Mahabharata · Chapter 3.202

mārkaṇḍeyamṛṣiṃ pāṇḍavāḥ paryapṛcchannasti kaścidbhavataścirajātatara iti //

sa tānuvācāsti khalu rājarṣirindradyumno nāma kṣīṇapuṇyastridivātpracyutaḥ kīrtirme vyucchinneti sa māmupātiṣṭhadatha pratyabhijānāti māṃ bhavāniti //

tamahamabravaṃ nābhijānīmo bhavantamiti rakāryaceṣṭākulatvānana vayaṃ rāsāyanikā grāmaikarātravāsino na pratyabhijānīmo'pyātmano'rthānāmanuṣṭānaṃ na śarīropatāpenātmanaḥ samārabhāmo'rthānāmanuṣṭhānam //

evamukto rājarṣirindradyumnaḥ punarmāmabravīt // athāsti kaścittvattaścirajātatara iti / taṃ punaḥ pratyabravam // asti khalu himavati prāvārakarṇo nāmolūkaḥ prativāsati // sa mattaścirajāto bhavantaṃ yadi jānīyādviprakṛṣṭe cādhvani himavāṃsta trāsau prativasatīti //

tata sa māmaśvo bhūtvā tatrāvahadyatra babhūvo lūkaḥ // athainaṃ sa rājarṣiḥ paryapṛcchatpratijānāti māṃ bhavāniti //

sa muhūrtamiva dhyātvā'bravīdenaṃ nābhijānāmi bhavantamiti sa evamukta indradyumnaḥ punastamulaṅa mabravīdrājarṣiḥ //

athāsti kaścidbhavataḥ sakāśāccirajāta iti sa evamukto'bravīdastikhalvindradyumnaṃ nāma sarasta sminnālijaṅgho nāma bakaḥ ptivasati sosmattaścirajātatarastaṃ pṛccheti tata indradyumno māṃ colūkamādāya tatsaro'gacchadyatrāsau nālijaṅgho nāma bako babhūva //

sosmābhiḥ pṛṣṭo bhavānimaminadradyumnaṃ rājānamabhijānātīti sa evaṃ muhūrtaṃ dhyātvā'bravīnnābhijānāmyahamindradyumnaṃ rājānamiti // tataḥ sosmābhiḥ pṛṣṭaḥ kaścidbhavato'nyaścirajātatarostīti sa no'bravīdasti khalvasminneva sarasyakūpāro nāma rakacchapaḥ prativasati // sa mattaścirajātataraḥ sa yadi kathañcidabhijānīyādimaṃ rājānaṃ tamakūpāraṃ pṛcchadhvamiti //

tataḥ sa bakastamakūpāraṃ kacchapaṃ vijñāpayāmāsa asmākamabhipretaṃ bhavantaṃ kañcidarthamabhipraṣṭaṃ sādhvāgamyatāṃ tāvaditi tacchrutvā kacchapastasmātsarasa utthāyābhyāgacchadyatra tiṣṭhāmo vayaṃ tasya sarasastīre āgataṃ cainaṃ vayamapṛcchāma bhavānindradyumnaṃ rājānamabhijānātīti //

sa mūhūrtaṃ dhyātvā bāṣpasampūrṇanayana udvignahṛdayo vepamāno visañjñakalpaḥ prāñjalirabravīt kimahamenaṃ na pratyabhijñāsyāmīha hyanena sahasrakṛtvaḥ pūrvamagnicitiṣūpahitāḥ //

saraścedamasya dakṣiṇodakadattābhirgobhiratikramamāṇābhiḥ kṛtam // atracāhaṃ prativasāmīti //

athaitatsakalaṃ kacchapenodāhṛtaṃ śrutvā tadanantaraṃ devalokāddevarathaḥ prādurāsīdvācaścāśrūyantendradyumnaṃ prati prastutaste svargo yathocitaṃ sthānaṃ pratipadyasva kīrtimānasyavyagro yāhīti // 3-20213x bhavanti cātra ślokāḥ /

divaṃ spṛśati bhūmiṃ ca śabdaḥ puṇyasya karmaṇaḥ / yāvatsa śabdo bhavati tāvatsvarge mahīyate //

akīrtiḥ kīrtyate loke yasya bhūtasya kasyacit / sa patatyadhamām̐llokānyāvacchabdaḥ prakīrtyate //

tasmātkalyāṇavṛttaḥ syāddātā tāvannaro bhuvi / vihāya vṛttampāpiṣṭhaṃ dharmameva samāśrayet //

ityetacchrutvā sa rājā'bravīttiṣṭha tāvadyāvadimau vṛddhau yathāsthānaṃ pratipādayāmīti //

sa māṃ prāvārakarṇaṃ colūkaṃ yathocite sthāne pratipādya tena devayānena saṃsiddhaṃ yathocitaṃ sthānaṃ pratipede tanmayā'nubhūtaṃ cirajīvinedṛśamiti pāṇḍavānuvāca mārkaṇḍeyaḥ //

tamṛṣiṃ pāṇḍavāścocuḥ sādhu śobhanaṃ bhavatā kṛtaṃrājānamindradyumnaṃ svargalokāccyutaṃ sve sthāne pratipādayatetyathaitānabravīdasau nanu devakīputreṇāpi kṛṣṇena narake majjamāno rājarṣirnṛgastasmātkṛcchrātpunaḥ samuddhṛtyasvargaṃ prāpita iti //