Mahabharata · Chapter 7.41

so'bhyagacchaddhanuṣpāṇirjyāṃ vikarṣanpunaḥ punaḥ /
sacchatradhvajayantāraṃ sāśvamāśu smayanniva //

so'pidhyaddaśabhirbāṇairabhimanyuṃ durāsadam /
sacchatradhvajayantāraṃ sāśvamāśu smayanniva //

pitṛpaitāmahaṃ karma kurvāṇamatimānuṣam /
dṛṣṭvārditaṃ śaraiḥ kārṣmiṃ tvadīyā hṛṣitā'bhavan //

tasyābhimanyurāyamya smayannekena patriṇā /
śiraḥ pracyāvayāmāsa tadrathātprāpatadbhuvi //

karṇikāramivādhūtaṃ vātenāpatitaṃ nagāt / karṇānujaṃ ca samprekṣya tāvakā vyathitā'bhavan /
bhrātaraṃ nihataṃ dṛṣṭvā karṇaścāsītparāṅmukhaḥ //

vimukhīkṛtya karṇaṃ tu saubhadraḥ kaṅkapatribhiḥ /
anyānapi maheṣvāsāṃstūrṇamevābhidudruve //

tatastadvitataṃ senyaṃ hastyaśvarathapattimat /
kraddho'bhimanyurabhinattigmatejā mahārathaḥ //

karṇastu bahubhirbāṇairardyamāno'bhimanyunā /
apāyājjavanairaśvaistato'nīkamabhidravat //

tiṃṣṭha karṇa maheṣvāsa kṛpa duryodhaneti ca /
droṇasya krośato rājaṃstadanīkamabhajyata //

śalabhairiva cākāśaṃ dhārābhiriva parvataḥ /
abhimanyo śaraiśchannaṃ na prājñāyata kiñcana //

tāvakānāṃ tu yodhānāṃ vadhyatāṃ niśitaiḥ śaraiḥ /
anyatra saindhavādrājanna sma kaścidatiṣṭhata //

saubhadrastu tataḥ śaṅkhaṃ pradhmāya puruṣarṣabhaḥ //
śīghramabhyapatatsenāṃ bhāratīṃ bharatarṣabha //

sa kakṣe'gnirivotsṛṣṭo nirdahaṃstarasā ripūn /
madhye bhāratasainyānāmārjuniḥ paryavartata //

rathanāgāśvamanujānardayanniśitaiḥ śaraiḥ /
sampraviśyākarodbhūmiṃ kabandhagaṇasaṅkulām //

saubhadracāpaprabhavairnikṛttāḥ parameṣubhiḥ /
svānevābhimukhāndhnantaḥ prādravañjīvitārthinaḥ //

te ghorā raudrakarmāṇo vipāṭhā bahavaḥ śitāḥ /
nighnto rathanāgāśvāñjagmurāśu vasundharām //

sāyudhāḥ sāṅgulitrāṇāḥ sagadāḥ sāṅgadā raṇe /
dṛśyante bāhavaścinnā hemābhāraṇabhūṣitāḥ //

śarāścāpāni khaṅgāśca śarīrāṇi śirāṃsi ca /
sakuṇḍalāni sragvīṇi bhūmāvāsansahasraśaḥ //

sopaskarairadhiṣṭhānairīṣādaṇḍakabandhuraiḥ /
akṣairvimathitaiścakrairbahudhā patitairyugaiḥ //

śakticāpāsibhiścaiva patitaiśca mahādhvajaiḥ /
carmacāpaśaraiścaiva vyavakīrṇaiḥ samantatataḥ //

nihataiḥ kṣatriyairaśvairvāraṇaiśca viśāmpate /
agamyarūpā pṛthivī kṣaṇenāsītsudāruṇā //

vadhyatāṃ rājaputrāṇāṃ krandatāmitaretaram /
prādurāsīnmahāśabdo bhīrūṇāṃ bhayavardhanaḥ //

sa śabdo bharataśceṣṭha diśaḥ sarvā vyanādayat //
saubhadraścādravatsenāṃ ghnanvarāśvarathadvipān //

kakṣamagnirivotsṛṣṭo nirdahaṃstarasā ripūn /
madhye bhāratasainyānāmārjuniḥ pratyadṛśyata //

vicarantaṃ diśaḥ sarvāḥ pradiśaścāpi bhārata /
taṃ tadā nānupaśyāmaḥ sainye ca rajasā'vṛte //

ādadānaṃ gajāśvānāṃ ṇāṃ cāyuṃṣi bhārata /
kṣamena bhūyaḥ paśyāmaḥ sūryaṃ madhyandine yathā //

abhimanyuṃ mahārāja pratapantaṃ dviṣadgaṇān /
sa vāsavasamaḥ saṅkhye vāsavasyātmajātmajaḥ //

abhimanyurmahārāja sainyamadhye vyarocata /
yathā purā vahnisutaḥ surasainyeṣu vīryavān //