Mahabharata · Chapter 5.2

śrutaṃ bhavadbhirgadapūrvajasya vākyaṃ yathā dharmavadarthavacca /
ajātaśatrośca hitaṃ ca yuktaṃ duryodhanasyāpi tathaiva rājñaḥ //

ardhaṃ hi rājyasya visṛjya vīrāḥ kuntīsutāstasya kṛte yatante /
pradāya cārdhaṃ dhṛtarāṣṭraputraḥ sukhī sahāsmābhiratīva modet //

labdhvā hi rājyaṃ pūruṣapravīrāḥ samyakpravṛtteṣu pareṣu caiva /
dhruvaṃ praśāntāḥ sukhamāviśeyu- steṣāṃ praśāntiśca hitaṃ prajānām //

duryodhanasyāpi mataṃ ca vettuṃ vaktuṃ ca vākyāni yudhiṣṭhirasya /
priyaṃ ca me syādyadi tatra kaści- dvrajecchamārthaṃ kurupāṇḍavānām //

sa bhīṣmamāmantrya kurupravīraṃ vaicitravīryaṃ ca mahānubhāvam /
droṇaṃ saputraṃ viduraṃ kṛpaṃ ca gāndhārarājaṃ ca samūtaputram //

save ca ye'nye dhṛtarāṣṭraputrā balapradhānā nigamapradhānāḥ /
sthitāśca dharmeṣu yathā svakeṣu lokapravīrāḥ śrutaśīlavṛddhāḥ //

eteṣu sarveṣu samāgateṣu paureṣu vṛddheṣu ca sangateṣu /
bravītu vākyaṃ praṇipātayuktaṃ kuntīsutasyārthakaraṃ yathā syāt //

sarvāsvavasthāsu ca te na kopyā grasto hi so'rtho balamāśritaistaiḥ /
priyābhyupetasya yudhiṣṭhirasya dyūte prasaktasya hṛtaṃ ca rājyam //

nivāryamāṇaśca kurupravīraḥ sarvaiḥ suhṛdbhirhyamapyatañjhaḥ /
sa dīvyamānaḥ pratidīvya cainaṃ gāndhārarājasya sutaṃ matākṣam //

hitvā hi karṇaṃ ca suyodhanaṃ ca samāhvayaddevitumājamīḍhaḥ /
durodarāstatra sahasraśo'nye yudhiṣṭhiro yānviṣaheta jetum //

utsṛjya tānsaubalameva cāyaṃ samāhvayattena jito'kṣavatyām /
sa dīvyamānaḥ pratidevanena akṣeṣu nityaṃ svaparāṅbhukheṣu //

saṃrambhamāṇo vijitaḥ prasahya tatrāparādhaḥ śakunerna kaścit /
tasmātpraṇamyaiva vaco bravītu vaicitravīryaṃ bahusāmayuktam //

tathā hi śakyo dhṛtarāṣṭraputraḥ svārtheṃ niyoktuṃ puruṣeṇa tena /
ayuddhamākāṅkṣata kauravāṇāṃ sāmnaiva duryodhanamāśvasadhvam //

sāmnā jito'rtho'rthakaro bhaveta yuddhe'nayo bhavitā neha so'rthaḥ //

evaṃ dhruvatyeva madhupravīre śinipravīraḥ sahasotpapāta
taccāpi vākyaṃ parinindya tasya samādade vākyamidaṃ samunyuḥ //