Mahabharata · Chapter 4.68

tato vijitya sangrāme kurugovṛṣabhekṣaṇaḥ /
samānayāmāsa tadā virāṭasya dhanaṃ mahat //

mataṣu ca prabhagneṣu dhārtarāṣṭreṣu sarvaśaḥ / vanānniṣkramya gahanādbahavaḥ kurusainikāḥ /
bhayātsantrastamanasaḥ samājagmustatastataḥ //

muktakeśāḥ pradṛśyante sthitāḥ prāñjalayastadā / kṣutpiṇasāpariśrāntā videśasthā vicetasaḥ /
ūcuḥ prāñjalayaḥ sarve pārtha kiṃ karavāmahe //

prāṇānantarmanoyātānprayāciṣyāmahe vayam /
vayaṃ cārjuna te dāsā hyanurakṣyā hyanāthakāḥ //
arjuna uvāca /

anāthānduḥkhitāndīnānkṛśānvṛddhānparājitān /
nyastaśastrānnirāśāṃśca nāhaṃ hanmi kṛtāñjalīn //

bhavanto yāntu visrabdhā nirbhayā amṛtā yathā /
mama pādarajolakṣmyā jīvantu suciraṃ bhuvi //

tasya tāmabhayāṃ vācaṃ śrutvā yodhāḥ samāgatāḥ /
āyuḥ kīrtiyaśobhiste tamāśīrbhiravardhayan //

tato nivṛttāḥ kuravo yagnāśca divamāsthitāḥ /
prayātāḥ sarvatastatra namaskṛtya dhanañjayam //

evaṃ dattābhayāstena tato yātāḥ kurūnprati //

sa karma kṛtvā paramāryakarmā nihatya śatrūndviṣatāṃ nihantā /
yāto mahāmegha ivātapānte vidrāvya pārthaḥ kurusainyamekaḥ //

taṃ mātsyaputraṃ dviṣatāṃ nihantā vaco'bravītsamparigṛhya rājan //

pituḥ sakāśe tava tāta sarve vasanti pārthā viditaṃ tvayeti /
tānmāsma śaṃsīrnagaraṃ praviśya bhītaḥ praṇaśyetsa ca matsyarājaḥ //

mayā jitā sā dhvajinī kurūṇāṃ mayā hi gāvo vijitā dviṣadbhyaḥ /
evaṃ tu kāmaṃ nagaraṃ praviśya tvamātmanā karma kṛtaṃ bravīhi //
ra uvāca /

yatte kṛtaṃ karma na vāraṇīyaṃ tatkarma kartuṃ mama nāsti śaktiḥ /
na tvāṃ pravakṣyāmi pituḥ sakāśe yāvanna māṃ vakṣyasi savyasācin //
pāyana uvāca /

sa śatrusenāṃ tarasā vijitya ācchidya sarvaṃ tu dhanaṃ kurūṇām /
śmaśānamāgamya punaḥ śamīṃ tāmabhyetya tasthau śaravikṣatāṅgaḥ //

tataḥ sa vahnipratimo mahākapiḥ sahaiva bhūtairdivamutpapāta /
tathā ca māyā vihitā babhūva sā dhvajaṃ ca siṃhaṃ yuyuje rathe punaḥ //

nidhāya taccāyudhamājimardanaḥ kurūttamānāmiṣudhīndhvajāṃstathā /
prāyātsa mātsyo nagaraṃ praveṣṭuṃ kirīṭinā sārathinā mahātmā //

pārthaśca kṛtvā paramāryakarma nihatya śatrūndviṣatāṃ nihantā / vidhāya bhūyaśca tathaiva veṣaṃ jagrāha raśmīnpunaruttarasya /
bṛhannalārūpamatho vidhāya prāyātya mātsyo nagaraṃ praveṣṭum //
vaiśampāyana uvāca /

tato nivṛttāḥ kuravaḥ prabhagnāḥ śamamāsthitāḥ /
parasparamavekṣyaiva jagmuste hṛtavāsasaḥ //

panthānamupasangamya phalguno vākyamabravīt / rājaputra prapadyasva dhanānīmāni sarvaśaḥ /
gokulāni mahābāho vīragopālakaiḥ saha //

tato'parāhṇe yāsyāmo virāṭanagaraṃ prati / āśvāsya pāyayitvā ca pariplāvya ca vājinaḥ /

gacchantu tvaritaṃ dūtā gopālāḥ preṣitāstvayā /
nagare priyamākhyātuṃ ghoṣayantu ca te jayam //

uttarastvaramāṇo'tha dūtānājñāpayattataḥ /
vacanādarjunasyaiva hyācakṣadhvaṃ jayaṃ mama //

mayā jitā sā dhvajinī kuruṇaṃ mayā ca gāvo vijitā dviṣadbhyaḥ /
evaṃ tu kāmaṃ nagaraṃ praviśya mayā'tmanā karma kṛtaṃ bravīta //