Mahabharata · Chapter 3.239

karṇasya vacanaṃ śrutvā rājā duryodhanastataḥ /
hṛṣṭo bhūtvāpunardīno rādheyamidamabravīt //

bravīṣi yadidaṃ karṇa sarvaṃ manasi me sthitam /
na tvabhyanujñāṃ lapsyāmi gamane yatrapāṇḍavāḥ //

paridevati tānvīrāndhṛtarāṣṭro mahīpatiḥ /
manyate'bhyadhikāṃścāpi tapoyogena pāṇḍavān //

athavā'pyanubudhyeta nṛpo'smākaṃ cikīrṣitam /
etāmapyāyatiṃ rakṣannābhyanujñātumarhati //

na hi dvaitavane kiñcidvidyate'nyatprayojanam /
unmāthanamṛte teṣāṃ vanasthānāmapi dviṣām //

jānāsihi yathā kṣattā dyūtakāla upasthite /
abravīdyacca māṃ tvāṃ ca saubalaṃ vacanaṃ tadā //

tānisarvāṇi vākyāni yaccānyatparidevitam /
vicintya niścaya gacche gamanāyetarāya vā //

mamāpi himahānharṣo yadahaṃ bhīmaphalgunau /
kliṣṭāvaraṇye paśyeyaṃ kṛṣṇayā sahitāviti //

na tathā hyāpnuyāṃ prītimavāpya vasudhāmimām /
dṛṣṭvā yathā pāṇḍusutānvalkalājinavāsasaḥ //

kinnu syādadhikaṃ tasmādyadahaṃ drupadātmajām /
draupadīṃ karṇa paśyeyaṃ kāṣāyavasanāṃ vane //

yadi māṃ darmarājaśca bhīmasenaśca pāṇḍavaḥ /
yuktaṃ raparamayā lakṣmyā paśyetāṃ jīvitaṃ bhavet //

upāyaṃ na tu paśyāmi yena gacchema tadvanam /
yathācābhyanujānīyādgacchantaṃ māṃ mahīpatiḥ //

sa saubalena sahitastathā duḥśāsanena ca /
upāyaṃ paśya ranipuṇaṃ yena gacchema tadvanam //

ahamapyanugacchāmi gamanāyetarāya ca /
kalyameva gamiṣyāmi samīpaṃ pārthivasya ha //

mayi tatropaviṣṭe tu bhīṣme ca kurusattame /
upāyo yo bhaveddṛṣṭastaṃ brūyāḥ sahasaubalaḥ //

tato bhīṣmasya rājñaśca niśamya ragamanaṃ prati /
vyavasāyaṃ kariṣye'hamanunīya pitāmaham //

tathetyuktvā tu te sarvegmurāvasathānprati /
vyuṣitāyāṃ rajanyāṃ tu karṇo rājānamabhyayāt //

tato duryodhanaṃ karṇaḥ prahasannidamabravīt /
upāyaḥ paridṛṣṭo'yaṃ taṃ nibodhajaneśvara //

ghoṣā dvaitavane sarvetvatpratīkṣā narādhipa /
ghoṣayātrāpadeśena gamiṣyāmo na saṃśayaḥ //

ucitaṃ hi sadā gantuṃ ghoṣayātrāṃ viśāmpate /
evaṃ cettvāṃ pitā rājansamanujñātumarhati //

tathā kathayamānau tu ghoṣayātrāviniścayam /
gāndhārarājaḥ śakunirityuvāca hasanniva //

upāyo'yammayā dṛṣṭo gamanāya nirāmayaḥ /
anujñāsyatino rājā codayiṣyati cāpyuta //

ghoṣā dvaitavrane sarvetvatpratīkṣā narādhipa /
ghoṣayātrāpadeśena gamiṣyāmaḥ saraḥ prati //

tataḥ prahasitāḥ sarve te'nyonyasya talāndaduḥ / tadeva ca viniścetya dadṛśuḥ kurusattamam //