Mahabharata · Chapter 3.238

dhṛtarāṣṭrasya tadvākyaṃ niśamya śakunistadā /
duryodhanamidaṃ kāle karṇena sahito'bravīt //

pravrājya pāṇḍavānvīrānsvena vīryeṇa bhārata /
bhuṅkṣvemāṃ pṛthivīmeko divi śambarahāyathā //

tavādyapṛthivī rājannakhilā sāgarāmbarā /
saparvatavanākārā sahasthāvarajaṅgamā //

prācyāśca dākṣiṇātyāśca patīcyodīcyavāsinaḥ /
kṛtāḥ karapradāḥ sarve rājānaste nārādhipa //

yā hi sā dīpyamāneva pāṇḍavānbhajaḍate purā /
sā'dyalakṣmīstvayā rājannavāptā bhrātṛbhiḥ saha //

indraprasthagate yāṃ tāṃ dīpyamānāṃ yudhiṣṭhire /
apaśyāma śriyaṃ rājansuciraṃ śokakarśitāḥ //

sā tu buddhibaleneyaṃ rājñastasmāttathāvidhāt /
tvayākṣiptā mahābāho dīpyamāneva dṛśyate //

tathaiva tava rājendrarājānaḥ paravīrahan /
śāsane'dhiṣṭhitāḥ sarvekiṃ kurma iti vādinaḥ //

te vayaṃ pṛthivī rājannikhilā sāgarāmbarā /
saparvatavanā devī sagrāmanagarākarā //

nānāvanoddeśavatī pattanairupaśobhitā /
nānājanapadākīrṇā sphītarāṣṭrā mahāhalā //

nandyamāno dvijai rājanbhāsi nakṣatrarāḍiva /
pauruṣāddivi deveṣu bhrājase raśmivāniva //

rudrairiva yamo rājā marudbhiriva vāsavaḥ /
kurubhistvaṃ vṛto rājanbhāsi nakṣatrarāḍiva //

yaiḥ sma te nādriyetājñā na ca ye śāsane sthitāḥ /
paśyāmastāñśriyā hīnānpāṇḍavānvanavāsinaḥ //

śrūyate hi mahārājasaro dvaitavanaṃ prati /
vasantaḥ pāṇḍavāḥ sārdhaṃ brāhmaṇairvanavāsibhiḥ //

saprayāhi mahārāja śriyā paramayā yutaḥ /
tāpayanpāṇḍuputrāṃstvaṃ raśmivāniva tejasā //

stitorājye'cyutānrājyācchiyāhīnāñchriyāvṛtaḥ asamṛddhānsamṛddhārthaḥ paśya pāṇḍusutānnṛpa //

mahābhijanasampannaṃ bhadre mahati saṃsthitam /
pāṇḍavāstvā'bhivīkṣantu yayātimiva nāhuṣāṃ //

yāṃ śriyaṃ suhṛdaścaiva durhṛdaśca viśāmpate /
paśyanti pauruṣairdīptāṃ sā samarthā bhavatyuta //

samastho viṣamasthānhi durhṛdo yo'bhivīkṣate /
jagatīsthanivādristhaḥ kimataḥ paramaṃ sukham //

na putradhanalābhena na rājyenāpi vindati /
prītiṃ nṛpatiśārdūla yāmamitrādhadarśanāt //

kinnu tasya sukhaṃ na syādāśrame yo dhanañjayam /
abhivīkṣeta siddhārtho valkalājinavāsasam //

suvāsaso hi te bhāryā valkalājinasaṃvṛtām /
paśyantu duḥkhitāṃ kṛṣṇāṃ sā ca nirvidyatāṃ punaḥ //

vinindatāṃ tathā'tmānaṃ jīvitaṃ ca dhanacyutam /
dārāṇāṃ te śriyaṃ dṛṣṭvā dīptāmadya janādhipā //

na tathā hisabhāmadhye tasyā bhavitumarhati /
vaimanasyaṃ yathā dṛṣṭvā tava bhāryāḥ svalankṛtāḥ //
vaiśampāyana uvāca /

evamuktvā tu rājānaṃ karṇaḥ śakuninā saha / tūṣṇīṃ babhūvaturubhau dākyānte janamejaya //