Mahabharata · Chapter 8.90

tataḥ kirīṭi paravīraghātī hatāśvamālokya narapravīraḥ /
mādrīsutaṃ nakulaṃ lokamadhye samīkṣya kṛṣṇaṃ bhṛśavikṣataṃ ca / samabhyadhāvadvṛṣasenamāhave sa sūtajasya pramukhe sthitastadā //

tamāpatantaṃ naravīramugraṃ mahāhave bāṇasahasradhāriṇam /
abhyāpatatkarṇasuto mahārathaṃ yathā mahendraṃ namuciḥ purā tathā //

tau tatra śūrau rathakuñjarau raṇe parasparasyābhimukhau mahārathau /
sasarjatuḥ śarasaṅghānanekā-- nsambhrāntarūpau subhṛśaṃ tadānīm //

tato drutaṃ caikaśareṇa pārthaṃ śitena viddhvā yudhi karṇaputraḥ /
nanāda nādaṃ sumahānubhāvo viddhveva śakraṃ namuciḥ sa vīraḥ //

punaḥ sa pārthaṃ vṛṣasena ugrai-- rbāṇairaviddhyadbhujamūle tu savye /
tathaiva kṛṣṇaṃ navabhiḥ samārdaya-- tpunaśca pārthaṃ daśabhirjaghāna //

pūrvaṃ yathā vṛṣasenaprayuktai-- rabhyāhataḥ śvetahayaḥ śaraistaiḥ /
saṃrambhamīṣadgamito vadhāya karṇātmajasyātha manaḥ pradadhre //

tataḥ kirīṭi raṇamūrdhni kopāt kṛtvā triśākhāṃ bhrukuṭiṃ lalāṭe /
mumoca tūrṇaṃ viśikhānmahātmā vadhe dhṛtaḥ karṇasutasya saṅkhye / āraktanetro'ntakaśatruhantā uvāca karṇaṃ bhṛśamutsmayaṃstadā //

duryodhanaṃ drauṇimukhāṃśca sarvā-- nahaṃ raṇe vṛṣasenaṃ tamugram /
sampaśyataḥ karṇa tavādya saṅkhye nayāmi lokaṃ niśitaiḥ pṛṣatkaiḥ //

ūnaṃ ca tāvaddhi janā vadanti sarvairbhavadbhirmama sūnurhato'sau /
eko ratho madvihīnastarasvī ahaṃ haniṣye bhavatāṃ samakṣam //

saṃrakṣyatāṃ rathasaṃsthāḥ suto'ya-- mahaṃ haniṣye bhavatāṃ samakṣam //
paścādvadhiṣye tvāmapi sampramūḍha-- mahaṃ haniṣye'rjuna ājimadhye //

tamadya mūlaṃ kalahasya saṅkhye duryodhanāpāśraya jātadarpam /
tvāmadya hantā'smi raṇe prasahya asyaiva hantā yudhi bhīmasenaḥ / duryodhanasyādhamapūruṣasya yasyānayādeṣa mahānkṣayo'bhavat //

sa evamuktvā vinimṛjya cāpaṃ lakṣyaṃ hi kṛtvā vṛṣasenamājau /
sasarja bāṇānviśikhānmahātmā vadhāya rājankarṇasutasya saṅkhye //

vivyādha cainaṃ daśabhiḥ pṛṣatkai-- rmarmasvaśaṅkaṃ prahasankirīṭī /
ciccheda cāsyeṣvasanaṃ bhujau ca kṣuraiścaturbhirniśitaiḥ śiraśca //

sa pārthabāṇābhihataḥ papāta rathādvibāhurviśirā dharāyām /
supuṣpito vajrahato'timātro bhagno yathā sāla ivāvakṛttaḥ //

taṃ pārthabāṇābhihataṃ patantaṃ samprekṣya karṇaḥ sutamāśukārī /
rathaṃ rathenāśu jagāma roṣā-- tkirīṭinaḥ putravadhābhitaptaḥ // 8-90-1x1 sañjaya uvāca / 8-90-1a1 tamāyāntamabhiprekṣya velodvṛttamivārṇavam / 8-90-1b1 garjantaṃ sumahākāyaṃ durnivāraṃ surairapi / 8-90-1c1 arjunaṃ prāha dāśārhaḥ prahasya puruṣarṣabhaḥ // 8-90-2a2 arya saratha āyāsi śvetāśvaḥ śalyasārathiḥ / 8-90-2b2 yena te saha yoddhavyaṃ sthiro bhava dhanañjaya // 8-90-3a3 paśya cainaṃ samāyuktaṃ rathaṃ karṇasya pāṇḍava / 8-90-3b3 śvetavājisamāyuktaṃ yuktaṃ rādhāsutena ca // 8-90-4a4 nānāpatākākalilaṃ kiṅkiṇījālamālinam / 8-90-4b4 uhyamānamivākāśo vimānaṃ pāṇḍurairhayaiḥ // 8-90-5a5 dhvajaṃ ca paśya karṇasya nāgakakṣaṃ mahātmanaḥ / 8-90-5b5 ākhaṇḍaladhanuḥprakhyamullikhantamivāmbaram // 8-90-6a6 paśya karṇaṃ samāyāntaṃ dhārtarāṣṭrapriyaiṣiṇam / 8-90-6b6 śaradhārā vimuñcantaṃ dhārāsāramivāmbudam // 8-90-7a7 eṣa madreśvaro rājā rathāgre paryavasthitaḥ / 8-90-7b7 niyacchati hayānasya rādheyasyāmitaujasaḥ // 8-90-8a8 śṛṇu dundubhinirghoṣaṃ śaṅkhaśabdaṃ ca dāruṇam / 8-90-8b8 siṃhanādāṃśca vividhāñśṛṇu pāṇ़ḍava sarvataḥ // 8-90-9a9 antardhāya mahāśabdānkarṇenāmitatejasā / 8-90-9b9 dodhūyamānasya bhṛśaṃ dhanuṣaḥ śṛṇu niḥsvanam // 8-90-10a10 ete dīryanti sagaṇāḥ pāñcālānāṃ mahārathāḥ / 8-90-10b10 dṛṣṭvā kesariṇaṃ kruddhaṃ mṛgā iva mahāvane // 8-90-11a11 sarvayatnena kaunteya hantumarhasi sūtajam / 8-90-11b11 na hi karṇaśarānanyaḥ soḍhumutsahate naraḥ // 8-90-12a12 sadevāsuragandharvāṃstrīm̐llokānsacarācarān / 8-90-12b12 tvaṃ hi jetuṃ raṇe śaktastathaiva viditaṃ mama // 8-90-13a13 bhīmamugraṃ mahātmānaṃ tryakṣaṃ śarvaṃ kapardinam / 8-90-13b13 na śaktā draṣṭumīśānaṃ kiṃ punaryodhituṃ prabhum // 8-90-14a14 tvayā sākṣānmahādevaḥ sarvabhūtaśivaḥ śivaḥ / 8-90-14b14 yuddhenārādhitaḥ sthāṇurdevāśca varadāstava // 8-90-15a15 tasya pārtha prasādena devadevasya śūlinaḥ / 8-90-15b15 jahi karṇaṃ mahābāho namuciṃ vṛtrahā yathā // 8-90-16a16 śreyaste'stu sadā pārtha yuddhe jayamavāpnuhi // 8-90-16b17x arjuna uvāca / 8-90-17a17 dhruva eva jayaḥ kṛṣṇa mama nāstyatra saṃśayaḥ / 8-90-17b17 sarvalokagururyastvaṃ tuṣṭo'si madhusūdana // 8-90-18a18 codayāśvānhṛṣīkeśa rathaṃ mama mahāratha / 8-90-18b18 nāhatvā samare karṇaṃ nivartiṣyati phalgunaḥ // 8-90-19a19 adya karṇaṃ hataṃ paśya maccharaiḥ śakalīkṛtam / 8-90-19b19 māṃ vā drakṣyasi govinda karṇena nihataṃ śaraiḥ // 8-90-20a20 upasthitamidaṃ ghoraṃ yuddhaṃ trailokyamohanam / 8-90-20b20 yajjanāḥ kathayiṣyanti yāvadbhūmirdhariṣyati // 8-90-21a21 evaṃ bruvaṃstadā pārthaḥ kṛṣṇamakliṣṭakāriṇam / 8-90-21b21 pratyudyayau rathenāśu gajaṃ pratigajo yathā // 8-90-22a22 punarapyāha tejasvī pārthaḥ kṛṣṇamarindama / 8-90-22b22 codayāśvānhṛṣīkeśa kālo'yamativartate // 8-90-23a23 evamuktastadā tena pāṇ़ḍavena mahātmanā / 8-90-23b23 jayena sampūjya sa pāṇḍavaṃ tadā 8-90-23c23 pracodayāmāsa hayānmanojavān // 8-90-24a24 sa pāṇḍuputrasya ratho manojavaḥ 8-90-24b24 kṣaṇena karṇasya rathāgrago'bhavat //