Mahabharata · Chapter 3.82

tato gacchenmahārāja dharmatīrthamanuttamam /
[yatra dharmo mahābhāgastaptavānuttamaṃ tapaḥ //
tena tīrthaṃ kṛtampuṇyaṃ svena nāmnā ca viśrutam // ]

tatrasnātvā naro rājandharmaśīla samāhitaḥ /
āsaptamaṃ kulaṃ caiva punīte nātra saṃśayaḥ //

tato gaccheta rājendra jñānapāvanamuttamam /
agniṣṭomamavāpnoti munilokaṃ ca gacchati //

saugandhikavanaṃ rājaṃstato gaccheta mānavaḥ /
tatrabrahmādayo devā ṛṣayaśca tapodhanāḥ //

siddhacāraṇagandharvāḥ kinnarāśca mahoragāḥ /
katadvanaṃ praviśanneva sarvapāpaiḥ pramucyate //

tataścāpi saricacchreṣṭhā nadīnāmuttamā nadī /
plakṣā devī smṛtā rājanpuṇyā devī sarasvatī //

tatrābhiṣekaṃ kurvīta valmīkānniḥ sṛtejale /
arcayitvā pitṝndevānaśvamedhaphalaṃ labhet //

kaverādhyuṣitaṃ nāma tatra tīrthaṃ sudurlabham /
paṭsu śamyānipāteṣu valmīkāditi niścayaḥ //

kapilānāṃ sahasraṃ ca vājimedhaṃ ca vindati /
tatra snātvā naravyāghra dṛṣṭametatpurātane //

sugandhāṃ śatakumbhāṃ ca pañcayakṣāṃ ca bhārata /
abhigamya naraśreṣṭha svargaloke mahīyate //

triśūlakhātaṃ tatraiva tīrthamāsādya bhārata / tatrābhiṣekaṃ kurvīta pitṛdevārcane rataḥ /
gāṇapatyaṃ ca labhate dehaṃ tyaktvā na saṃśayaḥ //

tato gaccheta rājendra devyāḥ sthānaṃ sudurlabham /
śākambharīti vikhyātā triṣu lokeṣu viśrutā //

divyaṃ varṣasahasraṃ hi śākena kila suvratā /
āhāraṃ sā kṛtavatī māsimāsi narādhipa //

ṛṣayo'bhyāgatāstatradevyā bhaktyā tapodhanāḥ / ātithyaṃ ca kṛtaṃ teṣāṃ śākena kila bhārata /
tataḥ śākambharītyeva nāma tasyāḥ pratiṣṭhitam //

śākambharīṃ samāsādya brahmacārī samāhitaḥ /
trirātramuṣitaḥ śākaṃ bhakṣayitvā naraḥ śuciḥ //

śākāhārasya yatkiñcidvarṣairdvādaśabhiḥ kṛtam /
tatphalaṃ tasya bhavati devyāśchandena bhārata //

tato gacchetsuvarṇākhyaṃ triṣu lokeṣu viśrutam /
tatra viṣṇuḥ prasādārthaṃ rudrakamārādhayatpurā //

varāṃśca subarhūllebhe daivateṣu sudurlabhān /
uktaśca tripuraghnena parituṣṭena bhārata //

apica tvaṃ priyataro loke kṛṣṇa bhaviṣyasi /
tvanmukhaṃ ca jagatsarvaṃ bhaviṣti na saṃśayaḥ //

tatrābhigamya rājendra pūjayitvā vṛṣadhvajam /
aśvamedhamavāpnoti gāṇapatyaṃ ca vindati //

dhūmāvatīṃ tato gacchetrirātropoṣito naraḥ /
manasā prārthitānkārmāllabhate nātra saṃśayaḥ //

devyāstu dakṣiṇārdhena rathāvarto narādhipa / tatrāroheta dharmajña śraddadhāno jitendriyaḥ /
mahādevaprasādāddhi gaccheta paramāṃ gatim //

pradakṣiṇamupāvṛtya gaccheta bharatarṣabha /
dhārāṃ nāma mahāprātra sarvapāpapramocanīm //

tatra snātvā naravyāghra na śocati narādhipa /
tato gaccheta dharmajña namaskṛt mahāgirim //

aśītiyojanaśataṃ puṣkaraṃ svargamucyate /
aśītiṃ dharmapṛṣṭhāttu pravadanti manīṣiṇaḥ //

ṣaṣṭiṃ prayāgādrājendra kurukṣetrāttu dvādaśa /
saṃyuktameva rājendra gaṅgādvāraṃ triviṣṭapam //

svargadvāreṇa yattulyaṃ gaṅgādvāraṃ na saṃśayaḥ /
tatrābhiṣekaṃ kurvīta koṭitīrthe samāhitaḥ //

pauṇḍarīkamavāpnoti kulaṃ caiva samuddharet /
uṣyaikāṃ rajanīṃ tatra gosahasraphalaṃ labhet //

saptagaṅge trigaṅge ca śakrāvarte ca tarpayan /
devānpitṝṃśca vidhivatpuṇye loke mahīyate //

tataḥ kanasvale snātvā trirātropoṣito naraḥ /
aśvamedhamavāpnoti svargalokaṃ ca gacchati //

kapilāvaṭaṃ tato gacchettīrthasevī narādhipa /
upoṣya rajanīṃ tatra gosahasraphalaṃ labhet //

nāgarājasya rājendra kapilasya mahātmanaḥ /
tīrthaṃ kuruvaraśreṣṭha sarvalokeṣu viśrutam //

tatrābhiṣekaṃ kurvīta nāgatīrthe narādhipa /
kapilānāṃ sahasrasya phalaṃ vindati mānavaḥ //

tato lalitakaṃ gacchecchantanostīrthamuttamam /
tatra snātvā naro rājanna durgatimavāpnuyāt //

gaṅgāyamunayormadhye snāti yaḥ sangame naraḥ /
daśāśvamedhānāpnoti kulaṃ caiva samuddharet //

tato gaccheta rājendra sugandhaṃ lokavithutam /
sarvapāpaviśuddhātmā brahmaloke mahīyate //

rudrāvartaṃ tato gacchettīrthasevī narādhipa /
tatrasnātvā naro rājansvargaloke ca gacchati //

gaṅgāyāśca naraśreṣṭha sarasvatyāśca sangame /
snātvā'śvamedhaṃ prāpnoti svargalokaṃ ca gacchati //

bhadrakarṇaeśvaraṃ gatvā devamarcya yathāvidhi /
na durgatimavāpnoti nākapṛṣṭhe ca pūjyate //

tata kubjāvatīṃ gacchettīrthasevī narādhipa /
ragosahasramavāpnoti svargalokaṃ ca nacchati //

arundhatīvaṭaṃ gacchettīrthasevī narādhipa /
sāmudrakamupaspṛśya brahmacārī samāhitaḥ //

aśvamedhamavāpnoti trirātropoṣito naraḥ /
gosahasraphalaṃ vidyātkulaṃ caiva samuddharet //

kabrhamāvartaṃ tato gacchedbrahmacārī samāhitaḥ /
aśvamedhamavāpnoti somalokaṃ ca gacchati //

yamunāprabhavaṃ gatvā samupaspṛśya yāmunam /
aśvamedhaphaṃla labdhvā svargaloke mahīyate //

darvīsankramaṇaṃ prāpya tīrthaṃ trailokyapūjitam /
aśvamedhamavāpnoti svargalokaṃ ca gacchati //

sindhośca prabhavaṃ gatvā siddhagandharvasevitam /
tatroṣya rajanīḥ pañca vindedbahu suvarṇakam //

atha vedīṃ samāsādya naraḥ paramadurgamām /
aśvamedhamavāpnoti gacchedauśanasīṃ gatim //

ṛṣikulyāṃ samāsādya vāsiṣṭhaṃ caivabhārata /
vāsiṣṭhīṃ samatikramya sarve varṇā dvijātayaḥ //

ṛṣikulyāṃ samāsādya naraḥ snātvā vikalmaṣaḥ /
devānpitṝṃścārcayitvā ṛṣilokaṃ prapadyate //

yadi tatravasenmāsaṃ śākāhāro narādhipa /
dvādaśāhasya yajñasya phalaṃ sa labhate naraḥ //

bhṛgutuṅgaṃ samāsādya vājimedhaphalaṃ labhet /
gatvā vīrapramokṣaṃ ca sarvapāpaiḥ pramucyate //

kṛttikāmaghayoścaiva tīrthamāsādya bhārata /
agniṣṭomātirātrābhyāṃ phalamāpnoti mānavaḥ //

tatra sandhyāṃ samāsādya vidyātīrthamanuttamam /
upaspṛśya ca vai vidyāṃ yatra tatropapadyate //

mahāśrame vasedrātriṃ sarvapāpapramocane /
ekakālaṃ nirāhāro lokānāvasate śubhān //

ṣaṣṭhākālopavāsena māsamuṣya mahālaye / sarvapāpaviśuddātmā vindedbahu suvarṇakam /
daśāparāndaśapūrvānnarānuddharate kulam //

atha vetasikāṃ gatvā pitāmahaniṣevitām /
aśvamedhamavāpnoti gacchedauśanasīṃ gatim //

atha sundarikātīrthaṃ prāpya siddhaniṣevitam /
rūpasya bhāgī bhavati dṛṣṭametatpurātanaiḥ //

tato vai brāhmaṇaṃ gatvā brahmacārī jitendriyaḥ /
padmavarṇena yānena brahmalokaṃ prapadyate //

tatastu naimiṣaṃ gacchetpuṇyaṃ siddhaniṣevitam /
tatra nityaṃ nivasati brahmā devagaṇaiḥ saha //

naimiṣaṃ mṛgayāṇas pāpasyārdhaṃ praṇaśyati /
praviṣṭamātrastu naraḥ sarvapāpaiḥ pramucyate //

tatra māsaṃ vaseddhīro naimiṣe tīrthatatparaḥ /
pṛthivyāṃ yāni tīrthāni tāni tīrthāni naimmiṣe //

kṛtābhiṣekastatraiva niyato niyatāśanaḥ / gavāṃ medhasya yajñasya phalaṃ prāpnoti bhārata /
punātyāsaptamaṃ caiva kulaṃ bharatasattama //

yastyajennaimiṣe prāṇānupavāsaparāyaṇaḥ /
sa modetsarvalokeṣu evamāhurmanīṣiṇaḥ //

nityaṃ medhyaṃ ca puṇyaṃ ca naimiṣaṃ nṛpasattama //

gaṅgodbhedaṃ samāsādya trirātropoṣito naraḥ /
vājapeyamavāpnoti brahmabhūto bhavetsadā //

sarasvatīṃ samāsādya tarpayetpitṛdevatāḥ /
sārasvateṣu lokeṣu modate nātra saṃśayaḥ //

tataśca bāhudāṃ gacchedbrahmacārī samāhitaḥ / tatroṣya rajanīmekāṃ svargaloke mahīyate /
devasatrasya yajñasya phalamprāpnoti kaurava //

tataḥ kṣīravatīṃ gacchetpuṇyāṃ puṇyatarairvṛtām /
pitṛdevārcanaparo vājapeyamavāpnuyāt //

vimalāśokamāsādya brhamacārī samāhitaḥ /
tatroṣya rajanīmekāṃ svargaloke mahīyate //

gopratāraṃ tato gacchetsarayvāstīrthamuttamam / yatra rāmo gataḥ svargaṃ sabhṛtyabalavāhanaḥ /
dehaṃ tyaktvā mahārāja tasya tīrthasya tejasā //

rāmasya ca prasādena vyavasāyācca bhārata / tasmiṃstīrthe naraḥ snātvā gopratāre narādhipa /
sarvapāpaviśuddhātmā svargaloke mahīyate //

rāmatīrthe naraḥ snātvā gomatyāṃ kurunandana /
aśvamedhamavāpnoti punāti ca kulaṃ naraḥ //

śatasāhasrakaṃ tīrthaṃ tatraiva bharatarṣabha //

tatropasparśanaṃ kṛtvā niyato niyatāśanaḥ /
gosahasraphalaṃ puṇyaṃ prāpnoti bharatarṣabha //

ratato gaccheta rājenad्ra bhartṛsthānamanuttamam /
aśvamedhasya yajñasya phalaṃ prāpnoti mānavaḥ //

koṭitīrthe naraḥ snātvā arcayitvā guhaṃ nṛpa /
gosahasraphaṃla vidyāttejasvī ca bhavennaraḥ //

tato vārāṇasīṃ gatvā arcayitvā nṛṣadhvajam /
kapilāhrade naraḥ snātvārājasūyamavāpnuyāt //

avimuktaṃ samāsādya tīrthasevī kurūdvaha /
darśanāddevadevasya mucyate brahmahatyayā //

prāṇānutsṛjyatatraiva mokṣaṃ prāpnoti mānavaḥ /
mārkaṇḍeyasya rājendra tīrthamāsādya durlabham //

gomatīgaṅgayoścaiva sangame lokaviśrute /
agniṣṭomamavāpnoti kulaṃ caiva samuddharet //

tato gayāṃ samāsādya brahmacārī samāhitaḥ /
aśvamedhamavāpnoti kulaṃ caiva samuddharet //

tatrākṣayavaṭo nāma triṣu lokeṣu viśrutaḥ /
tatra dattaṃ pitṛbhyastu bhavatyakṣayamucyate //

mahānadyāmupaspṛśya tarpayetpitṛdevatāḥ /
akṣayānprāpnuyāllokānkulaṃ caiva samuddharet //

tato brahmasaro gatvā dharmāraṇyopaśobhitam /
brahmalokamavāpnoti prabhātāmeva śarvarīm //

brahmaṇā tatra sarasi yūpaśreṣṭhaḥ samucchritaḥ /
yūpaṃ pradakṣiṇīkṛtya vājapeyaphalaṃ labhet //

tato gaccheta rājendra dhenukaṃ lokaviśrutam /
ekarātroṣito rājanprayacchettiladhenukām //

sarvapāpaviśuddhātmā somalokaṃ brajedbhuvam /
tatra cihniṃ mahadrājannadyāpi sumahadbhṛśam //

kapilāyāḥ savatsāyāścarantyāḥ parvate kṛtam /
savatsāyāḥ padāni sma dṛśyante'dyāpi bhārata //

teṣūpaspṛśya rājendrapadeṣu nṛpasattama /
yatkañcidaśubhaṃ karma tatpraṇaśyati bhārata //

tato gṛdhravaṭaṃ gacchetsthānaṃ devasya dhīmataḥ /
snāyīta bhasmanā tatra abhigamya vṛṣadhvajam //

brāhmaṇena bhaveccīrṇaṃ vrataṃ dvādaśavārṣikam /
itareṣāṃ tu varṇānāṃ sarvapāpaṃ praṇaśyati //

udyantaṃ ca tato gacchetparvataṃ gītanāditam /
sāvitryāstu padaṃ tatra dṛśyate bharatarṣabha //

tatrasandhyāmupāsīta brāhmaṇaḥ saṃśitavrataḥ /
upāsitā bhavetsandhyā tena dvādaśavārṣikī //

yonidvāraṃ ca tatraiva viśrutaṃ bharatarṣabha /
tatrābhigamya mucyeta puruṣo yonisankarāt //

kṛṣṇaśuklāvubhau pakṣau gayāyāṃ yo vasennaraḥ /
punātyāsaptamaṃ rājankulaṃ nāstyatra saṃśayaḥ //

eṣṭavyā bahavaḥ putrā yadyekopi gayāṃ vrajet /
gaurīṃ vā varayetkanyāṃ nīlaṃ vā vṛṣamutsṛjet //

tataḥ phalguṃ vrajedrājaṃstīrthasevī narādhipa /
aśvamedhamavāpnoti siddhiṃ ca mahatīṃ vrajet //

tato gaccheta rājendra dharmaprasthaṃ samāhitaḥ /
tatra dharmo mahārāja nityamāste yudhiṣṭhira //

tatra kūpodakaṃ kṛtvā tena snātaḥ śucistathā /
pitṝndevāṃstu santarpya muktapāpo divaṃ vrajet //

mataṅgasyāśramastatramaharṣerbhāvitātmanaḥ //

taṃ praviśyāśramaṃ śrīmacchramaśokavināśanam /
gavāmayanayajñasya phalamprāpnoti mānavaḥ //

dharmaṃ tatrābhisaṃspṛśya vājimedhamavāpnuyāt //

tato gaccheta rājendra brahmasthānamanuttamam / tatrābhigamya rājendra brahmāṇaṃ puruṣarṣabha /
rājasūyāśvamedhābhyāṃ phalaṃ vindati mānavaḥ //

tato rājagṛhaṃ gacchettīrthasevī narādhipa /
upaspṛśya tatastatrakakṣīvāniva modate //

yakṣiṇyā naityakaṃ tatra prāśnīna puruṣaḥ śuciḥ /
yakṣiṇyāstu prasādena mucyate brhamahatyayā //

maṇaināgaṃ tato gatvā gosahasraphalaṃ labhet //

tairthikaṃ bhuñjate yastu maṇināgas bhārata /
daṣṭasyāśīviṣeṇāpi na tasya kramate vipam //

tatroṣ rajanībhekāṃ gosahasraphaṃla labhet /
tato gaccheta brahmarpergautamasya vanaṃ priyam //

ahalyāyā hrade snātvā vrajeta paramāṃ gatim /
abhigamyāśramaṃ rājanvinadte śriyamātmanaḥ //

tatrodapānaṃ dharmajña tripu lokeṣu viśrutam /
tatrābhiṣekaṃ kṛtvā tu vājimedhamavāpnuyāt //

janakas tu rājarṣeḥ kūpastridaśapūjitaḥ /
tatrābhiṣekaṃ kṛtvā tu viṣṇulokamavāpnuyāt //

tato vinaśanaṃ gacchetsarvapāpapramocanam /
vājapeyamavāpnoti somalokaṃ ca gacchati //

gaṇḍakīṃ tu samāsādya sarvatīrthajalodbhavām /
vājapeyamavāpnoti sūryalokaṃ ca gacchati //

katato viśalyāmāsādya nadīṃ trailokyaviśrutām /
agniṣṭomamavāpnoti svargalokaṃ ca gacchati //

tato'dhivaṅgaṃ dharmajña samāviśya tato vanam /
guhyakeṣu mahārāja modate nātra saṃśayaḥ //

kampanāṃ tu samāsadya nadīṃ siddhaniveṣitām /
puṇḍarīkamavāpnoti svargalokaṃ ca gacchati //

atha māheśvarīṃ dhārāṃ samāsādya dharādhipa /
aśvamedhamavāpnoti kulaṃ caiva samuddharet //

divaukasāṃ puṣkariṇīṃ samāsādya narādhipa /
na durgatimavāpnoti vājimedhaṃ ca vindati //

atha somapadaṃ gacchedbrahmacārī samāhitaḥ /
māheśvarapade snātvā vājimedhaphalaṃ labhet //

tatrakoṭī tu tīrthānāṃ viśrutā bharatarṣabha /
kūrmarūpeṇa rājendra hyasureṇa durātmanā //

hriyamāṇā hṛtā rājanviṣṇunā prabhaviṣṇunā /
tatrābhiṣekaṃ kurvīta tīrthakoṭyāṃ yudhiṣṭhira //

puṇḍarīkamavāpnoti viṣṇulokaṃ ca gacchati /
tato gaccheta rājendrasthānaṃ nārāyaṇasya ca //

sadā sannihito yatraviṣṇurvasati bhārata /
yatrabrahmādayo devā ṛṣayaśca tapodhanāḥ //

ādityā vasavo rudrā janārdanamupāsate /
śālagrāma iti khyāto viṣṇuradbhutakarmakaḥ //

abhigamya trilokeśaṃ varadaṃ viṣṇumavyayam /
aśvamedhamavāpnoti viṣṇulokaṃ ca gacchati //

tatropadānaṃ dharmajña sarvapāpapramocanam / samudrāstatracatvāraḥ kūpe sannihitāḥ sadā /
tatropaspṛś rājendra na durgatimavāpnuyāt //

abhigamya trilokeśaṃ varadaṃ viṣṇumavyayam /
virājati yathāsomo meghairmukto narādhipa //

jātismaramupaspṛśya śuciḥ prayatamānasaḥ /
jātismaratvamāpnoti snātvā tatra na saṃśayaḥ //

vadeśvarapuraṃ gatvā arcayitvā tu keśavam /
īpsitām̐llabhate kāmānupavāsānna saṃśayaḥ //

tatastu vāmanaṃ gatvā sarvapāpapramocanam /
abhigamya hariṃ devaṃ na durgatimavāpnuyāt //

bharatasyāśramaṃ gacchetsarvapāpapramocanam //

kauśikīṃ tatra gaccheta mahāpāpapraṇāśinīm /
rājasūyasya yajñasya phalaṃ prāpnoti mānavaḥ //

tato gaccheta rājendra campakāraṇyamuttamam /
tatroṣya rajanīmekāṃ gosahasraphalaṃ labhet //

atha jeṣṭhilamāsādya tīrdhaṃ paramadurlabham /
tatroṣya rajanīmekāṃ gosahasraphalaṃ labhet //

tatra viśveśvaraṃ dṛṣṭvā devyā saha mahādyutim / mitrāvaruṇayorlokānāpnoti puruṣarṣabha /
trirātropoṣitastatraagniṣṭomaphalaṃ labhet //

kanyāsaṃvedyamāsādya niyato nayitāśanaḥ /
manoḥ prajāpaterlokānāpnoti puruṣarṣabha //

kanyāyāṃ ye prayacchanti dānamaṇvapi bhārata /
tadakṣayyamiti prāhurṛṣayaḥ saṃśitavratāḥ //

tato nirvīramāsādya tripu lokepu viśrutam /
aśvamedhamavāpnoti viṣṇulokaṃ ca gacchati //

ye tvindhanaṃ prayacchanti nirvīrāsangame narāḥ /
te yānti naraśārdūla śakralokamanāmayam //

tatrāśramo vasiṣṭhas triṣu lokeṣu viśrutaḥ /
tatrābhiṣekaṃ kurvāṇo vājapeyamavāpnuyāt //

devakūṭaṃ samāsādya brahmarṣigaṇasevitam /
aśvamedhamavāpnoti kulaṃ caiva samuddharet //

tato gaccheta rājendra kauśikasya munerhradam /
yatra siddhiṃ parāṃ prāpto viśvāmitrotha kauśikaḥ //

tatra māsaṃ vasedvīra kauśikyāṃ bharatarṣabha /
aśvamedhasya yatpuṇyaṃ tanmāsenādhigacchati //

sarvatīrthavare caiva yo vaseta mahāhrade /
na durgatimavāpnoti vindyādbahu suvarṇakam //

kumāramabhigamyātha vīrāśramanivāsinam /
aśvamedhamavāpnoti naro nāstyatra saṃśayaḥ //

agnidhārāṃ samāsādya triṣu lokeṣu viśrutām /
tatrābhiṣekaṃ kurvāṇo hyagniṣṭomamavāpnuyāt //

abhigamya mahādevaṃ varadaṃ viṣṇumavyayam / pitāmahasaro gatvā śailarājasamīpataḥ /
tatrābhiṣekaṃ kurvāṇo hyagniṣṭomamavāpnuyāt //

pitāmahasya sarasaḥ prasrutā lokapāvanī /
kumāradhārā tatraiva triṣu lokeṣu viśrutā //

yatrasnātvā kṛtārthosmītyātmānamavagacchati /
ṣaṣṭhakālopavāsena mucyate brahmahatyayā //

tato gaccheta dharmajña tīrthasevanatatparaḥ /
śikharaṃ vai mahādevyā gauryāstrailokyaviśrutam //

samāruhya naraśreṣṭha stanakuṇḍeṣu saṃviśet /
stanakuṇḍamupaspṛśya vājapeyaphalaṃ labhet //

tatrābhiṣekaṃ kurvāṇaḥ pitṛdevārcane rataḥ /
hayamedhamavāpnoti śakralokaṃ ca gacchati //

tāmrāruṇaṃ samāsādya brahmacārī samāhitaḥ /
aśvamemavāpnoti brahmalokaṃ ca gacchati //

nandinyāṃ ca samāsādya kūpaṃ devaniṣevitam /
naramedhas yatpuṇyaṃ tadāptoti narādhipa //

kālikāsangame snātvā kauśikyaruṇayorgataḥ /
trirātropoṣito rājansarvapāpaiḥ pramucyate //

urvaśītīrthamāsādya tataḥ somāśramaṃ budhaḥ /
kumbhakarṇāśramaṃ gatvā pūjyate bhuvimānavaḥ //

kokāmukhamupaspṛś brahmacārī yatavrataḥ /
jātismaratvamāpnoti dṛṣṭametatpurātanaiḥ //

prāṅgadīṃ ca samāsādya kṛtātmā bhavati dvijaḥ /
sarvapāpaviśuddhātmā śakralokaṃ ca gacchati //

ṛṣabhadvīpamāsādya medhyaṃ krauñcaniṣūdanam /
sarasvatyāmupaspṛśya vimānastho virājate //

auddālakaṃ mahārāja tīrthaṃ muniniṣevitam /
tatrābhiṣekaṃ kṛtvā vai sarvapāpaiḥ pramucyate //

dharmatīrthaṃ samāsādya puṇyaṃ brahmarṣisevitam /
vājapeyamavāpnoti vimānasthaśca pūjyate //

atha pampāṃ samāsādya bhāgīrathyāṃ kṛtodakaḥ /
daṇḍārtamabhigatvā tu gosahasraphalaṃ labhet //

tato levalikāṃ gacchetpuṇyāṃ puṇyopasevitām / vājapeyamavāpnoti vimānasthaśca pūjyate //