Mahabharata · Chapter 8.61

teṣāṃ pravṛtte saṅgrāme vipule śoṇitodake /
rarāja lohitenorvī saṃsiktā bahudhā bhṛśam //

tato rajasi saṃśānte prakāśaḥ sarvato'bhavat / etasminnantare pārthaṃ kṛṣṇo vacanamabravīt /
darśayanniva kaunteyaṃ dharmarājaṃ yudhiṣṭhiram //

eṣa pāṇḍava te bhrātā dhārtarāṣṭrairmahābalaiḥ /
jighāṃsubhirmaheṣvāsaiḥ śīghraṃ pārtho'nusāryate //

tamanvageva pāñcālāścedimātsyāśca bhārata /
anuyānti mahātmānaṃ parīpsanto mahājavāḥ //

eṣa duryodhanaḥ pārtha gajānīkena daṃśitaḥ /
rājā sarvasya lokasya rājānamanudhāvati //

jighāṃsuḥ puruṣavyāghraṃ bhrātṛbhiḥ sahito balī /
āśīviṣasamasparśaiḥ sarvāyudhaviśāradaiḥ //

nadadbhiḥ siṃhanādāṃśca dhamadbhiścāpi vārijān /
balavadbhirmaheṣvāsairvidhūnvānairdhanūṃṣi ca //

ete jighṛkṣavo yānti dvipāśvarathapattayaḥ /
yudhiṣṭhiraṃ dhārtarāṣṭro ratnottamamivārthinaḥ //

paśya sātvatabhīmābhyāṃ niruddhā viṣṭhitāḥ punaḥ /
jihīrṣavo'mṛtaṃ daityāḥ śakrāgnibhyāmivāhave //

ete bahutvāttvaritāḥ punargacchanti pāṇḍavam /
samudramiva vāryoghāḥ prāvṛṭ्kāle mahārathāḥ //

mṛtyormukhagataṃ manye kuntīputraṃ yudhiṣṭhiram /
hutamagnau ca kaunteyaṃ duryodhanavaśaṃ gatam //

yathāyuktamanīkaṃ hi dhārtarāṣṭrasya pāṇḍava /
nāsya śakro'pi mucyeta samprāpto bāṇagocaram //

duryodhanasya vīrasya śaraughāñśīghramasyataḥ /
saṅkruddhasyāntakasyeva ko vegaṃ saṃsahedraṇe //

rasatastasya vīrasya drauṇeḥ śāradvatasya ca /
karṇasya ceṣuvego vai parvatānapi śātayet //

karṇena ca kṛto rājā vimukho'dya tu dṛśyate //

balavām̐llughuhastaśca kṛtī yuddhaviśāradaḥ / rādheyaḥ pāṇḍavaśreṣṭhaṃ śaktaḥ pīḍayituṃ raṇe /
sahito dhṛtarāṣṭrasya putraiḥ śūrairmahābalaiḥ //

tasyaibhiryudhyamānasya saṅgrāme śaṃsitātmanaḥ /
anyairapi ca pārthasya kṛtaṃ karma mahārathaiḥ //

upavāsakṛśo rājā bhṛśaṃ bharatasattamaḥ /
brāhmo bale sthito hyeṣa na kṣātre hi bale vibhuḥ //

karṇena cābhiyukto'yaṃ bhūpatiḥ śatrutāpanaḥ /
saṃśayaṃ samanuprāptaḥ pāṇḍavo vai yudhiṣṭhiraḥ //

na jīvati mahārājo manye pārtha yudhiṣṭhiraḥ /
yadbhīmasenaḥ sahate siṃhanādamamarṣaṇaḥ //

nardatāṃ dhārtarāṣṭrāṇāṃ punaḥpunararindamaḥ /
dhamatāṃ ca mahāśaṅkhānsaṅgrāme jitakāśinām //

yudhiṣṭhiraṃ pāṇḍaveyaṃ hateti bharatarṣabha /
sañcodayatyasau karṇo dhārtarāṣṭrānmahābalān //

sthūṇākarṇāstrajālena pārtha pāśupatena ca /
pracchādayanti rājānamanuyānti mahārathāḥ //