Mahabharata · Chapter 6.63

hate tasmingajānīke putro duryodhanastava /
bhīmasenaṃ dhnatetyevaṃ sarvasainyānyacodayat //

tataḥ sarvāṇyanīkāni tava putrasya śāsanāt /
abhyadravanbhīmasenaṃ nadantaṃ bhairavānravān //

taṃ balaughamaparyantaṃ devairapi suduḥsaham /
āpatantaṃ suduṣpāraṃ samudrimiva parvaṇi //

rathanāgāśvakalilaṃ śaṅkhadundubhināditam /
anantarathapādātaṃ rajasā sarvato vṛtam //

taṃ bhīmasenaḥ samare mahodadhimivāparam /
senāsāgaramakṣobhyaṃ veleva samavārayat //

tadāścaryamapaśyāma pāṇḍavasya mahātmanaḥ /
bhīmasenasya samare rājankarmātimānuṣam //

udīrṇānpārthivānsarvānsāśvānsarathakuñjarān /
asambhramaṃ bhīmaseno gadayā samavārayat //

sa saṃvārya balaughāṃstangadayā rathināṃ varaḥ /
atiṣṭhattumule bhīmo girirmerurivācalaḥ //

tasminsutumule ghore kāle paramadāruṇe /
bhrātaraścaiva putrāśca dhṛṣṭadyumnaśca pārṣataḥ //

draupadeyābhimanyuśca śikhaṇḍī cāparājitaḥ /
na prājahanbhīmasenaṃ bhaye jāte mahābalam //

tataḥ śaikyāyasīṃ gurvīṃ pragṛhya mahatīṃ gadām /
adhāvattāvakānyodhāndaṇḍapāṇirivāntakaḥ //

poyayanrathabṛndāni vājibṛndani cābhibhūḥ /
karṣayanrathavṛndāni bāhuvegena pāṇḍavaḥ //

vinidhranyacatatsaṅkhye yugānte kālavidvibhuḥ /
ūruvegena sankarṣanrathajālāni pāṇḍavaḥ //

balāni sammamardāśu naḍvalānīva kuñjaraḥ /
mṛdganrathebhyo rathino gajebhyo gajayodhinaḥ //

sādinaścāśvapṛṣṭhebhyo bhūmau vāpi padātinaḥ /
gadayā vyavamatsarvānvāto vṛkṣānivaujasā //

bhīmaseno mahābāhustava putrasya vai bale /
sāpi prañjānasāmāsaiḥ pradigdhā rudhireṇa ca //

adṛśyata mahāraudrā gadā nāgāśvapātanī /
tatratatra hataiścāpi manuṣyagajavājibhiḥ //

raṇāṅgaṇaṃ samabhavanmṛtyorāvāsasannibham /
pinākamiva rudrasya kruddhasyābhighnataḥ paśūn //

yamadaṇḍopamāmugrāmindrāśanisamasvanām /
dadṛśurbhīmasenasya raudrāṃ viśasanīṃ gadām //

āvidhyato gadāṃ tasya kaunteyasya mahātmanaḥ /
babhau rūpaṃ mahāghoraṃ kālasyeva yugakṣaye //

taṃ tathā mahatīṃ senāṃ drāvayantaṃ punaḥ punaḥ /
dṛṣṭvā mṛtyumavāyāntaṃ sarve vimanaso'bhavan //

yatoyataḥ prekṣate sma gadāmudyamya pāṇḍavaḥ /
tenatena sma dīryante sarvasainyāni bhārata //

pradārayantaṃ sainyāni balenāmitavikramam /
grasamānamanīkāni vyāditāsyamivāntakam //

taṃ tathā bhīmakarmāṇaṃ pragṛhītamahāgadam /
dṛṣṭvā vṛkodaraṃ bhīṣmaḥ sahasaiva samabhyayāt //

mahatā rathaghoṣeṇa rathenādityavarcasā /
chādayañśaravarṣeṇa parjanya iva vṛṣṭimān //

tamāyāntaṃ tathā dṛṣṭvā vyāttānanamivāntakam /
bhīṣmaṃ bhīmo mahābāhuḥ pratyudīyādamarṣitaḥ //

tasminkṣaṇe sātyakiḥ satyasandhaḥ śinipravīro'bhyapatatpitāmaham /
nighnannamitrāndhanuṣā dṛḍhena sankampayaṃstava putrasya sainyam //

taṃ yāntamaśvai rajataprakāśaiḥ śarānvapantaṃ niśitānsupuṅkhān /
nāśaknavandhārayituṃ tadānīṃ sarve gaṇā bhārata ye tvadīyāḥ //

avidhyadenaṃ daśabhiḥ pṛṣatkaiḥ- ralambuso rākṣaso'sau tadānīm /
śaraiścaturbhiḥ pratividdhya taṃ ca naptā śinerabhyapatadrathena //

anvāgataṃ vṛṣṇivaraṃ niśamya taṃ śatrumadhye parivartamānam /
pradrāvayantaṃ kurupuṅgavāṃśca punaḥ punaśca praṇadantamājau //

yodhāstvadīyāḥ śaravarṣairavarṣa- nmeghā yathā bhūdharamambuvegaiḥ /
tathāpi taṃ dhārayituṃ na śeku- rmadhyandine sūryamivātapantam //

na tatra kaścinnaviṣaṇṇa āsī- dṛte rājansomadattasya putrāt /
sa vai samādāya dhanurmahātmā bhiriśravā bhārata saumadattiḥ //

dṛṣṭvā rathānsvānvyapanīyamānā- npratyudyayau sātyakiṃ yoddhumicchan //