Mahabharata · Chapter 3.93

ne tathā sahitā vīrā vasantastatratatra ha /
krameṇa pṛthivīpāla naimiṣāraṇyamāgatāḥ //

tatstīrtheṣu puṇyeṣu gomatyāḥ pāṇḍavā nṛpa /
kṛtābhiṣekāḥ pradadurgāśca vittaṃ ca bhārata //

tatra devānpitṝnviprāṃstarpayitvā punaḥpunaḥ /
kanyātīrthe'śvatīrthe ca gavāṃ tīrthe ca bhārata //

kālakoṭyāṃ vipaprasthe girāvuṣya ca kauravāḥ /
bāhudāyāṃ mahīpāla cakruḥ sarve'bhiṣecanam //

prayāge devayajane devānāṃ pṛthivīpate /
ūṣugaplutya gātrāṇi tapaścātasthuruttamam //

gaṅgāyamunayoścaiva sangame satyasangarāḥ /
vipāpmāno mahātmāno viprebhyaḥ pradadurvasu //

tapasvijanajuṣṭāṃ ca tato vedīṃ prajāpateḥ /
jagmuḥ pāṇḍusutā rājanbrāhmaṇaiḥ saha bhārata //

tatra te nyavasanvīrāstapaścātasthuruttamam /
santarpayantaḥ satataṃ vanyena haviṣā dvijān //

tato mahīdharaṃ jagmurdharmajñenābhisatkṛtam /
rājarṣiṇā puṇyakṛtā gayenānupamadyute //

nago gayaśiro yatra puṇyā caiva mahānadī /
vānīramālinī ramyā nadī pulinaśobhitā //

divyaṃ pavitrakūṭaṃ ca pavitradharaṇīdharam /
ṛṣijuṣṭaṃ supuṇyaṃ tattīrthaṃ brahmasarotulam //

agastyo bhagavānyatra gato vaivasvataṃ prati /
rauvāsa ca svayaṃ tatra dharmarājaḥ sanātanaḥ //

sarvāsāṃ saritāṃ caiva samudbhedo viśāmpate /
yatrasannihito nityaṃ mahādevaḥ pinākadhṛk //

paripūrṇaḥ parañjyotiḥ paramātmā sanātanaḥ /
brahmādibhirupāsyo'yaṃ bhagavānparameśvaraḥ //

taṃ praṇamya mahādevaṃ caturvargaphalapradam /
rasiddhikṣetramidaṃ matvāsarveṣāmmokṣakāṅkṣiṇām //

tatra te pāṇḍavā vīrāścāturmāsyaistadejire / ṛṣiyajñena mahatā yatrākṣayavaṭo mahān /
akṣaye devayajane akṣayaṃ yatravai phalam //

ye tu tatropavāsāṃstu cakrurniścitamānasāḥ /
brāhmaṇāstatraśataśaḥ samājagmustapodhanāḥ //

cāturmāsyenāyajanta ārṣeṇa vidhinā tadā / tatra vidyātapovṛddhā brāhmaṇā vedapāragāḥ /
kathāṃ pracakrire puṇyāṃ sadasisthā mahātmanām //

tatra vidyāvratasnātaḥ kaumāraṃ vratamāsthitaḥ /
śamaṭho'kathayadrājannādhūrtarajasaṃ gayam //
śamaṭha uvāca /

ādhūrtarajasaḥ putro gayo rājarṣisattamaḥ /
puṇyāni tasya karmāṇi tāni me śṛṇu bhārata //

yasya yajño babhūveha bahvanno bahudakṣiṇaḥ /
yatrānnaparvatā rājañśataśo'tha sahasraśaḥ //

ghṛtakulyāśca dadhnaśca nadyo bahuśatāstathā /
vyañ़janānāṃ pravāhāśca mahārhāṇāṃ sahasraśaḥ //

ahanyahani cāpyevaṃ yācatāṃ sampradīyate /
anye ca brāhmaṇā rājanbhuñjate'nnaṃ susaṃskṛtam //

tatra vai dakṣiṇākāle brahmaghoṣo divaṃ gataḥ /
na ca prajñāyate kiñcidbrahmaśabdena bhārata //

puṇyena caratā rājanbhūrdiśaḥ khaṃ nabhastathā /
āpūrṇamāsīcchabdena tadapyāsīnmahādbhutam //

yatrasma gāthā gāyanti manuṣyā maratarṣabha /
annapānaiḥ śubhaistṛptā deśe deśe suvarcasaḥ //

gayasya yajñe ke tvadya prāṇino bhoktumīpsavaḥ /
tatra bhojanaśiṣṭasya parvatāḥ pañcaviṃśatiḥ //

na tatpūrve janāścakrurna kariṣyanti cāpare /
gayo yadakarodyajñe rājarṣiramitadyutiḥ //

kathaṃ tu devā haviṣā gayena paritarpitāḥ /
puna śakṣyantyupādātumanyairdattāni kānicit //

sikatā vā yathā loke yathā vā divi tārakāḥ / yathā vā varṣatodhārā asaṃkhyeyāḥ sma kenacit /
tathā gaṇayituṃ śakyā gayayajñe na dakṣiṇāḥ //

evaṃvidhāḥ subahavastasya yajñā mahīpateḥ / babhūvurasya sarasaḥ samīpe kurunandana //