Mahabharata · Chapter 2.87

pareṣāmeva yaśasā śloghase tvaṃ sadā kṣattaḥ kutsayandhārtarāṣṭrān /
jānīmahe vidura yatpriyastvaṃ bālānivāsmānavamanyase nityameva //

sa vijñeyaḥ puruṣo'nyatrakāmo nindāpraśaṃse hi tathā yunakti /
jihvā'tmano hṛdayasthaṃ vyanakti jānīmahe tvanmanasaḥ prātikūlyam //

utsaṅge ca vyāla ivāhito'si mārjaravatpoṣakaṃ copahaṃsi /
bhartṛghnaṃ tvāṃ na hi pāpīya āhu- stasmātkṣattaḥ kiṃ na bibheṣi pāpāt //

jitvā śatrūnphalamāptaṃ mahadvai mā'smānkṣattaḥ paruṣāmīha vocaḥ /
dviṣadbhistvaṃ samprayogābhinandī muhurdeṣaṃ yāsi naḥ samprayogāt //

amitratāṃ yāti naro'kṣamaṃ bruva- nnigūhate guhyamamitrasaṃstave /
tadāśrito'patrapa kiṃ nu bādhase yadicchasi tvaṃ tadihābhibhāṣatase //

mā no'vamaṃsthā vidya mānastavedaṃ śikṣasva buddhiṃ sthavirāṇāṃ sakāśāt /
yaśo rakṣasva vidura sampraṇītaṃ mā vyāpṛtaḥ parakāryeśu bhūstvam //

ahaṃ karteti vidūra mā ca maṃsthā mā no nityaṃ paruṣāṇīha vocaḥ /
na tvāṃ pṛcchāmi vidura yaddhitaṃ me svasti kṣattarmā titikṣūn kṣiṇ tvam //

ekaḥ śāstā na dvitīyo'sti śāstā garbhe śayānaṃ puruṣaṃ śāsti śāstā /
tenānuśiṣṭaḥ pravaṇādivāmbho yathā niyukto'sti tathā bhavāmi //

bhinatti śirasā śailamahiṃ bhojayate ca yaḥ / dhīreva kurute tasya kāryāṇāmanuśāsanam /
yo balādanuśāstīha so'mitraṃ tena vindati //

mitratāmanuvṛttaṃ tu samupekṣatyapaṇḍitaḥ / dīpya yaḥ pradīptāgniṃ prāckiraṃ nābhidhāvati /
bhasmāpi na sa vindeta śiṣṭaṃ kvacana bhārata //

na vāsayetpāravargyaṃ dviṣantaṃ viśeṣataḥ kṣattarahitaṃ manupyam /
sa yatrecchasi vidura tatra gaccha susāntvitā hyasatī strī jahāti //
vidura uvāca //

etāvatā puruṣaṃ ye tyajanti teṣāṃ sakhyamantavadbrūhi rājan /
rājñāṃ hi cittāni pariplutāni sāntvaṃ datvā musalairghātayanti //

abālatvaṃ manyase rājaputra bālo'hamityeva sumandabuddhe /
yaḥ sauhṛde puruṣaṃ sthāpayitvā paścādenaṃ dūṣayate sa bālaḥ //

na śreyase nīyate mandabuddhiḥ strī śrotriyasyeva gṛhe praduṣṭā /
dhruvaṃ na rocedbharatarṣabhasya patiḥ kumāryā iva ṣaṣṭivarṣaḥ //

ataḥ priyaṃ cedanukāṅkṣase tvaṃ sarveṣu kāryeṣu hitāhiteṣu
striyaśca rājañjaḍapaṅgukāṃśca pṛccha tvaṃ vai tādṛśāṃścaiva sarvān //

labhyate khalu pāpīyānnaro'nu priyavāgiha / apriyasya hi pathyasya vaktā śrotā ca durlabhaḥ

yastu dharmaparaśca syāddhitvā bhartuḥ priyāpriye /
apriyāṇyāha pathyāni tena rājā sahāyavān //

avyādhaijaṃ kaṭujaṃ tīkṣṇamuṣṇaṃ yaśomuṣaṃ paruṣaṃ pūtigandhim /
satāṃ peyaṃ yanna pibantyasanto manyuṃ mahārāja piba praśāmya //

vaicitravīryasya yaśo dhanaṃ ca vāñchāmyahaṃ sahaputrasya śaśvat /
yathā tathā te'stu namaścate'stu mamāpi ca svasti diśantu viprāḥ //

āśīviṣānnetraviṣānkopayenna ca paṇḍitaḥ /
evaṃ te'haṃ vadāmīdaṃ prayataḥ kurunandana //