Mahabharata · Chapter 6.94

svasainyaṃ nihataṃ dṛṣṭvā rājā duryodhanaḥ svayam /
abhyadhāvatsusankruddho bhīmasenamarindamam //

pragṛhya sumahaccāpamindrāśanisamasvanam /
mahatā śaravarṣeṇa pāṇḍavaṃ samavākirat //

ardhacandraṃ ca sandhāya sutīkṣṇaṃ lomavāpinam /
bhīmasenasya ciccheda cāpaṃ krodhasamanvitaḥ //

tadantaraṃ ca samprekṣya tvaramāmo mahārathaḥ /
prasandadhe śitaṃ bāṇaṃ girīṇāmapi dāraṇam //

tenorasi mahārāja bhīmasenamatāḍayat /
sa gāḍhaviddho vyathitaḥ sṛkviṇī parisaṃlihan //

samālalambe tejasvī dhvajaṃ hemapariṣkṛtam /
tathā vimanasaṃ dṛṣṭvā bhīmasenaṃ ghaṭotkacaḥ //

krodhenābhiprajajvāla didhakṣanniva pāvakaḥ /
abhimanyumukhāścāpi pāṇḍavānāṃ mahārathāḥ //

samabhyadhāvankrośanto rājānaṃ jātasambhramāḥ /
samprekṣya tānsampatataḥ sankruddhāñjātasambhramān //

bhāradvājo'bravīdvākyaṃ tāvakānāṃ mahārathān /
kṣipraṃ gacchata bhadraṃ vo rājānaṃ parirakṣata //

saṃśayaṃ paramaṃ prāptaṃ mañjantaṃ vyasanārṇave /
ete kruddhā maheṣvāsāḥ pāṇḍavānāṃ mahārathāḥ //

bhīmasenaṃ puraskṛtya duryodhanamupādravan /
nānāvidhāni śastrāṇi visṛjanto mahārathāḥ //

nadanto bhairavānnādāṃstrāsayantaśca bhūmipān /
tadā'cāryavacaḥ śrutvā saumadattipurogamāḥ //

tāvakāḥ samavartanta pāmḍavānāmanīkinīm /
kṛpo bhūriśravāḥ śalyo droṇaputro viviṃśatiḥ //

citraseno vikarṇaśca saindhavo'tha bṛhadbalaḥ /
āvantyau ca maheṣvāsau kauravaṃ paryavārayan //

te viṃśatipadaṃ gatvā samprahāraṃ pracakrire /
pāṇ़ḍavā dhārtarāṣṭrāśca parasparajighāṃsavaḥka //

evamuktvā mahābāhurmahadviṣphārya kārmukam /
bhāradvājastato bhīmaṃ ṣaḍviṃśatyā samārpayat //

bhūyaścainaṃ mahābāhuḥ śaraiḥ śīghramavākirat /
parvataṃ vāridhārābhiḥ prāvṛṣīva valāhakaḥ //

taṃ pratyavidhyaddaśabhirbhīmasenaḥ śilīmukhaiḥ /
tvaramāṇo maheṣvāsaḥ savye pārśve mahābalaḥ //

sa gāḍhaviddho vyathito vayovṛddhaśca bhārata /
pranaṣṭasañjñaḥ sahasā rathopastha upāviśat //

guruṃ pravyathitaṃ dṛṣṭvā rājā duryodhanaḥ svayam /
drauṇāyaniśca sankruddhau bhīmasenamabhidrutau //

tāvāpatantau samprekṣya kālāntakayamopamau /
bhīmaseno mahābāhurgadāmādāya satvaram //

avaplutya rathāttūrṇaṃ tasthau giririvācalaḥ / samudyamya gadāṃ gurvī yamadaṇḍopamāṃ raṇe /

tamudyatagadaṃ dṛṣṭvā kailāsamiva śṛṅgiṇam /
kauravo droṇaputraśca sahitāvabhyadhāvatām //

tāvāpatantau sahitau tvaritau balināṃ varau /
abhyadhāvata vegena tvaramāṇo vṛkodaraḥ //

tamāpatantaṃ samprekṣya sankruddhaṃ bhīmadarśanam /
samabhyadhāvaṃstvaritāḥ kauravāṇāṃ mahārathāḥ //

bhāradvājamukhāḥ sarve bhīmasenajighāṃsayā /
nānāvidhāni śastrāṇi bhīmasyorasyapātayan //

sahitāḥ pāṇḍavaṃ sarve pīḍayantaḥ samantataḥ /
taṃ dṛṣṭvā saṃśayaṃ prāptaṃ pīḍyamānaṃ mahāratham //

abhimanyuprabhṛtayaḥ pāṇ़ḍavānāṃ mahārathāḥka . abhyadāvanparīpsantaḥ prāṇāṃstyaktvā sudustyajān

anūpādhipatiḥ śūro bhīmasya dayitaḥ sakhā /
nīlo nīlāmbudaprakhyaḥ sankruddho drauṇimabhyāt //

spardhate hi maheṣvāso nityaṃ droṇasutena saḥ /
sa viṣphārya mahaccāpaṃ drauṇiṃ vivyādha patriṇā //

yathā śakro mahārāja purā vivyādha dānavam /
vipracittiṃ durādharṣaṃ devatānāṃ bhayankaram //

yena lokatrayaṃ krodhātrāsitaṃ svena tejasāka . 6-94-32bsa rudreṇa jitaḥ pūrvaṃ nihato mātariśvanā
tathā nīlena nirbhinnaḥ samyaṅbhuktena patriṇā //

sañjātarudhirotpīḍo drauṇiḥ krodhasamanvitaḥ /
sa viṣphārya dhanuścitramindrāśanisamasvanam //

dadhre nīlavināśāya matiṃ matimatāṃ varaḥ /
tataḥ sandhāya vimalānbhallānkarmāramārjitān //

jaghāna caturo vāhānpātayāmāsa ca dhvajam / sūtaṃ caikena bhallena rathanīḍādapāharat
saptamena ca bhallena nīlaṃ vivyādha vakṣasi //

sa gāḍhaviddho vyathito rathopastha upāviśat /
mohitaṃ vīkṣya rājānaṃ nīlamaśmacayopamam //

ghaṭotkaco'bhisankruddho jñātibhiḥ parivāritaḥ . abhidudrāva vegena drauṇimāhavaśobhinam /
tathetare cābhyadhāvanrākṣasā yuddhadurmadāḥ // 6-94-38a bhīmaseno mahābāhurnīlaṃ nīlāñjanaprabham / āropya svarathaṃ vīro duryodhanamapādravat //

ghaṭotkacaṃ ca samprekṣya rākṣasaṃ ghoradarśanam //
abhyadhāvata tejasvī bhārajvājātmajastvaran //

nijaghāna ca sankruddho rākṣasānbhīmadarśanān / yo'bhavannagrataḥ kruddhā rākṣasasya puraḥsarāḥ /
vimukhāṃścaiva tāndṛṣṭvā drauṇicāpacyutaiḥ śaraiḥ //

akruddhyata mahākāyo bhaimasenirghaṭotkacaḥ /
prāduścakre tato māyāṃ ghorarūpāṃ sudāruṇām //

mohayansamare drauṇiṃ māyāvī rākṣasādhipaḥ /
tataste tāvakāḥ sarve māyayā vimukhīkṛtāḥka //

anyonyaṃ samapaśyanta nikṛttā medinītale /
viceṣṭamānāḥ kṛpaṇāḥ śoṇitena pariplutāḥ //

droṇaṃ duryodhanaṃ śalyamaśvatthāmānameva ca /
prāyaśaśca maheṣvāsā ye pradhānāḥ sma kauravāḥ //

vidhvastā rathinaḥ sarve gajāśca vinipātitāḥ /
hayāścaiva hayārohāḥ sannikṛttāḥ sahasraśaḥ //

taddṛṣṭvā tāvakaṃ sainyaṃ vidrutaṃ śibiraṃ prati /
mama prākrośato rājaṃstathā devavratasya ca //

yudhyadhvaṃ mā palāyadhvaṃ māyaiṣā rākṣasī raṇe /
ghaṭotkacapramukteti nātiṣṭhanta vimohitāḥ //

naiva te śraddadhurbhītā vadatorāvayorvacaḥ /
tāṃśca pradravato dṛṣṭvā jayaṃ prāptāśca pāṇḍavāḥ //

ghaṭotkacena sahitāḥ siṃhanādānpracakrire /
śaṅkhadundubhinirghoṣaiḥ samantānnedire bhṛśam //

evaṃ tava balaṃ sarvaṃ haiḍimbena mahātmanā /
sūryāstamanavelāyāṃ prabhagnaṃ vidrutaṃ diśaḥ //