Mahabharata · Chapter 3.201

bhūya eva mahābhāgyaṃ kathyatāmityabravītpāṇḍavo mārkaṇḍeyam // athācaṣṭa mārkaṇḍeyaḥ // aṣṭakasya vaiśvāmitreraśvamedhe sarve rājānaḥ prāgacchan //

bhrātaraścāsya pratardano vamumanāḥ śibirauśīnara raiti sa ca samāptayajño bhrātṛbhiḥ saha rathena prāyātte ca nāradamāgacchantamabhivādyārohatu bhavānrathamityabruvan //

tāṃstathetyuktvā rathamāruroha // atha teṣāmekaḥ surarṣiṃ nāradamabravīt // prasādya bhagavantaṃ kiñcidiccheyaṃ praṣṭumiti //

pṛcchetyabravīdṛṣiḥ // raso'bravīdāyuṣmantaḥ sarvaguṇapramuditāḥ // athāyuṣmantaṃ svargasthānaṃ caturbhiryātavyaṃ syātko'vataret // ayamaṣṭako'vataredityabravīdṛṣiḥ //

kinkāraṇamityapṛcchat // athācaṣṭāṣṭakasya gṛhe mayā upitaṃ sa māṃ rathenānuprāvahadathāpaśyamanekāni gosahasrāṇi varṇaśo viviktāni tamahamapṛcchaṃ kasyemā gāva iti sobravīt // mayānisṛṣṭāityetāstenaivasvayaṃ ślāghati kathitena // epovataredatha tribhiryātavyaṃ sāmprataṃ ko'vataret //

pratardana ityatravīdṛṣiḥ // tatra kiṃ kāraṇaṃ pratardanasyāpi gṛhe mayopitaṃ sa māṃ rathenānuprāvahat //

athainaṃ brāhmaṇo'bhikṣetāśvaṃ me dadātu bhavānnivṛtto dāsyāmītyabravīdbrāhmaṇaṃ tvaritameva dīyatāmityabravīdbrāhmaṇastvaritameva sa brāhmaṇasyaiva muktvā dakṣiṇaṃ pārśvamadadat //

athānyoṣyaśvārthī brāhmaṇa āgacchat // tathaiva cainamuktvā vāmapārṣṇimabhyadādatha prāyātpunarapi cānyopyaśvārthī brāhmaṇa āgacchat tvaritotha tasmai apanahya vāmaṃ dhuryamadadat //

atha prāyātpunaranya āgacchadaśvārthī brāhmaṇastamabravīdatiyāto dāsyāmi tvaritameva me dīyatāmityabravīdbrāhmaṇastasmai dattvā'śvaṃ rathadhuraṃ gṛhṇatā vyāhṛtaṃ brāhmaṇānāṃ sāmprataṃ nāsti kiñciditi //

ya eṣa dadāti cāsūyati ca tena vyāhṛtena tathā'vataret // atha dvābhyāṃ yātavyamiti ko'vataret //

vasumanā avataredityabravīdṛṣiḥ //

kinkāraṇamityapṛcchadathācaṣṭa nāradaḥ // ahaṃ paribhramanvasumanaso gṛhamupasthitaḥ //

svastivacanamāsītpuṣparathasya prayojanena tamahamanvagacchaṃ svastivāciteṣu brāhmaṇeṣu ratho brāhmaṇānāṃ darśitaḥ //

tamahaṃ rathaṃ prāśaṃsamatha rājā'bravīdbhagavatārathaḥ praśastaḥ // eṣa bhagavato bhagavatoratha iti //

atha kadācitpunarapyahamupasthitaḥ punareva ca rathaprayojanamāsīt // samyagayameṣa bhagavata ityevaṃ rājā'bravīditi punareva ca tṛtīyaṃ svastivācanaṃ samabhāvayamatha rājā brāhmaṇānāṃ darśayanmāmabhiprekṣyābravīt // atho bhagavatā puṣparathasya svastivācanāni suṣṭhu sambhāvitāni etena drohavacanenāvataret //

athaikena yātavyaṃ syātko'vataretpunarnārada āha // śibiryāyādahamavatareyaṃ atra kiṃ kāraṇamityabravīt // asāvahaṃ śivinā samo nāsmi yato] brāhmaṇaḥ kaścidenamabravīt //

śibe annārthyasmīti tamabravīcchibiḥ kiṃ kriyatāmājñāpayatu bhavāniti //

athainaṃ brāhmaṇo'bravīt ya eṣa te putro bṛhadgarbho nāma eṣa pramātavya iti tamenaṃ saṃskuru annaṃ copapādaya tato'haṃ pratīkṣya iti // tataḥ putraṃ pramāthya saṃskṛtya vidhinā sādhayitvā pātryāmarpayitvā śirasā pratigṛhya brāhmaṇamamṛgayat //

athāsya mṛgayamāṇasya kaścidācaṣṭa eṣa te brāhmaṇo nagaraṃ praviśya dahati te gṛhaṃ kośāgāramāyudhāgāraṃ stryagāramaśvaśālāṃ hastiśālāṃ ca kruddha iti //

atha śibistathaivāvikṛtamukhavarṇo nagaraṃ praviśya brāhmaṇaṃ tamabravītsiddhaṃ bhagavannannamiti brāhmaṇo na kiñcidvyājahāra vismayādadhomukhaścāsīt //

tataḥ prāsādayadbrāhmaṇaṃ bhagavanbhujyatāmiti // muhūrtādudvīkṣya śibimabravīt //

tvamevaitadaśāneti tatrāha tatheti śibistathaivāvimanā mahitvā kapālamabhyuddhārya bhoktumaicchat //

athāsya brāhmaṇo hastamagṛhṇāt // abravīccainaṃ jitakrodhosi na te kiñcidaparityājyaṃ brāhmaṇārthe brāhmaṇo'pi taṃ mahābhāgaṃ sabhājayat //

sa hyudvīkṣamāṇaḥ putramapaśyadagre tiṣṭhantaṃ devakumāramiva puṇyagandhānvitamalankṛtaṃ sarvaṃ ca tamarthaṃ vidhāya brāhmaṇo'ntaradhīyata //
sa hyudvīkṣamāṇaḥ putramapaśyadagre tiṣṭhantaṃ devakumāramiva puṇyagandhānvitamalankṛtaṃ sarvañca tamarthaṃ vidhāya brāhmaṇo'ntaradhīyata //

tasya rājarṣervidhātā tenaiva veṣeṇa parīkṣārthamāgata ititasminnantarhite amātyā rājānamūcuḥ // kiṃ prepsunā bhavatā idamevaṃ jānatā kṛtamiti //
śibiruvāca /

naivāhametadyaśase dadāni na cāryahetorna ca bhogatṛṣṇayā /
pāpairanāsevita eṣa mārga ityevametatsakalaṃ karomi //

sadbhiḥ sadā'dhyāsitaṃ tu praśastaṃ tasmātpraśastaṃ śrayate matirme /
etanmahābhāgyavaraṃ śibestu tasmādahaṃ veda yathāvadetat //