Mahabharata · Chapter 3.47

yadidaṃ śocitaṃ rājñā dhṛtarāṣṭreṇa vai mune /
pravrājyapāṇḍavānvīrānsarvametannirrathakam //

kathaṃ ca rājaputraṃ tamupekṣetālpacetasam /
duryodhanaṃ pāṇḍuputrānkopayānaṃ mahārathān //

kimāsītpāṇḍuputrāṇāṃ vane bhojanamucyatām /
vanyaṃ vā'pyavā kṛṣṭametadākhyātu no bhavān //
vaiṃśampāyana uvāca /

vāneyaṃ ca mṛgāṃścaiva śuddhairbāṇairnipātitān /
brāhmaṇānāṃ nivedyāgramabhuñjatā mahārathāḥ //

tāṃstu śūrānmaheṣvāsāṃstadā nivasato vane /
anvayurbrāhmaṇā rājansāgnayo'nagnayastathā //

brāhmaṇānāṃ sahasrāṇi snātakānāṃ mahātmanām /
daśa mokṣavidāṃ tadvadyānbibharti yudhiṣṭhiraḥ //

rurūnkṛṣṇamṛgāṃścaiva medhyāṃścānyānmanoramān /
bāṇairunmathya vividhairbrāhmaṇebhyo nyavedayat //

na tatra kaściddurvarṇo vyādhito vā'pi dṛśyate /
kṛśo vā durbalo vā'pi dīno bhītopi vā punāḥ //

putrāniva priyānbhrātṝnjñātīniva sahodarān / puroṣa kauravaśreṣṭho dharmerājo yudhiṣṭhiraḥ /

patīśca draupadī sarvāñdvijātīśca yaśasvinī /
māteva bhojayitvā'gre śiṣṭamāhārayattadā //

prācīṃ rājā dakṣiṇāṃ bhīmaseno yamau pratīcīmathavā'pyudīcīm /
dhanurdharā māṃsahetormṛgāṇāṃ kṣayaṃ cakrurnityamevopagamya //

tathā teṣāṃ kavasatāṃ kāmyake vai vihīnānāmarjunenotsukānām /
pañcaiva varṣāṇi tathā vyatīyu- rathīyatāṃ japatāṃ juhvatāṃ ca //