Mahabharata · Chapter 2.93

draupadyā vacanaṃ śrutvā cukopātha dhanañjayaḥ /
sa tadā krodhatāmrākṣa idaṃ vacanamabravīt //

ayaṃ tu māṃ vārayate dharmarājo yudhiṣṭhiraḥ /
ityuktvā krodhatāmrākṣo dhanurādāya vīryavān //

savyasācī samutpatya tāñchatrūnsamudaikṣata /
udyataṃ phalgunaṃ tatra dadṛśuḥ sarvapārthivāḥ //

yugānte sarvalokāṃstu dahantamiva pāvakam /
vīkṣamāṇaṃ dhanuṣpāmiṃ hantukāmaṃ muhurmuhuḥ //

hantukāmaṃ paśūnkruddhaṃ rudraṃ dakṣakratau yathā /
tathābhūtaṃ naraṃ dṛṣṭvā viṣedustatra mānavāḥ //

dhanañjayasyava vīryajñā nirāśā jīvite tadā /
mṛtabhūtā bhavansarve netrairanimiṣairiva //

arjunaṃ dharmaputraṃ ca samudaikṣanta pārthivāḥ /
kruddhaṃ tadā'rjunaṃ dṛṣṭvā pṛthivī ca cacāla ha //

khecarāṇi ca bhūtāni vitresurvai bhayārditāḥ / nādityo virarājātha nāpi vānti ca mārutāḥ /

na candro na ca nakṣatraṃ dyaurdiśona na vibhānti ha /
sarvamāviddhamabhavajjagatsthāvarajaṅgamam //

utpatansa vabhau pārto divākara ivāmbare /

pārthaṃ dṛṣṭvā kruddhaṃ kālāntakayamopamam /
bhīmaseno mudā yukto yuddhāyaiva mano dadhe //

pāñcālī ca dadarśātha susaṅkruddhaṃ dhanañjayam /
hantukāmaṃ ripūnmarvānsuparṇamiva pannagān //

duṣprekṣaḥ so'bhavatkruddho yugāntāgniriva jvalan /
taṃ dṛṣṭvā tejasā yuktaṃ vivyadhuḥ puravāsinaḥ //

utpatantaṃ tu vegena tato dṛṣṭvā dhanañjayam /
jagrāha sa tadā rājā puruhūto yathā harim //

uvāca sa ghṛṇī jyeṣṭho dharmarājo yudhiṣṭhiraḥ /
mā pārtha sāhasaṃ kārṣīrmā vināśaṃ gamedyaśaḥ //

ahametānpāpakṛto dyūtajñāndagdhumutsahe /
kanttvasatyagatiṃ dṛṣṭvā krodho nāśamupaiti me //

tvamimaṃ jagato'rthe vai kopaṃ saṃyaccha pāṇḍava //
vaiśampāyana uvāca //

evamuktastadā rājñā pāṇḍavo'tha dhanañjayaḥ /
krodhaṃ saṃśamayanpārtho dhārtarāṣṭraṃ prati sthitaḥ //

tasminvīre praśānte tu pāṇḍave phalgune punaḥ /
susamprahṛṣṭamabhavajjagatsthāvarajaṅgamam //

vāritaṃ ca tathā dṛṣṭvā bhrātrā pārthaṃ vṛkodaraḥ /
babhūva vimanā rājannabhūnniśśabdamatra vai //

tato rājño dhṛtarāṣṭrasya gehe gomāyuruccairvyāharadagnihotre /
taṃ rāsabhāḥ pratyabhāṣanta rāja- nsamantataḥ pakṣiṇaścaiva raudrāḥ //

taṃ vai śabdaṃ vidurastattvavedī śuśrāva ghoraṃ subalātmajā ca /
bhīṣmo droṇo gautamaścāpi vidvān svastisvastītyapi caivāhuruccaiḥ //

tato gāndhārī viduraścāpi vidvāṃ- stamutpātaṃ ghoramālakṣya rājñe /
nivedayāmāsaturārtavattadā tato rājā vākyamidaṃ babhāṣe //
dhṛtarāṣṭra uvāca //

hato'si duryodhana mandabuddhe yastvaṃ sabhāyāṃ kurupuṅgavānām /
striyaṃ samābhāṣasi durvinīta viśeṣato draupadīṃ dharmapatnīm //
vaiśampāyana uvāca //

evamuktvā dhṛtarāṣṭro manīṣī hitānveṣī bāndhavānāmapāyāt / kṛṣṇāṃ pāñcālīmabravītsāntvapūrvaṃ

vimṛśyaitatprajñayā tattvabuddhiḥ //
dhṛtarāṣṭa uvāca //
varaṃ vṛṇīṣva pāñcāli matto yadabhivāñchasi /

vadhūnāṃ hi viśiṣṭā me tvaṃ dharmaparamā satī //
draupadyuvāca //

dadāsi cedvaraṃ mahyaṃvṛṇomi bharatarṣabha /
sarvadharmānugaḥ śrīmānadāso'stu yudhiṣṭhiraḥ //

manasvinamajānanto maivaṃ brūyuḥ kumārakāḥ /
etaṃ vai dāsaputreti prativindhyaṃ mamātmajam //

rājaputraḥ purā bhūtvā yathā nānyaḥ pumānkvacit /
lālito dāsaputratvaṃ paśyannaśyeddhi bhārata //
dhṛtarāṣṭra uvāca //

evaṃ bhavatu kalyāṇi yathā tvamabhibhāṣase / dvitīyaṃ te varaṃ bhadre dadāni varayasva ha /
mano hi me vitarati naikaṃ tvaṃ varamarhasi //
draupadyuvāca //

sarathau saghanuṣkau na bhīmasenadhanañjayau /
yamau ca varaye rājannadāsānsvavaśānaham //
dhṛtarāṣṭra uvāca //

tathā'stu te mahābhāge yathā tvaṃ nandinīcchasi / tṛtīyaṃ varayāsmatto nāsi dvābhyāṃ susaṃskṛtā /

tvaṃ hi sarvasnuṣāṇāṃ me śreyasī dharmacāriṇī //
draupadyuvāca /

lobho dharmasya nāśāya bhagavannāhamutsahe /
anarhā varamādātuṃ tṛtīyaṃ rājasattama //

ekāmāhurvaiśyavaraṃ dvau tu kṣatrastriyo varau /
trayastu rājño rājendra brāhmaṇasya śataṃ varāḥ //

pāpīyāṃsa ime bhūtvā santīrṇāḥ patayo mama /
vetsyanti caiva bhadrāṇi rājanpuṇyena karmaṇā //