Mahabharata · Chapter 6.75

vihṛtya tu tato rājansahitāḥ kurupāṇḍavāḥ /
vyatītāyāṃ tu śarvaryāṃ punaryuddhāya niryayuḥ //

tataḥ śabdo mahānāsīttava teṣāṃ ca bhārata /
yujyatāṃ rathamukhyānāṃ kalpyatāṃ caiva dantinām //

sannahyatāṃ padātīnāṃ hayānāṃ caiva bhārata /
śaṅkhadundubhinādaśca tumulaḥ sarvato'bhavat //

tato yudhiṣṭhiro rājā dhṛṣṭadyumnamabhāṣata /
vyūhaṃ vyūhasva pāñcāla makaraṃ śatrunāśanam //

evamuktastu pārthena dhṛṣṭadyumno mahārathaḥ /
vyādideśa yathānyāyaṃ rathino rathināṃ varaḥ //

śiro'bhūddrupadastasya pāṇḍavaśca dhanañjayaḥ /
cakṣuṣī sahadevaśca nakulaśca mahārathaḥ //

tuṇḍamāsīnmahārāja bhīmaseno mahābalaḥ /
saubhadro draupadeyāśca rākṣasaśca ghaṭotkacaḥ //

sātyakirdharmarājaśca vyūhagrīvāṃ samāsthitāḥ . pṛṣṭhamāsīnmahārāja virāṭo vāhinīpatiḥ // 6-75-9adhṛṣṭadyumno mahārāja mahatyā senayā vṛtaḥ . kekayā bhrātaraḥ pañca vāmapārśvaṃ samāśritāḥ //

dhṛṣṭaketurnaravyāghraścekitānaśca vīryavān /
dakṣiṇaṃ pakṣamāśritya sthitau vyūhasya rakṣaṇe //

pādayostu mahārāja sthitaḥ śrīmānmahārathaḥ /
kuntibhojaḥ śatānīko mahatyā senayā vṛtaḥ //

śikhaṇḍī tu maheṣvāsaḥ somakaiḥ saṃvṛto balī /
irāvāṃśca tataḥ pucche makarasya vyavasthitau //

evametaṃ mahāvyūhaṃ vyūhya bhārata pāṇ़ḍavāḥ /
sūryodaye mahārāja punaryuddhāya daṃśitāḥka //

kauravānabhyayustūrṇaṃ hastyaśvarathapattibhiḥ /
samucchritairdhvajaiśchatraiḥ śastraiśca vimalaiḥ śitaiḥ //

vyūḍhaṃ dṛṣṭvā tu tatsainyaṃ pitā devavratastava /
kauñcena mahatā rājanpratyavyūhata vāhinīm //

tasya tuṇḍe maheṣvāso bhāradvājo vyarocata /
aśvatthāmā kṛpaścaiva cakṣurāstāṃ janeśvara //

kṛtavarmā tu sahitaḥ kāmbhojairatha bāhlikaiḥ /
śirasyāsīnnaraśreṣṭhaḥ śreṣṭhaḥ sarvadhanuṣmatām //

grīvāyāṃ śūrasenaśca tava putraśca māriṣa /
duryodhano mahārāja rājabhirbahubhirvṛtaḥ //

prāgjotiṣastu sahito madrasauvīrakekayaiḥ /
urasyabhūnnaraśreṣṭha mahatyā senayā vṛtaḥ //

pṛṣṭhe cāstāṃ maheṣvāsāvāvantyau sapadānugauḥ . svasenayā ca sahitaḥ śuśarmā prasthalādhipaḥ /
vāmaṃ pakṣaṃ samāśritya daṃśitaḥ samavasthitaḥ //

tuṣārā yavanāścaiva śakāśca saha cūcupaiḥ /
dakṣiṇaṃ pakṣamāśritya sthitā vyūhasta bhārata //

śrutāyuśca śātāyuśca saumadattiśca māriṣa /
vyūhasya jaghane tasthū rakṣamāṇāḥ parasparam //

tato yuddhāya sañjagmuḥ pāṇḍavāḥ kauravaiḥ saha /
sūryodaye mahārāja prāvartata janakṣayaḥ //

pratīyū rathino nāmānnāgāśca rathino yayuḥ /
hayārohānrathārohā rathinaścāpi sādinaḥ //

sādinaśca hayānrājanrathinaśca mahāraṇe /
hastyārohānhayārohā rathinaḥ sādinastathā //

rathinaḥ pattibhiḥ sārdhaṃ sādinaścāpi pattibhiḥ /
anyonyaṃ samare rājanpratyadhāvannamarṣitāḥ //

bhīmasenārjunayamairguptā cānyairmahārathaiḥ /
śuśubhe pāṇḍavī senā nakṣatrairiva śarvarī //

tathā bhīṣmakṛpadroṇaśalyaduryodhanādibhiḥ /
tavāpi ca babhau senā grahairdyauriva saṃvṛtāḥ //

bhīmasenastu kaunteyo droṇaṃ dṛṣṭvā parākramī /
abhyayāñjavanairaśvairbhāradvājasya vāhinīm //

droṇāstu samare kruddho bhīmaṃ navabhirāyasaiḥ /
vivyādha samaraślāghī marmāṇyuddiṣya vīryavān //

dṛḍhāhatasto bhīmo bhāradvājasya saṃyuge /
sārathiṃ preṣayāmāsa yamasya sadanaṃ prati //

sa sangṛhya skavayaṃ vāhānbhāradvājaḥ pratāpavān /
vyadhamatpāṇḍavīṃ senāṃ tūlarāśimivānalaḥ //

te vadyamānā droṇena bhīṣmeṇa ca narottamāḥ /
sṛñjayāḥ tāvakaṃ sainyaṃ bhīmārjunaparikṣatam //

tathaiva tāvakaṃ sainyaṃ bhīmārjunaparikṣatam /
muhyate tatratatraiva samadeva varāṅganā //

abhidyetāṃ tato vyūhau tasminvīravarakṣaye /
āsīdvyatikaro ghorastava teṣāṃ ca bhārata //

tadadbhutamapaśyāma tāvakānāṃ paraiḥ saha /
ekāyanagatāḥ sarve yadayudhyanta bhārata //

pratisaṃvārya cāstrāṇi te'nyonyasya viśāmpate /
yuyudhuḥ pāṇḍavāścaiva kauravāśca mahābalāḥ //