Mahabharata · Chapter 3.119

gacchansa tīrthāni mahānubhāvaḥ / puṇyāni ramyāṇi dadarśa rājā /
sarvāṇi vaiprairupaśobhitāni kvacitkvacidbhārata sāgaramya //

sa vṛttavāṃsteṣu kṛtābhiṣekaḥ sahānujaḥ pārthivaputrapautraḥ /
samudragāṃ puṇyatamāṃ praśastāṃ jagāma pārikṣita pāṇḍuputraḥ //

tatrāpi cāplutya mahānubhāva santarpayāmāsa pitṛḍansurāṃśca /
dvijātimukhyeṣu dhanaṃ visṛjya godāvarīṃ sāgaragāmagacchat //

tato vipāpmā draviḍeṣu rāja- nsamudramāsādya ca lokapuṇyam /
agastyatīrthaṃ ca mahāpavitraṃ- nārītīrthānyathā vīro dadarśa //

tatrārjunasyāgryadhanurdharasya niśamya tatkarma parairaśakyam /
sampūjyamānaḥ paramarṣisaṅghaiḥ parāṃ mudaṃ pāṇaaḍusutaḥ sa lebhe //

sa teṣu tīrtheṣvabhiṣiktagātraḥ kṛṣṇāsahāyaḥ sahito'nujaiśca /
sampūjayanvikramamarjunasya rame mahīpālapatiḥ pṛthivyām //

tataḥ sahasrāṇi gavāṃ pradāya tīrtheṣu teṣvambudharottamasya /
hṛṣṭaḥ saha bhrātṛbhirarjunasya sankīrtayāmāsa gavāṃ pradānam //

sa tāni tīrthāni ca sāgarasya puṇyāni cānyāni bahūni rājan /
krameṇa gacchanparipūrṇakāmaḥ śūrpārakaṃ puṇyatamaṃ dadarśa //

tatrodadheḥ kañcidatītya deśaṃ khyātaṃ pṛthivyāṃ vanamāsasāda /
taptaṃ surairatra tapaḥ purastā- diṣṭuṃ katathā puṇyaparairnarendraiḥ //

sa tatra tāmagryadhanurdharasya vedīṃ dadarśāyatapīnabāhuḥ /
ṛcīkaputrasya tapasvisaṅghaiḥ samāvṛtāṃ puṇyakṛdarcanīyām //

tato vasūnāṃ vasudhādhipaḥ sa marudgaṇānāṃ ca tathāśvinośca /
vaivasvatādityadhaneśvarāṇā- mindrasya viṣṇoḥ saviturvibhośca //

bhagasya candrasya divākarasya paterapāṃ sādhyagaṇasya caiva /
dhātuḥ pitṝṇāṃ ca tathā mahātmā rudrasya rājansagaṇasya caiva //

sarasvatyāḥ siddhagaṇasya caiva pūṣṇaśca ye cāpyamarāstathā'nye /
puṇyāni cāpyāyatanāni teṣāṃ dadarśa rājā sumanoharāṇi //

teṣūpavāsānvibudhānupoṣya duttvā ca ratnāni mahānti rājā /
tīrtheṣu sarveṣu pariplutāṅgaḥ punaḥ sa śūrpārakamājagāma //

sa tena tīreṇa tu sāgarasya punaḥ prayātaḥ saha sodarīyaiḥ /
dvijaiḥ pṛthivyāṃ prathitaṃ mahadbhi- stīrthaṃ prabhāsaṃ samupājagāma //

tatrābhiṣiktaḥ pṛthulohitākṣaḥ sahānujairdevagaṇānpitṝṃśca /
santarpayāmāsa tathaiva kṛṣṇā te cāpi viprāḥ saha lomaśena //

kasa dvādaśāhaṃ jalavāyubhakṣaḥ kurvankṣapāhaḥsu tadā'bhiṣekam /
samantato'gnīnupadīpayitvā tepe tapo dharmabhṛtāṃvariṣṭhaḥ //

tamugramāsthāya tapaścarantaṃ śuśrāva rāmaśca janārdanaśca /
tau sarvavṛṣṇipravarau sasainyau yudhiṣṭhiraṃ jagmaturājamīḍham //

te vṛṣṇayaḥ pāṇḍusutānsamīkṣya bhūmau śayānānmaladigdhagātrān /
anarhatīṃ draupadīṃ cāpi dṛṣṭvā suduḥkhitāścukruśurārtanādān //

tataḥ sa rāmaṃ ca janārdanaṃ ca kārṣṇi ca sāmbaṃ ca śineśca pautram /
anyāṃśca vṛṣṇīnupagamya pūjāṃ cakre yathādharmamahīnasatvaḥ //

te cāpi sarvānpratipūjya pārthāṃ- staiḥ satkṛtāḥ pāṇḍusutaistathaiva /
yudhiṣṭhiraṃ samparivārya rāja- nnupāviśandevagaṇā yathendram //

teṣāṃ sa sarvaṃ caritaṃ pareṣāṃ vane ca vāsaṃ paramapratītaḥ /
astrārthamindrasya gataṃ ca pārthaṃ kṛṣṇe śaśaṃsāmararājasūnum //

śrutvā tu te tasya vacaḥ pratītā- stāṃścāpi dṛṣṭvā sukṛśanatīva /
netrodbhavaṃ sammumucurmahārhā duḥkhārtijaṃ vāri mahānubhāvāḥ //