Mahabharata · Chapter 4.6

te'gniṃ pradakṣiṇaṃ kṛtvā brāhmaṇaṃ ca purohitam /
abhivādya tataḥ sarve prasthātumupacakramuḥ // 1 //
yudhiṣṭhira uvāca /

anuśiṣṭosmi bhadraṃ te naitadvaktā'sti kaścana /
kuntīmṛte mātaraṃ naḥ pitaraṃ ca yaśasvinam // 2 //

yadevānantaraṃ kāryaṃ tadbhavānvaktumarhati /
tāraṇāya tu duḥkhasya prasthānāya bhavāya ca // 3 //
vaiśampāyana uvāca /

teṣāṃ pratiṣṭhamānānāṃ dhaumyo mantrānathājapat / sarvavighnapraśamanānarthasiddhikarāṃstathā /
tataḥ pāvakamuñjvālya mantrahavyapuruskṛtam // 4 //

yājñasenīṃ puraskṛtya sarva eva mahārathāḥ /
prādravansaha dhaumyena baddhaśastrā vanādvanam // 5 //

te vīrā baddhanistriṃśā dhanurbāṇakalāpinaḥ /
agacchanbhīmadhanvānaḥ kāmyakādyamunāṃ nadīm // 6 //

uttareṇa daśārṇānāṃ pāñcālāndakṣiṇena tu /
antareṇa yakṛllomnaḥ śūrasenāṃśca pāṇḍavāḥ // 7 //

te tasyā dakṣiṇaṃ tīramanvagacchanpadātayaḥ /
tataḥ pratyakprayātāste sankrāmanto vanādvanam // 8 //

vasānā vanadurgeṣu ramaṇīyeṣu dhanvinaḥ /
palvaleṣu ca ramyeṣu nadīnāṃ sangameṣu ca // 9 //

drumānnānāvidhākārānnānāvidhalatākulān /
kusumāḍhyānmanaḥkāntāñśubhagandhānmanoramān // 10 //

pārthā nirīkṣamāṇāśca tāndrumānpuṣpaśālinaḥ /
jighrantaḥ puṣpagandhāṃśca phalagandhānmanoramān // 11 //

vidhyanto mṛgajātāni mahepvāsā mahābalāḥ . upitvā dvādaśasamā vane parapurañjayāḥ /
lubdhānbruvāṇā mātsyasya vipayaṃ prāviśaṃstadā // 12 //

tatra dhaumyaṃ mahepvāsāḥ pāṇḍaveyā vyasarjayan /
agnihotraṃ paricaranso'buddho'vasadāśrame // 13 //

tatasteṣu prayāteṣu pāṇḍaveṣu mahātmasu / indrasenamukhāścaiva yathoktaṃ prāpya nirvṛtāḥ /
rathānaśvāṃśca rakṣantaḥ sukhamūṣuḥ susaṃvṛtāḥ // 14 //

tato janapadaṃ prāpya kṛṣṇā rājānamabravīt // 15 //

paśyaikapadyo dṛśyante kṣetre goṣṭhaṃ samāśritāḥ /
vṛkṣāṃścopavanopetāngrāmāṇāṃ nagarasya ca // 16 //

vyaktaṃ dūre virāṭama // .rājadhānī bhaviṣyati /
vasāmehāparāṃ rātriṃ balavānme pariśramaḥ // 17 //
yudhiṣṭhira uvāca /

imāṃ kamalapatrākṣīṃ draupadīṃ mādrinandana /
muhūrtaṃ parigṛhyaināṃ ghāhubhyāṃ nakula vraja // 18 //

tato'dūre virāṭasya nagaraṃ bharatarṣabha /
rājadhānyāṃ nivatsyāmaḥ pramuktamiva no vanam // 19 //
nakula uvāca /

pūrvāhṇe mṛgayāṃ kṛtvā mayā viddhā mṛgā vane /
aṭavī ca mayā dūraṃ dhṛtā mṛgavadhepsunā // 20 //

viṣamā hyatidurgā ca vegavatparidhāvatā /
sohaṃ dharmābhitapto vai naināmādātumutsahe // 21 //
yudhiṣṭhira uvāca /

sahadeva tvamādāya muhūrtaṃ draupadīṃ naya /
rājadhānyāṃ nivatsyāmaḥ sumuktamiva no vanam // 22 //
sahadeva uvāca /

ahamapyasmi tṛṣitaḥ kṣudhayā paripīḍitaḥ /
pariśrāntaśca bhadraṃ te naināmādātumutsahe // 23 //
yudhiṣṭhira uvāca /

ehi vīra viśālāśca vīrasiṃha ivārjuna /
imāṃ kamalapatrākṣīṃ draupadīṃ drupadātmajām // 24 //

parigṛhya muhūrtaṃ tvaṃ bāhubhyāṃ kuśalaṃ vraja /
rājadhānyāṃ nivatsyāmaḥ pramuktamiva no vanam // 25 //
vaiśampāyana uvāca /

gurorvacanamājñāya samprahṛṣṭo jitendriyaḥ / bāhubhyāṃ parigṛhyātha rājaputrīmaninditām /
pravavrāja mahābāhurarjunaḥ priyadarśanām // 26 //

jaṭilo valkaladharaḥ śatatūṇīdhanurdharaḥ / skandhe kṛtvā varārohāṃ bālāmāyatalocanām /

ānīya nagarābhyāśamavātārayadarjunaḥ // 27 //