મહાભારત · અધ્યાય 15.1

નારાયણં નમસ્કૃત્ય નરં ચૈવ નરોત્તમમ્ ।
દેવીં સરસ્વતીં વ્યાસં તતો જયમુદીરયેત્ ॥
વૈશમ્પાયન ઉવાચ ।

ષટ્ત્રિંશે ત્વથ્ સમ્પ્રાપ્તે વર્ષે કૌરવન્દનઃ ।
દદર્શ વિપરીતાનિ નિમિત્તાનિ યુધિષ્ટિરઃ ॥

વવુર્વાતાશ્ચ નિર્ઘાતા રૂક્ષાઃ શર્કરવર્ષિણઃ ।
અપસવ્યાનિ શકુના મણ્ડલાનિ પ્રચક્રિરે ॥

પ્રત્યગૂહુર્મહાનદ્યો દિશો નીહારસંવૃતાઃ ।
ઉલ્કાશ્ચાઙ્ગારવર્ષિણ્યઃ પ્રાપતન્ગગનાદ્ભુવિ ॥

આદિત્યો રજસા રાજન્સમવચ્છન્નગનાદ્ભુવિ ॥
વિરશ્મિરુદયે નિત્યં કબન્ધૈઃ સમલઙ્કૃતઃ ॥

પરિવેષાશ્ચ દૃશ્યન્તે દારુણાશ્ચ દ્રસૂર્યયોઃ ।
ત્રિવર્ણાઃ શ્યામરુક્ષાન્તાસ્તથા ભસ્મારુણપ્રભાઃ ॥

એતે ચાન્યે ચ બહવ ઉત્પાતા ભયસંસિનઃ ।
દૃશ્યન્તે જગતો નાથ દિવમારોઢુમિચ્છતિ ॥

યસ્ય પ્રસાદાદ્ધર્મોઽયં કૃતે યદ્વત્કલાવપિ । પાણ્ડવાશ્ચ મહાભાગ યુક્તાસ્તુ યશસાઽનઘ ॥

કસ્ય ચિત્ત્વથ કાલસ્ય કુરુરાજો વિશઙ્કિતઃ ।
શુશ્રાવ વૃષ્ણિચક્રસ્ય મુસલોત્સાદનં કૃતમ્ ॥

વિમુક્તં વાસુદેવં ચ શ્રુત્વા રામં ચ પાણ્ડવઃ ।
સમાનીયાબ્રવીદ્ભ્રાતૃન્કિ કરિષ્યામ ઇત્યુત ॥

પરસ્પરં સમાસાદ્ય બ્રહ્મદણ્ડબલાત્કૃતાન્ ।
વૃષ્ણિન્વિનષ્ટાસ્તે શ્રુત્વા વ્યથિતાઃ પાણ્ડવા ભૃશમ્ ॥

નિધનં વાસુદેવસ્ય સમુદ્રસ્યેવ શોષણમ્ ।
વીરા ન શ્રદ્દધુસ્તસ્ય વિનાશં શાર્ઙ્ગધન્વનઃ ॥

મૌસલં તે સમાશ્રિત્ય દુઃખશોકસમન્વિતાઃ ।
વિષ્ણ્ણા હતસન્કલ્પાઃકિ પાણ્ડવાઃ સમુપાવિશન્ ॥