Mahāparinirvāṇasūtra · Chapter 48

tena (khalu sama)yena kuśinagarī divyair mandārakaiḥ puṣpair jānumātreṇaughena sphuṭā babhūva ||

athānyatara ājīvikas tato divyāni mandārakāṇi puṣpāṇy ādāya pāpāṃ (p)ra(krāntaḥ kenaci)d eva karaṇīyena ||

tena khalu samayenāyuṣmān mahākāś(yapaḥ) pañcaśataparivāro 'ntarā ca pāpām antarā ca kuśinagarīm atrāntarādhvapratipan(no bhagavato śarī)ram avigopitaṃ vanditukāmaḥ ||

adrāk(ṣ)īd āyuṣmā(n) mahākāśy(apa)s tam (ā)jīvika(ṃ) pratimārga(m) || dṛṣṭvā ca punar (e)vam āha ||

kutas tvam ājīvikaitarhy (ā)gacchasi || ku(tra tvaṃ gamiṣyasi ||)

(ku)ś(i)nagaryā aham etarhy āgacchāmi || p(ā)pāṃ gamiṣyāmi ||

jānīṣe tvam ājīvika mama śāstāram ||

jāne || śramaṇo gautamaḥ || parinirvṛtas te āyuṣmañ chāstā || adya (gate saptāhe va)rtate śarīre śarīrapūjā || imāni ca me tasmān mandārakapuṣpāṇy ānītāni ||

athānyataro mahallakas tasyāṃ velāyām idam evaṃrūpam ak(ālabhāṣyaṃ) utsṛṣṭavān ||

muktāḥ smas tataḥ kaukṛtikān mahallāt || ya evam āha || idaṃ vo bhikṣavaḥ karaṇīyam idam akaraṇīyam || idānīṃ vayaṃ yad eṣi(ṣyāmas tat ka)r(i)ṣyāma(ḥ) || yan naiṣiṣyāmas tan na kariṣyāmaḥ ||

tat khalv akālabhāṣyaṃ devatā antardhāpayanti yathā tasyāṃ pariṣady ekabhikṣur api nāśrauṣīt s(thā)payitvā(yuṣmantaṃ ma)hākāśyapam ||

tatraikatyā bhikṣavaḥ pṛthivyām ā(va)rt(a)nte parivartante || ekatyā b(ā)hūn pragṛhya prakrośanti || evam cāh(u)ḥ || atikṣipraṃ bhagavān (parini)rv(ṛtaḥ || atikṣipraṃ) sugataḥ parinirvṛtaḥ || atikṣip(r)aṃ cak(ṣu)r lokas(y)ā(ntarhitaḥ ||)

(athāyuṣmā)n m(a)h(ā)k(ā)śy(apas) t(a)sy(ā) vā(cāyā evamasaṃyatāyā vinodanāya mārgād avakramya bhikṣusaṃghasya madhye prajñapta evāsane nyaṣīdat || niṣadyāyuṣmān mahākāśyapo bhikṣūn āman)tr(a)y(ate ||)

(an)ityā āyuṣmantaḥ sarvasaṃskārā a(dhru)vā an(āśvasikā vipariṇāmadharmāṇaḥ sarvasaṃskārā yāvad alam eva sarvasaṃskārebhyo nirvettum alaṃ virak)tum alaṃ vimoktum ||

tvarit(aṃ) tvaritam āyuṣmanto bhikṣavaḥ par(ākramantu || bhagavataḥ śarīram avigopitaṃ draṣṭuṃ gacchāmaḥ ||)