Mahabharata · Chapter 5.85

tadā dūtaiḥ samājñāya āyāntaṃ madhusūdanam /
dhṛtarāṣṭro'bravīdbhīṣmamarcayitvā mahābhujam //

droṇaṃ ca sañjayaṃ caiva viduraṃ ca mahāmatim /
duryodanaṃ sahāmātyaṃ hṛṣṭaromā'bravīdidam //

adbhutaṃ mahādāścaryaṃ śrūyate kurunandana /
striyo bālāśca vṛddhāśca kathayanti gṛhegṛhe //

satkṛtyācakṣate cānye tathaivānye samāgatāḥ /
pṛthagvādāśca vartante catvareṣu sabhāsu ca //

upāyāsyati dāśārhaḥ pāṇḍavārthe parākramī /
sa no mānyaśca pūjyaśca sarvathā madhusūdanaḥ //

tasminhi yātrā lokasya bhūtānāmīśvaro'hi saḥ /
tasmindhṛtiśca vīryaṃ ca prajñā caujaśca mādhave //

sa mānyatāṃ naraśreṣṭhaḥ sa hi dharmaḥ sanātanaḥ /
pūjito hi sukhāya syādasukhaḥ syādapūjitaḥ //

sa cettupyati dāśārha upacarairarindamaḥ /
kṛṣṇātsarvānabhiprāyānprāpsyāmaḥ sarvarājasu //

tasya pūjārthamadyaiva saṃvidhastva parantapa /
sabhāḥ pathi vidhīyantāṃ sarvakāmasamanvitāḥ //

yathā prītirmahābāho tvayi jāyeta tasya vai /
tathā kuruṣva gāndhāre kathaṃ vā bhīṣma manyase //
vaiśampāyana uvāca /

tato bhīṣmādayaḥ sarve dhṛtarāṣṭraṃ janādhipam /
ūcuḥka paramamityevaṃ pūjayanto'sya tadvacaḥ //

teṣāmanumataṃ jñātvā rājā duryodhanastadā /
sabhāvāstūni ramyāṇi pradeṣṭumupacakrame //

tato deśeṣu deśeṣu ramaṇīyeṣu bhāgaśaḥ /
sarvaratnasamākīrṇāḥ sabhāścakruranekaśaḥ //

āsanāni vicitrāṇi yutāni vividhairguṇaiḥ /
striyo gandhānalaṅkānārānsūkṣmāṇi vasanāni ca //

guṇavantyannapānāni bhojyāni vividhāni ca /
mālyāni ca sugandhīni tāni rājā dadau tataḥ //

viśevataśca vāsārthaṃ sabhāṃ grāme vṛkasthale /
vidadhe kauravo rājā bahuratnāṃ manoramām //

etadvidhāya vai sarvaṃ devārhamatimānuṣam /
ācakhyau dhṛtarāṣṭrāya rājā duryodhanastadā //

tāḥ sabhāḥ keśavaḥ sarvā ratnāni vividhāni ca /
asamīkṣyaiva dāśārha upāyātkurusadma tat //