Mahabharata · Chapter 6.56
prabhātāyāṃ ca śarvaryāṃ bhīṣmaḥ śāntanastadā /
anīkānyanusaṃyāne vyādideśāya bhārata //
gāruḍaṃ ca mahāvyūhaṃ cakre śāntanavastadā / putrāṇāṃ te jayākāṅkṣī bhīṣmaḥ kurupitāmahaḥ /
garuḍasya svayaṃ tuṇḍe pitā devavratastava /
cakṣuṣī ca bharajvājaḥ kṛtavarmā ca sātvataḥ //
aśvatthāmā kṛpaścaiva śira āstāṃ yaśasvinau /
traigarttairatha kaikeyairvāṭadhānaiśca saṃyuge //
bhūriśravāḥ śalaḥ śalyo bhagadattaśca māriṣa /
madrakāḥ sindhusauvīrāstathā pāñcanadāśca ye //
jayadrathena sahitā grīvāyāṃ sanniveśitāḥ /
pṛṣṭhe duryodhano rājā sodaryaiḥ sānugairvṛtaḥ //
vindānuvindāvāvantyau kāmbhojaśca śakaiḥ saha /
pacchamāsanmahārāja śūrasenāśca sarvaśaḥ //
māgadhāśca kaliṅgāśca dāserakagaṇaiḥ saha /
dakṣiṇaṃ pakṣamāsādya sthitā vyūhasya daṃśitāḥ //
kākaruśā vikuñcāśca muṇḍāḥ kuṇḍīvṛṣāstathā /
bṛhadvalena sahitā vāmaṃ pārśvamavasthitāḥ //
vyūḍhaṃ dṛṣṭvā tu tatsainyaṃ savyasācī parantapaḥ /
dhṛṣṭadyumnena sahitaḥ pratyavyūhata saṃyuge //
ardhacandreṇa vyūhena vyūhantamatidāruṇam /
dakṣiṇaṃ śṛṅgamāsvaya bhimaseno vyarocata //
nānāsaṃstraupasaṃṣatrairnānādeśyairnṛpairvṛtaḥ /
tadanyeva virāṭaśca drupadaśca mahārathaḥ //
tadanantaramevāsīnnīlo nīlāyudhaiḥ saha /
nīlādanantaraścaiva dhṛṣṭaketurmahābalaḥ //
cedikāśikarūpeśca pauravairapi saṃvṛtaḥ /
dhṛṣṭadyumnaḥ śikhaṇḍī ca pāñcālāśca prabhadrakāḥ //
madhye sainyasya mahataḥ sthitā yuddhāya bhārata / tatraiva dharmarājo'pi gajānīkena saṃvṛtaḥ /
tatastu sātyakī rājandraupadyāḥ pañca cātmajāḥ /
abhimanyustataḥ śūra irāvāṃśca tataḥ param //
bhaimasenistato rājankekayāśca mahārathāḥ /
ete sarve mahārāja vāmaṃ pārśvamupāśritāḥ //
sarvasya jagato goptā goptā yasya janārdanaḥ / tatrānurathināṃ śreṣṭho vāmaśrṛṅge vyavasthitaḥ /
evametaṃ mahāvyūhaṃ pratyavyūhanta pāṇḍavāḥ //
vadhārthaṃ tava putrāmāṃ tatpakṣe ye ca saṅgatāḥ /
tataḥ pravavṛte yuddhaṃ vyatiṣaktarathadvipam //
tāvakānāṃ pareṣāṃ ca nighnatāmitaretaram /
hayaughāśca rathaughāśva tatra tatra viśāmpate //
sampatanto vyadṛśyanta nighnantaste parasparam /
dhāvatāṃ ca rathoghānāṃ nighnatāṃ ca pṛthak pṛthak //
babhūva tumulaḥ śabdo vimiśro dundubhisvanaiḥ . divaspṛṅvaravīrāṇāṃ nighnatāmitaretaram /
samprahāre sutumule tava teṣāṃ ca bhārata //
Original text: Mahābhārata (southern recension) · Edition: Śrīman Mahābhāratam, ed. T. R. Krishnacharya and T. R. Vyasacharya, Nirnaya Sagar Press, Bombay 1906–1910; e-text by SARIT (Shrinivasa Varakhedi and others) · SARIT: Search and Retrieval of Indic Texts · SARIT (e-text) via Internet Archive · CC BY-SA 3.0