Mahabharata · Chapter 3.70

sa nadīḥ parvatāṃścaiva vanāni ca sarāṃsi ca /
acireṇāticakrāma svecaraḥ khe caranniva //

tathā prayāte tu rathe tadā bhāgasvarirnṛpaḥ /
uttarīyamadhopaśyaddhaṣṭaṃ parapurañjayaḥ //

tataḥ sa tvaramāṇastu paṭe nipatite tadā /
grahīṣyāmīti taṃ rājā nalamāha mahāmanāḥ //

nigṛhṇīṣva mahābuddhe hayānetānmahājavān /
vārṣṇeyo yāvadenaṃ me paṭamānayatāmiha //

nalastaṃ pratyuvācātha dūre bhraṣṭaḥ paṭastava /
yojanaṃ samatikrānto nāhartuṃ śakyate punaḥ //

evamukte nalenātha nātiprītamanā nṛpaḥ /
āsasāda vane rājanphalavantaṃ bibhītakam //

taṃ dṛṣṭvā bāhukaṃ rājā tvaramāṇo'bhyabhāpata /
mamāpi sūta paśya tvaṃ saṃkhyāne paramaṃ balam //

sarvaḥ sarvaṃ na jānāti sarvajño nāsti kaścana /
naikatra pariniṣṭhā'sti jñānasya puruṣe kvacit //

vṛkṣe'sminyāni parṇāni phalāmekaṃ ca bāhuka /
patitānyapi yānyatratatraikamadhikaṃ kṛtam //

evapatrādhikaṃ cātra phalamekaṃ ca bāhuka / phalakoṭyapi patrāṇāṃ dvayorapi ca śākhayoḥ /
pravakṣyāmi phalānyatra yāni saṃkhyāsyate bhavān //

pracinuhyasya śākhe dve yāścāpyanyāḥ praśākhikāḥ /
ābhyāṃ phalasahasre dve pañconaṃ śatameva ca //

tato rathādavaplutya rājānaṃ bāhuko'bravīt /
parokṣamiva me rājankatthase śatrukarśana //

pratyakṣametatkartā'smi śātayitvā vibhītakam /
atha te gaṇite rājandvijāmāmyaparokṣatām //

pratyakṣaṃ te mahārāj gaṇayiṣye vibhītakam /
ahaṃ hi nābhijānāmi bhavedeva naveti vā //

saṃkhyāsyāmi phalānyasya paśaytaste janādhipa /
muhūrtamapi vārṣṇeyo raśmīnyacchatu vājinām //

tamabravīnnṛpaḥ sūtaṃ nāyaṃ kālo vilambitum /
bāhukastvabravīdenaṃ paraṃ yatnaṃ samāsthitaḥ //

pratīkṣasva muhūrtaṃ tvamathavā tvarate bhavān /
eṣa yāti śivaḥ panthā yāhi vārṣṇeyasārathiḥ //

abravīdṛtuparṇastaṃ sāntvayankurunandana /
tvabheva yantā nānyosti pṛthivyāmapi bāhuka //

tvatkṛteyātumicchāmi vidarbhānhayakovida /
śaraṇaṃ tvāmprapannosmi na vighnaṃ kartumarhasi //

kāmaṃ ca te kariṣyāmi yanmāṃ vakṣyasi bāhuka / vidarbhānyadi yātvā'dya sūryaṃ darśayitāsi me /

athābravīdbāhukastaṃ saṃkhyāyaca bibhītakam /
tato vidarbhānyāsyāmi kuruṣvaivaṃ vaco mama //

akāma iva taṃ rājā gaṇayasvetyuvāca ha /
ekadeśaṃ ca śākhāyāḥ samādiṣṭaṃ mayā'nagha //

gaṇayasvāśvatatvajña tatastvamprītimāvaha /
so'vatīrya rathāttūrṇaṃ śātayāmāsa taṃ drumam //

tataḥ sa vismayāviṣṭo rājānamidamabravīt /
gaṇayitvāyathoktāni tāvantyeva phalāni tu //

atyudbhutamidaṃ rājandṛṣṭavānasmi te balam /
śrotumicchāmi tāṃ vidyāṃ yayaitajjñāyate nṛpa //

tamuvāca tato rājā tvarito gamane nṛpa /
viddhyakṣahṛdayajñaṃ māṃ saṃkhyāne ca viśāradam //

bāhukastamuvācātha dehi vidyādvayaṃ ca me /
matto'pi cāśvahṛdayaṃ gṛhāṇa puruparpabha //

ṛtuparṇastato rājā bāhukaṃ kāryagauravāt /
hayajñānasya lobhāc taṃ tathetyabravīdvacaḥ //

yathoktaṃ tvaṃ gṛhāṇedamakṣāṇāṃ hṛdayaṃ param / nikṣepo me'śvahṛdayaṃ tvayi tiṣṭhatu bāhuka /
evamuktvā dadau vidyāmṛtuparṇo nalāya vai //

tasyākṣahṛdayajñasya śarīrānniḥsṛtaḥ kaliḥ / karkoṭakaviṣaṃ tīkṣṇaṃ mukhātsatatamudvaman /
kalestasya tadārtasya śāpāgniḥ sa viniḥsṛtaḥ //

sātena karśito rājādīrghakālamanātmavān //

taṃ bhrāmtarūpaṃ niḥśobhaṃ sankliṣṭamakarotkaliḥ / tato viṣavimuktātmā svaṃrūpamakarotkaliḥ /
taṃ śaptumaicchatkupito niṣadhādhipatirnalaḥ //

tato viṣavimuktātmā svaṃrūpamakarotkaliḥ /
taṃ śaptumaicchatkupito niṣadhādhipatirnalaḥ //

tamuvāca kalirbhīto vepamānaḥ kṛtāñjaliḥ /
kopaṃ saṃyaccha nṛpate kīrtiṃ dāsyāmi te parām //

indrasenasya jananī kupitā mā'śapatpurā /
yadā tvayā parityaktā tato'haṃ bhṛśapīḍitaḥ //

avasaṃ tvayi rājendra suduḥkhabhaparājita /
viṣeṇa nāgarājasya dahyamāno divāniśam //

śaraṇaṃ tvāṃ prapannosmi śṛṇu cedaṃ vaco mama / ye ca tvāṃ manujā loke kīrtayiṣyantyatandritāḥ /
matpratsūtaṃ bhayaṃ teṣāṃ na kadācidbhaviṣyati //

na teṣāṃ mānasaṃ kiñcicchārīraṃ vācikaṃ tathā / bhaviṣyati mahārāja kīrtayiṣyanti ye nalam /
bhayārtaṃ śaraṇaṃ yātaṃ yadi māṃ tvaṃ na śapsyase //

evamukto nalo rājā nyayacchatkopamātmanaḥ / tato bītaḥ kaliḥ kṣipraṃ praviveśa vibhītakam /
kalistvanyena no dṛṣṭaḥ kathayannaiṣadhena vai //

tato gatatvaro rājā naiṣadhaḥ paravīrahā /
sampranaṣṭe kalau rājā saṃkhyāyāsya phalānyuta //

mudā paramayā yuktastejasā'tha pareṇa vai /
rathamāruhya tejasvī prayayau javanairhayaiḥ //

bibhītakaścāpraśastaḥ saṃvṛttaḥ kalisaṃśrayāt /
tataḥ prabhṛtirājendra loke'sminpāṇḍunandana //

hayottabhānutpatato dvijāniva punaḥ punaḥ /
nalaḥ sañcodayāmāsa prahṛṣṭenāntarātmanā //

vidarbhābhimukho rājā prayayau sa mahāyaśāḥ /
nale tu samatikrānte kalirapyagamadgṛham //

tato gatajvaro rājā nalo'bhūtpṛthivīpatiḥ / vimuktaḥ kalinā rājanrūpamātraviyojitaḥ //