Mahabharata · Chapter 15.1

nārāyaṇaṃ namaskṛtya naraṃ caiva narottamam /
devīṃ sarasvatīṃ vyāsaṃ tato jayamudīrayet //
vaiśampāyana uvāca /

ṣaṭtriṃśe tvath samprāpte varṣe kauravandanaḥ /
dadarśa viparītāni nimittāni yudhiṣṭiraḥ //

vavurvātāśca nirghātā rūkṣāḥ śarkaravarṣiṇaḥ /
apasavyāni śakunā maṇḍalāni pracakrire //

pratyagūhurmahānadyo diśo nīhārasaṃvṛtāḥ /
ulkāścāṅgāravarṣiṇyaḥ prāpatangaganādbhuvi //

ādityo rajasā rājansamavacchannaganādbhuvi //
viraśmirudaye nityaṃ kabandhaiḥ samalaṅkṛtaḥ //

pariveṣāśca dṛśyante dāruṇāśca drasūryayoḥ /
trivarṇāḥ śyāmarukṣāntāstathā bhasmāruṇaprabhāḥ //

ete cānye ca bahava utpātā bhayasaṃsinaḥ /
dṛśyante jagato nātha divamāroḍhumicchati //

yasya prasādāddharmo'yaṃ kṛte yadvatkalāvapi / pāṇḍavāśca mahābhāga yuktāstu yaśasā'nagha //

kasya cittvatha kālasya kururājo viśaṅkitaḥ /
śuśrāva vṛṣṇicakrasya musalotsādanaṃ kṛtam //

vimuktaṃ vāsudevaṃ ca śrutvā rāmaṃ ca pāṇḍavaḥ /
samānīyābravīdbhrātṛnki kariṣyāma ityuta //

parasparaṃ samāsādya brahmadaṇḍabalātkṛtān /
vṛṣṇinvinaṣṭāste śrutvā vyathitāḥ pāṇḍavā bhṛśam //

nidhanaṃ vāsudevasya samudrasyeva śoṣaṇam /
vīrā na śraddadhustasya vināśaṃ śārṅgadhanvanaḥ //

mausalaṃ te samāśritya duḥkhaśokasamanvitāḥ /
viṣṇṇā hatasankalpāḥki pāṇḍavāḥ samupāviśan //