મહાભારત · અધ્યાય 3.247

તતોઽર્જુનશ્ચિત્રસેનં પ્રહસન્નિદમબ્રવીત્ ।
મધ્યે ગન્ધર્વસૈન્યાનાં મહેષ્વાસો મહાદ્યુતિઃ ॥

કિં તે વ્યવસિતં વીર કૌરવાણાં વિનિગ્રહે ।
કિમર્થં ચ સદારોઽયં નિગૃહીતઃ સુયોધનઃ ॥
ચિત્રસેન ઉવાચ ।

વિદિતોઽયમભિપ્રાયસ્તત્રસ્થેન દુરાત્મનઃ ।
ઇન્દ્રેણ ધાર્તરાષ્ટ્રસ્ય સકર્ણસ્ય ધનઞ્જય ॥

વનસ્થાન્ભવતો જ્ઞાત્વા ક્લિશ્યમાનાનનર્હવત્ ।
સમસ્થો વિષમસ્થાંસ્તાન્દ્રક્ષ્યામીત્યનવસ્થિતાન્ ॥

ઇમેઽવહસિતું પ્રાપ્તા દ્રૌપદીં ચ યશસ્વિનીમ્ ।
જ્ઞાત્વા ચિકીર્ષિતં ચૈષાં મામુવાચ સુરેશ્વરઃ ॥

ગચ્છ દુર્યોધનં બદ્ધ્વા સહામાત્યમિહાનય ।
ધનઞ્જયશ્ચ તે રક્ષ્યઃ રસહ ભ્રાતૃભિરાહવે ॥

સ ચ પ્રિયઃ સખા તુભ્યં શિષ્યશ્ તવ પાણ્ડવઃ ।
વચનાદ્દેવરાજસ્ તતોઽસ્મીહાગતો દ્રુતમ્ ॥

અયં દુરાત્મા બદ્ધશ્ચ ગમિષ્યામિ સુરાલયમ્ ।
નેષ્યામ્યેનં કદુરાત્માનં પાકશાસનશાસનાત્ ॥
અર્જુન ઉવાચ ।

ઉત્સૃજ્યતાં ચિત્રસેન ભ્રાતાઽસ્માકં સુયોધનઃ ।
ધર્મરાજસ્ય સન્દેશાન્મમ ચેદિચ્છસિ પ્રિયમ્ ॥
ચિત્રસેન ઉવાચ ।

પાપોઽયં નિત્યસન્દુષ્ટો ન વિમોક્ષણમર્હતિ ।
પ્રલબ્ધા ધર્મરાજસ્ય કૃષ્ણાયાશ્ચ ધનઞ્જય ॥

નેદં ચિકીર્ષિતં તસ્ કુન્તીપુત્રો યુધિષ્ઠિરઃ ।
જાનાતિ ધર્મરાજો હિ શ્રુત્વા કુરુ યથેચ્છસિ ॥
વૈશમ્પાયન ઉવાચ ।

તે સર્વ એવ રાજનમભિજગ્મુર્યુધિષ્ઠિરમ્ ।
અભિગમ્ય ચ તત્સર્વં શશંસુસ્તસ્ય ચેષ્ટિતમ્ ॥

અજાતશત્રુસ્તચ્છ્રુત્વા ગન્ધર્વસ્ય વચસ્તદા ।
મોક્ષયામાસ તાન્સર્વાન્ગન્ધર્વાન્પ્રશશંસ ચ ॥

ચિત્રસેનસ્તદા વાક્યમુવાચ પ્રૌઢયા ગિરા ।
મુઞ્ચધ્વંસાનુજામાત્યં સદારં ચ સુયોધનમ્ ॥

ગન્ધર્વાસ્તુ વચઃ શ્રુત્વા ચિત્રસેનસ્ય વૈ દ્રુતમ્ ।
રાજાનં મોચયામાસુર્બદ્ધં નિગડબન્ધનૈઃ ॥

સદારં સાનુગામાત્યં બાલજાલમયેન યે ।
લુછન્તશ્ચાપિ તે સર્વે યુધિષ્ઠિરસમીપતઃ ॥

પતિતા લજ્જિતાશ્ચૈવ તસ્થુશ્ચાધોમુખાસ્તદા ।
યુધિષ્ઠિરોપિ દયયા તાન્સમીક્ષ્ય તથાગતાન્ ॥

દિષ્ટ્યા ભવદ્ભિર્બલિભિઃ શક્તૈઃ સર્વૈર્ન હિંસિતઃ ।
દુર્વૃત્તો ધાર્તરાષ્ટ્રોઽયં સામાત્યજ્ઞાતિબાન્ધવઃ ॥

ઉપકારો મસાંસ્તાત કૃતોઽયં મમ ખેચર ।
કુલં ન પરિભૂતં મે મોક્ષેણાસ્ય દુરાત્મનઃ ॥

આજ્ઞાપયધ્વમિષ્ટાનિ પ્રીતં માં દર્શનેન વઃ ।
પ્રાપ્ય સર્વાનભિપ્રાયાંસ્તતો વ્રજત મા ચિરમ્ ॥

અનુજ્ઞાતાસ્તુ ગન્ધર્વાઃ પાણ્ડુપુત્રેણ ધીમતા ।
સહાપ્સરોભિઃ સંહૃષ્ટાશ્ચિત્રસેનમુખા યયુઃ ॥

દેવલોકં તતો ગત્વા ગન્ધર્વૈઃ સહિતસ્તદા ।
ન્યવેદયચ્ચ તત્સર્વં ચિત્રસેનઃ શતક્રતોઃ ॥

દેવરાડપિ ગન્ધર્વાન્મૃતાંસ્તાન્સમજીવયત્ ।
દિવ્યેનામૃતવર્ષેણ યે હતાઃ કૌરવૈર્યુધિ ॥

જ્ઞાતીંસ્તાનવમુચ્યાથ રાજદારાંશ્ચ સર્વશઃ ।
કૃત્વા ચ રદુષ્કરં કર્મ પ્રીતિયુક્તાશ્ચ પાણ્ડવાઃ ॥

સસ્ત્રીકુમારૈઃ કુરુભિઃ પૂજ્યમાના મહારથાઃ ।
બભ્રાજિરે મહાત્માનઃ ક્રતુમધ્યે યથાઽગ્નયઃ ॥

તતો દુર્યોધનં મુક્તં ભ્રાતૃભિઃ સહિતસ્તદા ।
યુધિષ્ઠિરસ્તુ પ્રણયાદિદં વચનમબ્રવીત્ ॥

રમા સ્મ તાત પુનઃ કાર્ષીરીદૃશં સાહસં ક્વચિત્ ।
ન હિ સાહસકર્તારઃ સુખમેઘન્તિ ભારત ॥

સ્વસ્તિમાન્સહિતઃ સર્વૈર્બ્રાતૃભિઃ કુરુનન્દન ।
ગૃહાન્વ્રજ યથાકામં વૈમનસ્યં ચ મા કૃથાઃ ॥
વૈશમ્પાયન ઉવાચ ।

પાણ્ડવેનાભ્યનુજ્ઞાનો રાજા દુર્યોધનસ્તદા । અભિવાદ્ય ધર્મપુત્રં ગતેન્દ્રિય ઇવાતુરઃ ।
વિદીર્યમાણો વ્રીડાવાઞ્જગામ નગરં પ્રતિ ॥

તસ્મિન્ગતે કૌરવેયે કુન્તીપુત્રો યુધિષ્ઠિરઃ ।
ભ્રાતૃભિઃ સહિતો વીરઃ પૂજ્યમાનો દ્વિજાતિભિઃ ॥

તપોધનૈશ્ચ તૈઃ સર્વૈર્વૃતઃ શક્ર ઇવામરૈઃ । તથા દ્વૈતવને તસ્મિન્વિજહાર મુદા યુતઃ ॥