
tarpayata mā
paśūn me tarpayata
tarpayata mā
gaṇairmā mā vitītṛṣata
tarpayata mā //
1.3.3 anuvākaḥ

devasya tvā savituḥ prasave'śvinorbāhubhyāṃ pūṣṇo hastābhyāṃ ādade
grāvāsyadhvarakṛddevebhyo ,
gabhīramimamadhvaraṃ kṛdhi //
indrāya tvā suṣuttamaṃ madhumantaṃ payasvantam /
indrāya tvābhimātighne ,
indrāya tvā vasumate rudravate ,
indrāya tvādityavate //
agnaye tvā rāyaspoṣade
viṣṇave tvā
śyenāya tvā somabhṛte
viṣṇave tvā //
śvātrāḥ stha vṛtraturo rādhvaṃ gūrtā amṛtasya patnīḥ /
tā devīrdevatremaṃ yajñaṃ dhattopahūtāḥ somasya pibata //
yatte soma divi jyotir yatpṛthivyāṃ yadurā antarikṣe
tenāsmai yajñapataya uru rāye kṛdhi ,
adhi dhātre voco ,
mā bhairmā saṃvikthā ,
ūrjaṃ dhatsva ,
ūrjamasmāsu dhehi
dhiṣaṇe īḍite iḍethāṃ
ūrjaṃ dadhāthāṃ
ūrjamasmāsu dhattaṃ ,
mā vāṃ hiṃsiṣaṃ ,
māsmān yuvaṃ hiṃsiṣṭaṃ //
1.3.4 anuvākaḥ

vācaspataye pavasva vṛṣṇo aṃśubhyāṃ gabhastipūtaḥ //
devo devānāṃ pavitramaasi yeṣāṃ bhāgo'si //
madhumatīrnā iṣaskṛdhi
svāṃkṛto'si ,
urvantarikṣaṃ vīhi
viśvebhya indriyebhyo divyebhyaḥ pārthivebhyo ,
manastvāṣṭu
svāhā tvā subhava sūryāya
devebhyastvā marīcipebhyaḥ
prāṇāya tvā
yatte somādābhyaṃ nāma jāgṛvi tasmai te soma somāya svāhā
prāgapāgadharāgudagetāstvā diśā ādhāvantu ,
amba nismara
samarirvidām //
1.3.5 anuvākaḥ

upayāmagṛhīto'si //
antaryaccha maghavanpāhi somaṃ uruṣya rāyaḥ samiṣo yajasva //
antaste dyāvāpṛthivī dadhāmyantardadhāmyurvantarikṣam /
sajoṣā devairavaraiḥ paraiścāntaryāme maghavanmādayasva //
vāk tvāṣṭu
svāhā tvā subhava sūryāya
devebhyastvā marīcipebhyo ,
apānāya tvā //
1.3.6 anuvākaḥ

ā vāyo bhūṣa śucipā upa naḥ sahasraṃ te niyuto viśvavāra /
upo te andho madyamayāmi yasya deva dadhiṣe pūrvapeyam //
upayāmagṛhīto'si
vāyave tvā //
indravāyū ime sutā upa prayobhirāgataṃ /
indavo vāṃ uśanti hi //
upayāmagṛhīto'si
vāyava indravāyubhyāṃ tvā ,
eṣa te yoniḥ
sajoṣobhyāṃ tvā //
1.3.7 anuvākaḥ

ayaṃ vāṃ mitrāvaruṇā sutaḥ soma ṛtāvṛdhā /
mamediha śrutaṃ havaṃ //
upayāmagṛhīto asi
mitrāvaruṇābhyāṃ tvā ,
eṣa te yonirṛtāyubhyāṃ tvā //
1.3.8 anuvākaḥ

yā vāṃ kaśā madhumatyaśvinā sūnṛtāvatī /
tayā yajñaṃ mimikṣataṃ //
upayāmagṛhīto'si ,
aśvibhyāṃ tvā ,
eṣa te yoniḥ ,
mādhvībhyāṃ tvā //
1.3.9 anuvākaḥ

upayāmagṛhito'si
devebhyastvā ,
upayāmagṛhīto'si
viśvadevebhyastvā ,
upayāmagṛhīto'si
viśvebhyastvā devebhyaḥ //
diteḥ putrāṇāmaditerakāriṣamuruśarmaṇāṃ bṛhatāṃ varūthināṃ /
yeṣāṃ nāmāni vihitāni dhāmaśaścittairyajanti bhuvanāya jīvase //
upayāmagṛhīto'si viṣṇostvorukrame gṛhṇāmi, viṣṇa urukramaiṣa te somastaṃ rakṣasva,
mā tvā dabhan duścakṣāste māvakṣat , ayaṃ vasuḥ purovasurvākpā vācaṃ me pātu ,
ayaṃ vasurvidadvasuścakṣuṣpāścakṣurme pātu , ayaṃ vasuḥ saṃyadvasuḥ śrotrapāḥ śrotraṃ me pātu //
1.3.10 anuvākaḥ

ayaṃ venaścodayatpṛśnigarbhā jyotirjarāyū rajaso vimāne /
imamapāṃ saṃgame sūryasya śiśuṃ na viprā matibhī rihanti //
upayāmagṛhīto'si , śaṇḍāya tvā , eṣa te yoni , rvīratāyai tvā //
1.3.11 anuvākaḥ

taṃ pratnathā pūrvathā viśvathemathā jyeṣṭharājaṃ barhiṣadaṃ svardṛśam /
pratīcīnaṃ vṛjanaṃ dohase girāśuṃ jayantamanu yāsu vardhase //
upayāmagṛhīto'si , markāya tvā , eṣa te yoniḥ, prajābhyastvā //
1.3.12 anuvākaḥ

apanuttau śaṇḍāmarkau saha tena yaṃ dviṣmo , achinnasya te deva soma dakṣasya rāyaspoṣasya suvīryasyābhigrahītāraḥ syāma // tutho'si janadhāyā , devāstvā śukrapāḥ praṇayantu , tutho'si janadhāyā , devāstvā manthipāḥ praṇayantu , anādhṛṣṭāsi ,
suvīrāḥ prajāḥ prajanayan parīhi , suprajāḥ prajāḥ prajanayannabhiparīhi //
indreṇa manyunā yujāvabādhe pṛtanyataḥ / ghnatā vṛtrāṇyaprati //
saṃjagmānau divā pṛthivyā śukrau śukraśociṣau tau devau śukrāmanthinā āyuryajñe dhattamāyuryajñapatau , pumāṃsaṃ garbhamādhattaṃ gavīṇyoḥ prāṇān paśuṣu yacchataṃ , śukrasyādhiṣṭhānaṃ asi manthino'dhiṣṭhānaṃ asi , nirastaḥ śaṇḍo , nirasto markaḥ saha tena yaṃ dviṣmaḥ //
yā prathamā saṃskṛtir yajñe asmin yaḥ paramo bṛhaspatiścikitvān /
yo madhyamo varuṇo mitro agnistasmā indrāya sutamājuhota tasmai sūryāya sutamājuhota //
1.3.13 anuvākaḥ

ye devā divyekādaśa stha pṛthivyāmadhyekādaśa stha /
apsukṣito mahinaikādaśa stha te devāso yajñaṃ imaṃ juṣadhvam //
upayāmagṛhīto'si , āgrāyāṇo'si svāgrayaṇaḥ , jinva yajñaṃ , jinva yajñapatim , abhi savanāni pāhi , atastvā viṣṇuḥ pātu , viśaṃ tvaṃ pāhīndriyeṇa , eṣa te yoni , rviśvebhyastvā devebhyaḥ //
1.3.14 anuvākaḥ

upayāmagṛhīto'si //
indrāya tvā bṛhadvate vayasvata ukthāyuvaṃ / yatta indra bṛhadvayastasmai tvā viṣṇave tvā // eṣa te yoni , rindrāya tvā , upayāmagṛhīto'si , devebhyastvā devāyuvaṃ gṛhṇāmi , punarhavirasi , devebhyastvā devāyuvaṃ pṛṇacmi yajñasyāyuṣe //
1.3.15 anuvākaḥ

mūrdhānaṃ divo aratiṃ pṛthivyā vaiśvānaramṛta ā jātamagnim /
kaviṃ samrājamatithiṃ janānāmāsannā pātraṃ janayanta devāḥ //
upayāmagṛhīto'si , vaiśvānarāya tvā // dhruvo'si dhruvakṣitir dhruvāṇāṃ dhruvatamo'cyutānāmacyutakṣittamaḥ , eṣa te yoni , rvaiśvānarāya tvā //
dhruvaṃ dhruveṇa haviṣā vaḥ somaṃ nayāmasi /
yathā naḥ sarvā ijjanaḥ saṃgame sumanā asat //
divi divyān dṛṃhāntarikṣe antarikṣyān pṛthivyān pārthivān //
1.3.16 anuvākaḥ

upayāmagṛhīto'si , madhave tvā , mādhavāya tvā , śukrāya tvā , śucaye tvā , nabhase tvā , nabhasyāya tvā , iṣāya tvā , ūrjāya tvā , sahase tvā , sahasyāya tvā ,
tapase tvā , tapasyāya tvā //
1.3.17 anuvākaḥ

indrāgnī āgataṃ sutaṃ gīrbhir nabho vareṇyam / asya pātaṃ dhiyeṣitā //
upayāmagṛhīto'si , indrāgnibhyāṃ tvā , eṣa te yoniḥ , indrāgnibhyāṃ tvā //
1.3.18 anuvākaḥ

omāsaścarṣaṇīdhṛto viśve devāsā āgata /
dāśvāṃso dāśuṣaḥ sutaṃ //
upayāmagṛhīto'si
viśvebhyastvā devebhyo ,
eṣa te yoniḥ , viśvebhyastvā devebhyaḥ //
1.3.19 anuvākaḥ

indra marutva iha pāhi somaṃ yathā śāryāte apibaḥ sutasya /
tava praṇītī tava śūra śarmannāvivāsanti kavayaḥ suyajñāḥ //
upayāmagṛhīto'si , indrāya tvā marutvate , eṣa te yoniḥ , indrāya tvā marutvate //
1.3.20 anuvākaḥ

janiṣṭhā ugraḥ sahase turāya mandra ojiṣṭho bahulābhimānaḥ /
avardhannindraṃ marutaścidatra mātā yadvīraṃ jajanajjaniṣṭham //
upayāmagṛhīto'si , indrāya tvā marutvate , eṣa te yoniḥ , indrāya tvā marutvate //
1.3.21 anuvākaḥ

marutvantaṃ vṛṣabhaṃ vāvṛdhānaṃ akavāriṃ divyaṃ śāsaṃ indram /
viśvāsāhamavase nūtanāyograṃ sahodāmiha taṃ huve //
upayāmagṛhīto'si , indrāya tvā marutvate , eṣa te yoniḥ , indrāya tvā marutvate //
1.3.22 anuvākaḥ

marutvāṃ indra vṛṣabho raṇāya pibā somamanuṣvadhaṃ madāya /
āsiñcasva jaṭhare madhva ūrmiṃ tvaṃ rājāsi pradivaḥ sutānāṃ //
upayāmagṛhīto'si , indrāya tvā marutvate , eṣa te yoniḥ , indrāya tvā marutvate //
1.3.23 anuvākaḥ

sajoṣā indra sagaṇo marudbhiḥ somaṃ piba vṛtrahā śūra vidvān /
jahi śatrūṃrapa mṛdho nudasvāthābhayaṃ kṛṇuhi viśvato naḥ //
upayāmagṛhīto'si , indrāya tvā marutvate , eṣa te yoniḥ , indrāya tvā marutvate //
1.3.24 anuvākaḥ

mahaṃ indro ya ojasā parjanyo vṛṣṭimaṃ iva /
stomairvatsasya vāvṛdhe //
upayāmagṛhīto'si , mahendrāya tvā , eṣa te yoniḥ , mahendrāya tvā //
1.3.25 anuvākaḥ

mahaṃ indro nṛvadā carṣaṇiprā uta dvibarhā aminaḥ sahobhiḥ /
asmadriyag vāvṛdhe vīryāyoruḥ pṛthuḥ sukṛtaḥ kartṛbhirbhūt //
upayāmagṛhīto'si , mahendrāya tvā , eṣa te yoniḥ , mahendrāya tvā //
1.3.26 anuvākaḥ

kadā cana starīrasi nendra saścasi dāśuṣe /
upopennu maghavan bhūyā innu te dānaṃ devasya pṛcyate //
upayāmagṛhīto'si , ādityebhyastvā //
kadā cana prayucchasyubhe nipāsi janmanī /
turīyāditya savanaṃ ta indriyamātasthā amṛtaṃ divi //
upayāmagṛhīto'si , ādityebhyastvā //
yajño devānāṃ pratyetu sumnamādityāso bhavatā mṛḍayantaḥ /
ā vo'rvācī sumatirvavṛtyādaṃhościdyā varivovittarāsat //
ahaṃ parastādahamavastādahaṃ viśvasya bhuvanasya rājā /
ahaṃ sūryamubhabhayato dadarśa yadantarikṣaṃ tadu naḥ pitābhūt //
unnambhaya pṛthivīṃ bhindhyādo divyaṃ nabhaḥ /
udno divyasya no dhātarīśāno viṣyā dṛtim // (pāṭhā. – dhṛtim)
1.3.27 anuvākaḥ

adabdhebhiḥ savitaḥ pāyubhiṣṭvaṃ śivebhiradya paripāhi no vṛdhe /
hiraṇyajihvaḥ suvitāya navyase rakṣā mākir no aghaśam̐sa īśata //
upayāmagṛhīto'si , sāvitro'si janadhāyā , jinva yajñaṃ , jinva yajñapatim , abhi savanāni pāhi , atastvā viṣṇuḥ pātu , viśaṃ tvaṃ pāhīndriyeṇa //
1.3.28 anuvākaḥ

upayāmagṛhīto'si // suśarmāsi supratiṣṭhāno , bṛhadukṣe namaḥ // eṣa te yoniḥ ,
viśvebhyastvā devebhyaḥ //
1.3.29 anuvākaḥ

upayāmagṛhīto'si , bṛhaspatisutasya ta inda indriyāvataḥ //
patnīvantaṃ grahaṃ rādhyāsaṃ //
agnā3i patnīvā3ntsajūstvaṣṭā somaṃ piba //
1.3.30 anuvākaḥ

upayāmagṛhīto'si , harirasi hāriyojano harivān haryoḥ sthātā , stutastomasya te deva soma śastokthasyeṣṭayajuṣaḥ // harivato hāriyojanasya harivantaṃ grahaṃ rādhyāsaṃ //
haryor dhānā harivatīḥ sahasomā indrāya , rayyai tvā , poṣāya tvā //
1.3.31 anuvākaḥ

agnā āyūṃṣi pavasā āsuvorjamiṣaṃ ca naḥ /
āre bādhasva ducchunāṃ //
upayāmagṛhīto'si , agnaye tvāyuṣmate , eṣa te yoniḥ , agnaye tvāyuṣmate //
1.3.32 anuvākaḥ

ojastadasya titviṣa ubhe yatsamavartayat / indraścarmeva rodasī //
upayāmagṛhīto'si , indrāya tvaujasvate , eṣa te yoniḥ , indrāya tvaujasvate //
1.3.33 anuvākaḥ

adṛśrannasya ketavo vi raśmayo janaṃ anu / bhrājanto agnayo yathā //
upayāmagṛhīto'si , sūryāya tvā bhrājasvate , eṣa te yoniḥ , sūryāya tvā bhrājasvate //
1.3.34 anuvākaḥ

indramiddharī vahato'pratidhṛṣṭaśavasaṃ / ṛṣīṇāṃ ca stutīrupa yajñaṃ ca mānuṣāṇāṃ //
upayāmagṛhīto'si , indrāya tvā harivate , eṣa te yoniḥ , indrāya tvā harivate //
1.3.35 anuvākaḥ

upayāmagṛhīto'si , prajāpataye tvā jyotiṣmate jyotiṣmantaṃ gṛhṇāmi , rātaṃ devebhyo , dakṣāya dakṣavṛdhama, gnihvarebhyastvā ṛtāyubhyā indrajyeṣṭhebhyo varuṇarājabhyo vātāpibhyaḥ parjanyātmabhyaḥ , pṛthivyai tvā , antarikṣāya tvā , dive tvā , adbhyastvā , oṣadhībhyo vanaspatibhyastvā , prāṇāya tvā , apānāya tvā , vyānāya tvā , sate tvā , asate tvā , bhūtāya tvā , bhavyāya tvā , yena prajā achidrā ajāyanta tasmai tvā prajāpataye viśvakarmaṇe viśvavyacase vibhūdāvne vibhuṃ bhāgaṃ juhomi svāhā //
tisro jihvasya samidhaḥ parijmano'gnerakṛṇvannuśijo amṛtyave /
tāsāmekāmadadhurmartye bhujaṃ lokamu dve upa jāmī īyatuḥ //
1.3.36 anuvākaḥ

agniḥ prātaḥ savanātpātvasmān vaiśvānaro viśvaśrīrviśvaśaṃbhūḥ /
sa naḥ pāvako draviṇaṃ dadhātvāyuṣmantaḥ sahabhakṣāḥ syāma //
agnaye tvā pravṛhāmi gāyatreṇa chandasā , indrāya tvā pravṛhāmi traiṣṭubhena chandasā ,
ādityebhyastvā pravṛhāmi jāgatena chandasā , reśīnāṃ tvā patmannādhūnomi , māndānāṃ tvā patmannādhūnomi , bhandanānāṃ tvā patmannādhūnomi , pūtanānāṃ tvā patmannādhūnomi ,
pastyānāṃ tvā patmannādhūnomi , mādhvīnāṃ tvā patmannādhūnomi , madughānāṃ tvā patmannādhūnomi , devayānīnāṃ tvā patmannādhūnomi , upayāmagṛhīto'si , śukraṃ tvā śukra śukrāya gṛhṇāmyahno rūpe sūryasya raśmiṣu //
ā samudrā acucyavur divo dhārā asaścata //
kakubhaṃ rūpaṃ vṛṣabhasya rocate bṛhat , vasūnāmādhītau rudrāṇāṃ karmannādityānāṃ cetasi ,
indrāya tvā vibhūvase juhomi ,
uśik tvaṃ deva soma gāyatreṇa chandasāgner dhāmopehi
vaśī tvaṃ deva soma traiṣṭubhena chandasendrasya dhāmopehi ,
asmatsakhā deva soma jāgatena chandasā viśveṣāṃ devānāṃ priyaṃ pāthā upehi //
1.3.37 anuvākaḥ

udu tyaṃ jātavedasaṃ devaṃ vahanti ketavaḥ /
dṛśe viśvāya sūryam //
citraṃ devānāṃ udagād anīkaṃ cakṣur mitrasya varuṇasyāgneḥ /
āprā dyāvāpṛthivī antarikṣaṃ sūrya ātmā jagatastasthuṣaśca //
dyāṃ gaccha , svargaccha ,
rūpaṃ vo rūpeṇābhyemi vayasā vayastutho vo viśvavedā vibhajatu varṣiṣṭhe adhi nāke pṛthivyāḥ //
etatte agne rādha eti somacyutaṃ ,
tan mitrasya pathā naya //
ayaṃ no agnirvarivaskṛṇotvayaṃ mṛdhaḥ pura etu prabhindan /
ayaṃ śatrūn jayatu jarhṛṣāṇo'yaṃ vājaṃ jayatu vājasātau //
ṛtasya pathā preta candradakṣiṇā ,
brāhmaṇamadya ṛdhyāsaṃ pitṛmantaṃ paitṛmatyaṃ ṛṣimārṣeyaṃ sudhātudakṣiṇaṃ //
vi svaḥ paśyaḥ vyantarikṣam ,
yata svaḥ sadasyaiḥ ,
asmadrātā madhumatīrdevatrā gacchata ,
pradātāraṃ āviśata ,
anavahāyāsmān devayānena pathā sukṛtāṃ loke sīdata
tannaḥ saṃskṛtaṃ //
1.3.38 anuvākaḥ

dhātā rātiḥ savitedaṃ juṣantāṃ prajāpatirvaruṇo mitro agniḥ /
viṣṇustvaṣṭā prajayā saṃrarāṇo yajamānāya draviṇaṃ dadhātu //
saṃ indra no manasā neṣi gobhiḥ saṃ sūribhirharivaḥ saṃ svastyā /
saṃ brahmaṇā devakṛtaṃ yadasti saṃ devānāṃ sumatau yajñiyānāṃ //
saṃ varcasā payasā saṃ tanūbhiraganmahi manasā saṃ śivena /
tvaṣṭā sudatro vidadhātu rāyo'nu no mārṣṭu tanvo yadviriṣṭaṃ //
sugā vo devāḥ sadanā kṛṇomi ya ājagmedaṃ savanaṃ juṣāṇāḥ /
jakṣivāṃsaḥ papivāṃsaśca viśve'sme dhatta vasavo vasūni //
yānāvaha uśato deva devāṃstān preraya sve agne sadhasthe /
vahamānā bharamāṇā havīṃṣyasuṃ gharmaṃ divamātiṣṭhatānu //
yadadya tvā prayati yajñe asminn agne hotāraṃ avṛṇīmahīha /
ṛdhag ayāḍ ṛdhag utāśamiṣṭa vidvān prajānannupayāhi yajñaṃ //
yajña yajñaṃ gaccha , yajñapatiṃ gaccha , svaṃ yoniṃ gaccha svāhā ,
eṣa te yajño yajñapate sahasūktavākaḥ suvīrastena saṃbhava
bhrājaṃ gaccha , devā gātuvido gātuṃ vittvā gātumita ,
manasaspate sudhātvimaṃ yajñaṃ divi deveṣu vāte dhāḥ svāhā //
1.3.39 anuvākaḥ

uruṃ hi rājā varuṇaścakāra sūryāya panthāṃ anvetavā u /
apade pādā pratidhātave'karutāpavaktā hṛdayāvidhaścit //
śataṃ te rājan bhiṣajaḥ sahasramurvī gabhīrā sumatiṣṭe astu //
āre bādhasva nirṛtiṃ parācaiḥ kṛtaṃ cidenaḥ pramumugdhyasmat //
agneranīkamapa āviveśāpāṃ napāt pratirakṣadasuryān //
damedame samidhaṃ yakṣyagne prati te jihvā ghṛtamuccaraṇyat //
samudre te hṛdayamapsvantaḥ saṃ tvā viśantvauṣadhīrutāpaḥ /
yajñasya te yajñapate sūktoktau namovāke vidhema svāhā //
avabhṛtha nicuṅkuṇa nicerurasi nicuṅkuṇaḥ , gṛhaṃ gṛho , ava no devairdevakṛtameno yakṣi , ava martyairmartyakṛtaṃ cikitvān , urorā no deva riṣaspāhi ,
apsu dhautasya te deva soma nṛbhiṣṭutasya yaste gosanirbhakṣo yo aśvasanistasya tā upahūtā upahūtasya bhakṣayāmi , vicṛtto varuṇasya pāśaḥ , pratyasto varuṇasya pāśo ,
namo varuṇasya pāśāya , unnetarvasīyo nā unnayābhiḥ //
udutte madhumattamā giraḥ stomāsa īrate /
satrājito dhanasā akṣitotayo vājayanto rathā iva //
kaṇvā iva bhṛgavaḥ sūryā iva viśvamiddhitamānaśuḥ /
udetaḥ prajāmuta varco dadhānā yuṣmān rāya uta yajñā asaścataḥ //
gāyatraṃ chando anu saṃrabhadhvaṃ athā syāta surabhayo gṛheṣu /
edho'syedhiṣīmahi samidasi samedhiṣīmahi //
apo adyānvacāriṣaṃ rasena samasṛkṣmahi /
payasvānagnā āgamaṃ taṃ mā saṃsṛja varcasā //