Mahabharata · Chapter 5.56
akṣauhiṇīḥ sapta labdhvā rājabhiḥ saha sañjaya /
kiṃsvidicchati kaunteyo yuddhaprepsuryudhiṣṭhiraḥ //
sañjaya uvāca /
atīva mudito rājanyuddhaprepyuryudhiṣṭhiraḥ /
bhīmasenārjunau cobhau yamāvapi na bibhyataḥ //
rathaṃ tu divyaṃ kaunteyaḥ sarvā vibhrājayandiśaḥ /
mantraṃ jijñāsamānaḥ sanbībhatsuḥ samayojayat //
tamapaśyāma sannaddhaṃ meghaṃ vidyudyutaṃ yathā / samantātsamabhidhyā hṛṣyamāṇo'bhyabhāṣata /
pūrvarūpamidaṃ paśya vayaṃ jeṣyāma sañjaya //
bībhatsurmāṃ yathovāca tathā'vaimyahamapyuta //
duryodhana uvāca /
praśaṃsasyabhinandaṃstānpārthānakṣaparājitān /
arjunasya rathe brūhi kathamaśvāḥ kathaṃ dhvajāḥ //
sañjaya uvāca /
bhaumanaḥ saha śakreṇa bahucitraṃ viśāmpate /
rūpāṇi kalpayāmāsa tvaṣṭā dhātā sadā vibho //
dhvaje hi tasminrūpāṇi cakruste devamāyayā /
mahādhanāni divyāni mahānti ca laghūni ca //
bhīmasenānurodhāyaka hanūmānmārutātmajaḥ /
ātmapratikṛtiṃ tasmindhvaja āropayiṣyati //
sarvā diśo yojanamātramantaraṃ satiryagūrdhvaṃ ca rurodha vai dhvajaḥ /
na saṃsañjettarubhiḥ saṃvṛto'pi tathā hi māyā vihitā bhaumanena //
yathā'kāśe śakradhanuḥ prakāśate na caikavarṇaṃ na ca vedmi kiṃ nu tat /
tathā dhvajo vihito bhaumanena bahvākāraṃ dṛśyate rūpamasya //
yathā'gnidhūmo divameti ruddhvā / varṇānbibhrattaijasāṃścitrarūpān /
tathā dhvajo vihito bhaumanena na cedbhāro bhavitā nota rodhaḥ //
śvetāstasminvātavegāḥ sadaśvā divyā yuktāścitrarathena dattāḥ /
bhuvyantarikṣe divi vā narendra yeṣāṃ gatirhīyate nātra sarvā . śataṃ yattatpūryate nityakālaṃ hataṃhataṃ dattavaraṃ purastāt
tathā rājño dantavarṇā bṛhanto rathe yuktā bhānti tadvīryatulyāḥ /
ṛkṣaprakhyā bhīmasenasya vāhā rathe vāyostulyavega babhūvuḥ //
kalmāṣāṅgāstittiricitrapṛṣṭhā bhrātrā dattāḥ prīyatā phālgunena /
bhrāturbīrasya svaisturaṅgairviśiṣṭā mudā yuktāḥ sahadevaṃ vahanti //
mādrīputraṃ nakulaṃ tvājamīḍhaṃ mahendradattā harayo vājimukhyāḥ /
samā vāyorbalavantastarasvino vahanti vīraṃ vṛtraśatruṃ yathendram /
tulyāścaibhirvayasā vikrameṇa mahājavāśritrarūpāḥ sadaśvāḥ /
saubhadrādīndraupadeyānkumārān vahantyaśvā devadattā bṛhantaḥ //
Original text: Mahābhārata (southern recension) · Edition: Śrīman Mahābhāratam, ed. T. R. Krishnacharya and T. R. Vyasacharya, Nirnaya Sagar Press, Bombay 1906–1910; e-text by SARIT (Shrinivasa Varakhedi and others) · SARIT: Search and Retrieval of Indic Texts · SARIT (e-text) via Internet Archive · CC BY-SA 3.0