Mahabharata · Chapter 3.228

tasmiñjāte mahāsattve mahāsene mahābale /
samuttasthurmahotpātā ghorarūpāḥ pṛthagvidhāḥ // 1 //

strīpuṃsorviparītaṃ ca tathā dvandvāni yāni ca /
grahā dīptā diśaḥ khaṃ ca rarāsa ca mahī bhṛśam //

ṛṣayaśca mahāghorāndṛṣṭvotpātānsamantataḥ /
akurvañśāntimudvignā lokānāṃ lokabhāvanāḥ //

nivasanti vane ye tu tasmiṃścaitrarathe janāḥ / te'bruvanneṣa no'narthaḥ pāvakenāhṛto mahān /
sangamya ṣaḍbhiḥ patnībhiḥ saptarṣīṇāmiti sma ha //

apare garuḍīmāhustayā'nartho'yamāhṛtaḥ /
yairdṛṣṭā sā tadā devī tasyā rūpeṇa gacchatī //

na tu tatsvāhayā karma kṛtañjānāti vai janaḥ //

suparṇī tu vacaḥ śrutvā mamāyaṃ tanayastviti /
upagamya śanaiḥ skandamāhāhaṃ jananī tava //

atha saptarṣayaḥ śrutvā jātaṃ putraṃ mahaujasam / tatyajuḥ ṣaṭ tadā patnīrvinā devīmarundhatīm /
ṣaḍbhireva tadā jātamāhustadvanavāsinaḥ //

saptarṣīnāha ca svāhā mama putro'yamityuta /
ahaṃ heturnaitadevamiti rājanpunaḥ punaḥ //

viśvāmitrastu kṛtveṣṭiṃ saptarṣīṇāṃ mahāmuniḥ / pāvakaṃ kāmasantaptamadṛṣṭaḥ pṛṣṭhato'nvagāt /
tattena nikhilaṃ sarvamavabudhya yathātatham //

viśvāmitrastu prathamaṃ kumāraṃ śaraṇaṃ gataḥ /
stavaṃ divyaṃ sampracakre mahāsenas cāpi saḥ //

maṅgalāni ca sarvāṇi kaumārāṇi trayodaśa /
jātakarmādikāstas kriyāścakre mahāmuniḥ //

paḍvakrasya tu māṃhātmyaṃ kukkuṭasya tu sādhanam /
śaktyā devyāḥ sādhanaṃ ca tathā pāriṣadāmaṣi //

viśvāmitraścakāraitatkarma lokahitāya vai /
tasmādṛṣiḥ kumāras viśvāmitro'bhavatpriyaḥ //

anvajānācca svāhāyā rūpānyatvaṃ mahāmuniḥ / abravīcca munīnsarvānanāparādhyanti vai striyaḥ /
śrutvā tu tatvatastasmātte patnīḥ sarvatotyajan //
mārkaṇḍeya uvāca /

skandaṃ śrutvā tadā devā vāsavaṃ sahitā'bruvan /
aviṣahyaṃ valaṃ skandaṃ jahi śakrāśu mācir //

yadi vā na nihaṃsyenamadyendro'yaṃ bhaviṣyati /
trailokyaṃ sannigṛhyāsmāṃstvāṃ ca śakra mahābalā //

sa tānuvāca vyathito vālo'yaṃ sumahābalaḥ / sraṣṭāramapi lokānāṃ yudhi vikramya nāśayet /
[na bālamutsahe hantumiti śakraḥ prabhāṣate //

te'bruvannāsti te vīryaṃ yata evaṃ prabhāse.] sarvāstvadyābhigacchantu skandaṃ lokasya mātaraḥ //

kāmavīryā ghnantu cainaṃ tathetyuktvā ca tā yayuḥ /
tamapratibalaṃ dṛṣṭvā viṣaṇṇavadanāstu tāḥ //

aśakyo'yaṃvicintyaivaṃ tameva śaraṇaṃ yayuḥ /
ūcuścainaṃ tvamasmākaṃ putro'smābhirdhṛtañjagat //

abhinandya tataḥ sarvāḥ prasnutāḥ snehaviklabāḥ /
[tāsāṃ tadvacanaṃ śrutvā pātukāmaḥ stanānprabhuḥ] //

tāḥ sampūjya mahāsenaḥkāmāṃścāsāṃ pradāya saḥ /
apaśyadagnimāyāntaṃ pitaraṃ balināṃ balī //

sa tu sampūjitastena saha mātṛgaṇena ha /
parivārya mahāsenaṃ rakṣamāṇaḥ sthitaḥ śivaḥ //

sarvāsāṃ yā tu mātṝṇāṃ nārī krodhasamudbhavā /
dhātrī svaputravatskandaṃ śūlahastā'bhyarakṣata //

lohitasyodadheḥ kanyā krūrā lohitabhojanā /
pariṣvajya mahāsenaṃ putravatparyarakṣata //

agnirbhūtvā naigameyaśchāgavakro bahuprajaḥ /
ramayāmāsa śailastaṃ bālaṃ krīḍanakairiva //

brahāḥ sopagrahāścaiva ṛṣayo mātarastathā /
hutāśanamukhāścaiva dṛptāḥ pāriṣadāṃ gaṇāḥ //

ete cānye ca bahavo ghorāstridivavāsinaḥ /
parivārya mahāsenaṃ sthitā mātṛgaṇaiḥ saha //

sandigdhaṃ vijayaṃ dṛṣṭvā vijayepsuḥ sureśvaraḥ /
āruhyairāvataskandhaṃ prayayau daivataiḥ saha //

ādāya vajraṃ bavānsarvairdevagaṇairvṛtaḥ /
vijighāṃsurmahāsenamindrastūrṇataraṃ yayau //

indrastasya mahāvegaṃ dṛṣṭvā'dbhutaparākramam /
vismitaścābhavadrājandevānīkamacodayat //

ugraṃ taṃ ca mahānādaṃ devānīkaṃ mahāprabham /
vicitradhvajasannāhaṃ nānāvāhanakārmukam //

pravarāmbarasaṃvītaṃ śriyā juṣṭamalankṛtam /
vijighāṃsuṃ tamāyāntaṃ kumāraḥ śakramanvayāt //

viyatpatiḥ sa śakrastu drutamāyānmahābalaḥ /
saṃharpayandevasenāṃ jighāṃsuḥ pāvakātmajam //

sampūjyamānastridaśaistathaiva paramarṣibhiḥ /
samīpamatha samprāpto vahniputrasya vāsavaḥ //

siṃhanādaṃ tataścakre deveśaḥ sahitaiḥ suraiḥ /
guho'piśabdaṃ taṃ śrutvā vyanadātsāgaro yathā //

tasya śabdena mahatā samuddhūtodadhiprabham /
vabhrāma tatratatraiva daivasainyamacetanam //

jidhāṃsūnupasamprāptāndevāndṛṣṭvā sapāvakiḥ /
visasarja mukhātkruddhaḥ pravṛddhāḥ pāvakārciṣaḥ //

adahaddevasainyāni vepamānāni bhūtale //

te pradīptaśirodehāḥ pradīptāyudhavāhanāḥ /
pracyutāḥ sahasā bhānti citrāstārāgaṇā iva //

dahyamānāḥ prapannāste śaraṇaṃ pāvakātmajam /
devā vajradharaṃ tyaktvātataḥ śānatimupāgatāḥ //

tyakto devaistataḥ skande vajraṃ śakro nyapātayat //

tadvisṛṣṭaṃ jaghānāśu parśvaṃ skandasya dakṣiṇam /
vibheda ca mahārāja pārśvaṃ tasya mahātmanaḥ //

vajraprahārātskandasya sañjātaḥ puruṣo'paraḥ /
yuvā kāñcanasannāhaḥ śaktidhṛgdivyakuṇḍalaḥ //

yadvajraviśanājjāto viśākhastena so'bhavat //

taṃ jātamaparaṃ dṛṣṭvā kālānalasamadyutim /
bhayādinadrastuta taṃ skandaṃ prāñjaliḥ śaraṇaṃ gataḥ //

tasyābhayandadau skandaḥ sahasainyas sattama /
tataḥ prahṛṣṭāstridaśā vāditrāṇyabhyavādayan //

skandapāriṣadāndhorāñchṛṇuṣvādbhutadarśanān / vajraphahārātskandasya jajñustatra kumārakāḥ /
ye haranti śiśūñjātāngarbhasthāścaiva dāruṇāḥ //

vajraprahārātkanyāśca jajñire's mahābalāḥ //

kumārānsa viśakhaṃ ca putratve samakalpayat /
sa bhūtvā bhagavānsaṅkhye rakṣaṃśchāgamukhastadā //

vṛtaḥ kanyāgaṇaiḥ sarvairātmīyaiḥ saha putrakaiḥ /
mātṛṇāṃ preṣitānāṃ ca bhadraśākhaścakomalaiḥ //

tataḥ kumāraṃ sañjātaṃ skandamāhurjanā bhuvi /
rudramagnimukhāṃ svāhāṃ pradeśeṣu mahābalāḥ //

yajanti putrakāmāśca putriṇaśca sadā janāḥ /
yāstāstvajanayatkanyāstapo nāma hutāśanaḥ //

kiṃ karomīti tāḥ skandaṃ samprāptāḥ samabhāṣayan //

bhavema sarvalokasya mātaro vayamuttamāḥ /
prasādāttava pūjyāśca priyametatkuruṣva naḥ //

so'bravīdbāḍhamityevaṃ bhaviṣyadhvaṃ pṛthigvidhāḥ /
śivāścaivāśivāścaiva punaḥpunaḥrudāradhīḥ //

agnirbhūtvā tataścainaṃ chāgavakro bahuprajaḥ / ramayāmāsa śailasthaṃ balaṃ krīḍanakairiva //