Mahabharata · Chapter 9.25

gajānīke hate tasminpāṇḍuputreṇa bhārata /
vadhyamāne bale caiva bhīmasenena saṃyuge //

carantaṃ ca prapaśyāmo bhīmasenamarindamam /
daṇḍahastaṃ yathā krudvamantakaṃ prāṇahāriṇam //

sametya samare rājanhataśeṣāḥ sutāstava / adṛśyamāne kauravye putre duryodhane tava /
sodaryāḥ sahitā bhūtvā bhīmasenamupādravan //

śrutarvā sañjayaścaiva jayatsenaḥ śrutāntakaḥ /
durvimocanakaścaiva tathā durviṣaho balī //

durmarṣaṇaḥ sujātaśca jaitro bhūribalo raviḥ / ityete sahitā bhūtvā tava putrāḥ samantataḥ /
bhīmasenamabhidrutya rurudhuḥ sarvato diśam //

tato bhīmo mahārāja svarathaṃ punarāsthitaḥ /
mumoca niśitānbāṇānputrāṇāṃ tava marmasu //

te kīryamāṇā bhīmena putrāstava mahāraṇe /
bhīmasenamupāseduḥ pravātā iva kuñjaram //

tataḥ kruddho raṇe bhīmaḥ śiro durmarṣaṇasya ha /
kṣurapreṇa pramathyāśu pātayāmāsa bhūtale //

tato'pareṇa bhallena sarvāvaraṇabhedinā /
śrutāntamavadhīdbīmastava putraṃ mahārathaḥ //

jayatsenaṃ tato vidvā nārācena hasanniva / pātayāmāsa kauravyaṃ rathopasthādarindamaḥ /
sa papāta rathādrājanbhūmau tūrṇaṃ mamāra ca //

śrutarvā tu tato bhīmaṃ kruddho vivyādha māriṣa /
śatena gṛghravājānāṃ śarāṇāṃ nataparvaṇām //

tataḥ kruddho raṇe bhīmo jaitraṃ bhūribalaṃ ravim /
trīnetāṃstribhirānarcchadviṣāgnipratimaiḥ śaraiḥ //

te hatā nyapatanbhūmau syandanebhyo mahārathāḥ /
vasante puṣpaśabalā nikṛttā iva kiṃśukāḥ //

tato'pareṇa bhallena tīkṣṇena ca parantapaḥ /
durvimocanamāhatya preṣayāmāsa mṛtyave //

sa hataḥ prāpatadbhūmau svarathādrathināṃ varaḥ /
girestu kūṭajo bhagno māruteneva pādapaḥ //

duṣpradharṣaṃ tataścaiva sujātaṃ ca sutaṃ tava / ekaikaṃ nyahanatsaṅkhye dvābhyāndvābhyāṃ camūmukhe /
tau śilīmukhaviddhāṅgau petatū rathasattamau //

tataḥ patantaṃ samare abhivīkṣya sutaṃ tava /
bhallena pātayāmāsa bhīmo durvipahaṃ raṇe //

sa papāta hato bāhātpaśyatāṃ sarvadhanvinām //

dṛṣṭvā tu nihatānbhrātṝnvahūnekena saṃyuge /
amarṣadhaśamāpasaḥ śrutarvā bhīmamabhyayāt //

vikṣipansumahaccāpaṃ kārtakharavibhūṣitam /
vimṛjansāyakāṃścaiva viṣāgnipratimānvahūn //

sa tu rājandhanuśchittvā pāṇḍavasya mahāmṛdhe /
athainaṃ chinnadhanvānaṃ viṃśatyā samavākirat //

tato'nyaddhanurādāya bhīmaseno mahābalaḥ /
avākirattava sutaṃ tiṣṭhatiṣṭheti cābravīt //

mahadāsīttayoryuddhaṃ citrarūpaṃ bhayānakam /
bādṛśaṃ samare pūrvaṃ tambhavāsavayoryudhi //

tayostatra śitairguktairyamadaṇḍanibhaiḥ śaraiḥ /
samācchakādhārā sarvā tvaṃ diśo vidiśastathā //

ataḥ śrutarvā saṅkruddho dhanurādāya sāyakaiḥ /
bhīmasenaṃ raṇe rājanbāhvorurasi cārpayat //

so'tividdho mahārāja tava putreṇa dhanvinā /
bhīmaḥ sañcukṣubhe kruddhaḥ parvaṇīva mahodadhiḥ //

tato bhīmo ruṣāviṣṭaḥ putrasya tava māriṣa /
sārathiṃ caturaścāśvāñśarairninye yamakṣayam //

virathaṃ taṃ samālakṣya viśikhairlomavāhibhiḥ /
avākiradameyātmā darśayanpāṇilāghavam //

śrutarvā viratho rājannādade khaṅgacarmaṇī / athāsyādadataḥ khahgaṃ śatacandraṃ ca bhānumat /
kṣurapreṇaṃ śiraḥ kāyātpātayāmāsa pāṇḍavaḥ //

chinnottamāṅgasya tataḥ kṣurapreṇa mahātmanā /
papāta kāyaḥ svarathādvasudhāmanunādayan //

tasminnipatite vīre tāvakā bhayamohitāḥ /
abhyadravanta saṅgrāme bhīmasenaṃ yuyutsavaḥ //

tānāpatata evāśu hataśeṣādbalārṇavāt /
daṃśitānpratijagrāha bhīmasenaḥ pratāpavān //

te tu taṃ vai samāsādya parivavruḥ samantataḥ //

tatastu saṃvṛto bhīmastāvakānniśitaiḥ śaraiḥ /
pīḍayāmāsa tānsarvānsahasrākṣa ivāsurān //

tataḥ pañcaśatānhatvā savarūthānmahārathān /
jaghāna kuñjarānīkaṃ punaḥ saptaśataṃ yudhi //

hatvā śatasahasrāṇi pattīnāṃ parameṣubhiḥ /
vājināṃ ca śatānyaṣṭau pāṇḍavaḥ sma virājate //

bhīmasenastu kaunteyo hatvā yuddhe sutāṃstava /
mene kṛtārthamātmānaṃ saphalaṃ janma ca prabho //

taṃ tathā yudhyamānaṃ ca vinighnantaṃ ca tāvakān /
īkṣituṃ notsahante sma tava sainyā narādhipa //

vidrāvya ca kurūnsarvāṃstāṃśca hatvā padānugān /
dorbhyāṃ śabdaṃ tataścakre trāsayāno mahādvipān //

hatabhūyiṣṭhayodhā tu tava senā viśāmampate /
kiñciccheṣā mahārāja kṛpaṇaṃ samapadyata //