Mahabharata · Chapter 8.71

vaikartanaṃ kuśalinaṃ niśamya kruddhaḥ pārthaḥ phalgūnasyāmitaujāḥ /
dhanañjayaṃ vākyamuvāca rājā yudhiṣṭhiraḥ karṇaśarābhitaptaḥ //

imāṃ ca vasatiṃ hitvā bhayātkarṇena phalguna /
ahaṃ ca bhīmasenaśca mādrīputrau ca pāṇḍavau //

vāsudevena sahitā vayaṃ karṇena nirjitāḥ / punareva vanaṃ gatvā tapaścaryāṃ ca kurmahe /
athavā dhārtarāṣṭrāṇāṃ paricaryāṃ carāmahe //

ityevamuktvā bībhatsuṃ roṣātsaṃraktalocanaḥ /
abravītpunarevātra dharmarājo yudhiṣṭhiraḥ //

idaṃ yadi dvaitavane tu sūktaṃ karṇaṃ niyoddhuṃ na sahe nṛpeti /
vayaṃ tataḥ prāptakālaṃ yathāva-- tkṛtvā'bhyupekṣāma tathaiva rājyam //

mayi pratiśrutya vadhaṃ hi tasya balasya cārdhasya tathaiva yuddhe /
ānīya māṃ śatrumadhye sa kasmā-- tsamunnāmya sthaṇḍile pratyapiṃṣṭhāḥ //

anvāsya satyena yadāttha pārtha satyaṃ śapanvāsudevena sārdham /
tannaḥ satyamaphalaṃ hyakārṣīḥ phalasya kāle cācchinnaḥ puṣpavṛkṣam //

pracchāditastvaṃ bāliśa duryaśobhi-- ranarthavākyo'syarjuna naiva sādhuḥ /
tyaktvā bhīmaṃ sarvabhīmeṣu bhīmaṃ saṃyojitastvaṃ sūtaputraṃ nihantum //

yattadvṛthā vāguvācāntarikṣe saptāhni jāte tvayi mandabuddhau /
apāpīyānvāsavātkuntijāto bahūnsaṅgrāmānayameva jetā //

ayaṃ jetā pāṇḍavo devasaṅghān sarvāṇi bhūtānyapi cottamaujāḥ /
ayaṃ jetā madrakaliṅgajātā-- ndaityāṃśca rakṣāṃsi samāgatāni //

bhūmiṃ ca sarvāṃ nikhilena jetā kurūṃśca jetā svagaṇāṃśca jetā /
asmātparo no bhavitā dhanurdharo naiṣyanna bhūtaḥ kaścidenaṃ vijetā //

icchannayaṃ sarvabhūtāni kuryā-- dvaśī vaśe sarvasamāptavidyaḥ /
kāntyā śaśāṅkasya javena vāyoḥ syairyeṇa meroḥ kṣamayā pṛthivyāḥ //

agneśca tāpe dhanadasya lakṣmyā śauryeṇa śakrasya jayena viṣṇoḥ /
tulyo mahātmā tava kunti putro jāto'diterviṣṇurivāmitaujāḥ //

sveṣāṃ jayāya dviṣatāṃ vadhāya jāto mahātmā tava nandikartā /
ityantarikṣe śataśṛṅgamūrdhni tapasvināṃ śṛṇvatāṃ vāguvāca //

evaṃvidhastvaṃ na ca bhūtastathādya devāśca nūnamanṛtaṃ vadanti //

tathā pareṣāmṛṣisattamānāṃ śrutvā giraḥ pūjayatāṃ sadā tvām /
na sannatiṃ yāmi suyodhanasya na tvāṃ jānāmyādhiratherbhayārtam //

tvaṣṭrā kṛtaṃ vāhamakūjanākṣaṃ śubhaṃ samāsthāya kapidhvajaṃ tam /
khaṅgaṃ gṛhītvā hemacitrāvanadvaṃ dhanurvaraṃ gāṇḍivaṃ tālamātram / tvaṃ vāsudevenohyamānaḥ kathaṃ nu karṇādbhīto vyapayāto'si pārtha //

pūrvaṃ yaduktaṃ hi suyodhanena na phalgunaḥ pramukhe sthāsyatīti /
karṇasya yuddhe hi mahābalasya maurkhyāttu tannāvabuddhaṃ mayā'sīt //

tenādya tapsye bhṛśamaprameyaṃ yanmitravargo narakaṃ praviṣṭaḥ /
tadaiva vācyo'smi nanu tvayā'haṃ na yotsye'haṃ sūtaputraṃ kathañcit //

tato nāhaṃ sṛñjayānkekayāṃśca samānayeyaṃ suhṛdo raṇāya //

evaṃ gate kiṃ ca mayā'dya śakyaṃ kāryaṃ kartuṃ nigrahe sūtajasya /
tathaiva rājñaśca suyodhanasya ye vāpi māṃ yoddhukāmāḥ sametāḥ //

dhigastu majjīvitamadya kṛṣṇa yo'haṃ vaśaṃ sūtaputrasya yātaḥ /
madhye kurūṇāṃ samuyodhanānāṃ ye cāpyanye yoddhukāmāḥ sametāḥ //

ekaḥ sa me bhīmaseno'dyaṃ nātho yenābhipanno'smi raṇe mahābhaye /
vimocya māṃ cāpi rupānvitastataḥ śareṇa tīkṣṇena bibheda karṇam //

tyaktvā prāṇānsamare bhīmasena-- ścakre yuddhaṃ kurumukhyaiḥ sametaiḥ /
gadāgrahasto rudhirokṣitāṅga-- ścaranraṇe kāla ivāntakāle //

asau hi bhīmasya mahāninādo muhurmahuḥ śrūyate dhārtarāṣṭraiḥ /
yadi sma jīvetsamare nihantā mahārathānāṃ pravaro narottamaḥ //

tavābhimanyustanayo'dya pārtha na cāsmi gantā samare parābhavam /
athāpi jīvetsamare ghaṭotkaca-- stathā'pi nāhaṃ samare parāṅyukhaḥ //

bhīmasya putraḥ samarāgrayāyī mahāstravinnāpi tavānurūpaḥ /
yaṃ taṃ xxxsādya riporvalaṃ no nimīlitākṣaṃ bhayaviplutaṃ bhavet //

xxxxxniśi yuddhameka-- styaksā raṇaṃ yatva bhayādravante //

sa cetsamāsādya mahānubhāvaḥ karṇaṃ raṇe bāṇagaṇaiḥ pramohyaḥ /
dhairye sthitenāpi ca sūtajena śakyā hato vāsavadattayā tayā //

mamaiva bhāgyāni purā kṛtāni pāpāni nūnaṃ phalavanti yuddhe /
tṛṇaṃ ca kṛtvā samare bhavantaṃ tato'hamevaṃ nikṛto durātmanā / vaikartanenaiva tathā kṛto'haṃ yathā hyaśaktaḥ kriyate tvabāndhavaḥ //

āpadgrataṃ yaśca naro vimokṣaye-- tsa bāndhavaḥ snehayutaḥ suhṛcca /
evaṃ purāṇā ṛṣayo vadanti dharmaḥ sadā sadbhiranuṣṭhitaśca //

khaṅgaṃ vibhrajjātarūpatsaruṃ ca dhanurvedaṃ gāṇḍivaṃ tālamātram /
sa keśavenohyamānaḥ kathaṃ nu karṇātpārthastvamapaituṃ samaiṣīḥ //

sa gāṇḍīvaṃ keśavāya pradāya yantā bhavestvaṃ yadi keśavasya /
tatastaretkeśavaḥ karṇamugraṃ marutsasvo vṛtramivāttavajraḥ //

māse'patiṣyo yadi pañcame tvaṃ na vā garbho yadyabhavaḥ pṛthāyāḥ /
mattaḥ śreyānrājaputro'bhaviṣya-- nna te yaśaḥ phalguna ityapeyāt //