Mahabharata · Chapter 3.186

taṃ vivakṣantamālakṣyakururājo mahāmunim /
kathāsañjananārthāya codayāmāsa pāṇḍavaḥ //

bhavāndaivatadaityānāmṛṣīṇāṃ ca mahātmanām /
rājarṣīṇāṃ ca sarveṣāṃ caritajñaḥ purātanaḥ //

sevyaścopāsitavyaś mato naḥ kāṅkṣitaściram /
ayaṃ ca devakīputraḥ prāpto'smānavalokakaḥ //

bhramatyeva hi me buddhirdṛṣṭvā'tmānaṃ sukhāccyutam /
dhārtarāṣṭrāṃśca radurttānṛddhyataḥ prekṣya sarvaśaḥ //

karmaṇaḥ puruṣaḥ kartā śubhasyāpyaśubhasya vā /
svaphalaṃ tadupāśnāpi kathaṃ kartā svidīśvaraḥ //

athavā sukhaduḥkheṣu nṛṇāṃ brahmavidāṃvara /
iha vā kṛtamanveti paradehe'thavā punaḥ //

dehī ca dehaṃ santyajya mṛgyamāṇaḥ śubhāśubhaiḥ /
kathaṃ saṃyujyatepretya iha vā dvijasattama //

aihalaukikamevaitadutāho pāralaukikam /
kva vā karmāṇi tiṣṭhanti jantoḥ pretasya bhārgava //
mārkaṇḍeya uvāca /

tvadyukto'yamanupraśno yathāvadvadatāṃvara /
viditaṃ veditavyaṃ te sthityarthaṃ tvaṃ tu pṛcchasi //

atra te kathayiṣyāmi tadihaikamanāḥ śṛṇu /
yathehāmutra ca nara sukhaduḥkhamupāśnute //

nirmalāni śarīrāṇi viśuddhāni śarīriṇām /
sasarja dhaṟmatantrāṇi pūrvotpannaḥ prajāpatiḥ //

amoghaphalasankalpāḥ suvratāḥ satyavādinaḥ /
brahmabhūtā narāḥ puṇyāḥ purāṇāḥ kurusattama //

sarve devaiḥ samāyānti svacchandena nabhastalam /
tataśca punarāyānti sarve svacchandacāriṇaḥ //

svaccandamaraṇāścāsannarāḥ svacchandajīvinaḥ /
alpabādhā nirātaṅkāḥ siddhārthā nirupadravāḥ //

draṣṭārodevasaṅghānāmṛṣīṇāṃ ca mahātmanām /
pratyakṣāḥ sarvadharmāṇāṃ dāntā vigatamatsarāḥ //

āsanvarṣasahasrāṇi tathā putrasahasriṇaḥ /
tataḥ kālāntare tasminpṛthivītalacāriṇaḥ //

kāmakrodhābhibhūtāste māyāvyājopajīvinaḥ /
lobhamohābhibhūtāśca tyaktā devaistato narāḥ //

aśubhaiḥ karmabhiḥ pāpāstiryaṅgirayagāminaḥ /
saṃsāreṣu vicitreṣu pacyamānāḥ punaḥ punaḥ //

mogheṣṭā moghasankalpā moghajñānā vicetasaḥ /
kāṅkṣiṇaḥ sarvakāmānāṃ nāstikā bhinnasetavaḥ //

sarvābhiśaṅkhinaścaiva saṃvṛttāḥ kledāyinaḥ /
aśubhaiḥ karmabhiścāpi prāyaśaḥ paricihnitāḥ //

dauṣkulyā vyādhibahulā durātmāno'bhitāpinaḥ / bhavantyalpāyuṣaḥ pāpā raudrakarmaphalodayāḥ /
nāthantaḥ sarvakāmānāṃ nāstikā bhinnacetasaḥ //

jantoḥ pretasya kaunteya gatiḥ svairiha karmabhiḥ /
prājñasya hīnabuddheśca karmakośaḥ kva tiṣṭhati //

kvasthastatsamupāśnāti sukṛtaṃ yadi vetarat /
iti te darśanaṃ yacca tatrāpyanunayaṃ śṛṇu //

ayamādiśarīreṇa devasṛṣṭena mānavaḥ /
śubhānāmaśubhānāṃ ca kurute sañcayaṃ mahat //

āyuṣo'nte prahāyedaṃ kṣīṇaprāyaṃ kalebaram /
sambhavatyeva yugapadyonau nāstyantarā'bhavaḥ //

tatrāsya svakṛtaṃ karma cchāyevānugataṃ sadā /
phalatyatha sukhārho vā duḥkhārhovā'tha jāyate //

kṛtāntavidhisaṃyuktaḥ sa janturlakṣaṇaiḥ śubhaiḥ /
aśubhairvā nirādāno lakṣyate jñānadṛṣṭibhiḥ //

eṣā tāvadabuddhīnāṃ gatiruktā yudhiṣṭhira /
ataḥ paraṃ jñānavatāṃ nibodha gatimuttamām //

manuṣyāstaptatapasaḥ sarvāgamaparāyaṇāḥ /
sthiravratāḥ satyaparā guruśuśrūṣaṇe ratāḥ //

suśīlāḥ śuklajātīyāḥ kṣāntā dāntāḥ sutejasaḥ /
śuciyonyantaragatāḥ prāyaśaḥ śubhalakṣaṇāḥ //

jitenadriyatvādvaśinaḥ satkṛtyānmandarāgiṇaḥ /
alpābādhaparitrāsā bhavanti nirupadravāḥ //

cyavantaṃ jāyamānaṃ ca garbhasyaṃ caiva sarvaśaḥ /
svamātmānaṃ paraṃ caiva budhyante jñānacakṣuṣaḥ //

ṛṣayaste mahātmānaḥ pratyakṣāgamabuddhayaḥ / karmabhūmimimāṃ prāpya punaryānti surālayam /
kṛtvā śubhāni karmāṇi jñānena bharatarṣabha //

kiñciddaivāddhaṭhātkiñcitkiñcideva svakarmabhiḥ /
prāpnuvanti narā rājanmā te'stvanyāvicāraṇā //

imāmatropamāṃ cāpi nibodha vadatāṃvara /
manuṣyaloke yacchreyaḥ parammanye yudhiṣṭhira //

ihaivaikasya nāmutra amutraikasya no iha /
iha cāmutra caikas nāmutraikasya no iha //

dhanāni yeṣāṃ vipulāni santi nityaṃramante suvibhūṣitāṅgāḥ /
teṣāmayaṃ śatruvaraghnaloko nāsau sadā grāmyasukhe ratānām //

ye yogayuktāstapasi prasaktāḥ svādhyāyaśīlā jarayanti dehān /
jitendriyā bhūtahite niviṣṭā steṣāmasau nāyamarighnalokaḥ //

ye dharmameva prathamaṃ caranti dharmeṇa labdhvā ca dhanāni kāle /
dārānavāpya kratubhiryajante teṣāmayaṃ caiva paraśca lokaḥ //

ye naiva vidyāṃ na tapo na dānaṃ na cāpi mūḍhāḥ prajane yatante /
na cāpigacchanti śubhānyabhāgyā- steṣāmayaṃ caiva paraśca nāsti //

sarve bhavantastvativīryasatvā divyaujasaḥ saṃhananopapannāḥ /
lokādamuṣmādavaniṃ prapannāḥ svadhītavidyāḥ surakāryahetoḥ //

kṛtvaiva karmāṇai mahānti śūrā- stapodamācāravihāraśīlāḥ /
devānṛṣīnpretagatāṃsac sarvā- nsantarpayitvā vidhinā pareṇa //

svargaṃ paraṃ puṇyakṛtāṃ nivāsaṃ krameṇa samprāpsyatha karmabhiḥ svaiḥ /
mābhūdviśaṅkā tava kauravendra dṛṣṭvā'tmanaḥ kleśamimaṃ sukhārtham //