Mahabharata · Chapter 14.5

pathaṃvīryaḥ samabhavatsa rājā dadatāṃvaraḥ /
kathaṃ ca jātarūpeṇa samayujyata vai nṛpaḥ //

kva ca tatsāmprataṃ dravyaṃ bhagavannavatiṣṭhate /
kathaṃ ca śakyamasmābhistadavāpnuṃ tacapodhana //
vyāsa uvāca /

asurāścaiva devāśca dakṣasyāsanprajāpateḥ /
apatyaṃ bahulaṃ tāta te'spardhanta parasparam //

tathaivāṅgirasaḥ putrau pitṛtulyau babhūvatuḥ /
bṛhaspatirbṛhattejāḥ saṃvartaśca tapodhanaḥ //

tāvati spardhinau rājanpṛthagāstāṃ parasparam /
bṛhaspatiḥ sa saṃvartaṃ bādhate sma punaḥpunaḥ //

sa bādhyamānaḥ satataṃ bhrātrā jyeṣṭhena bhārata /
arthānutsṛjya digvāsā vane vāsamarocayat //

vāsavo'pyasurānsarvānvijitya ca nipātya ca /
indratvaṃ prāpya lokeṣu tato vavre purohitam //

putramaṅgiraso jyeṣṭhaṃ viprajyeṣṭhaṃ bṛhaspatim /
yājyastvaṅgirasaḥ pūrvamāsīdrājā karandhamaḥ //

vīryeṇāpratimo loke vṛttena ca balena ca / śatakraturivaujasvī dharmātmā saṃśitavrataḥ /

vāhanaṃ yasya yodhāśca mitrāṇi vividhāni ca /
śayanāni ca mukhyāni mahārhāṇi ca sarvaśaḥ //

dhyānādevābhavadrājanmukhavātena sarvaśaḥ /
sa guṇaiḥ pārthivānsarvānvaśe cakre narādhipaḥ //

sañjīvya kālamiṣṭaṃ ca saśarīro divaṃ gataḥ /
babhūva tasya putrastu yayātiriva dharmavit //

avikṣinnāma śatruñjitsa vaśe kṛtavānmahīm /
vikrameṇa guṇaiścaiva pitevāsītsa pārthivaḥ //

tasya vāsavatulyo'bhūnmarutto nāma vīryavān /
putrastamanuraktā'bhūtpṛthivī sāgarāmbarā //

spardhate sa sma satataṃ devarājena nityadā /
vāsavo'pi marutteni spardhate pāṇḍunandana //

śuciḥ sa guṇavānāsīnmaruttaḥ pṛthivīpatiḥ /
yatamānopi yaṃ śakro na viśeṣayati sma ha //

so'śaknuvanviśeṣāya samāhūya bṛhaspatim /
uvācedaṃ vaco devaiḥ sahito harivāhanaḥ //

bṛhaspate maruttasya mā sma kārṣīḥ kathañcana /
daivaṃ karmātha pitryaṃ vā kartāsi mama cetpriyam //

ahaṃ hi triṣu lokeṣu surāṇāṃ ca bṛhaspate /
indratvaṃ prāptavāneko maruttastu mahīpatiḥ //

kathaṃ hyamartyaṃ brahmaṃstvaṃ yājayitvā surādhipam /
yājayermṛtyusaṃyuktaṃ maruttamaviśaṅkayā //

māṃ vā vṛṇīṣva bhadraṃ te maruttaṃ vā mahīpatim /
parityajya maruttaṃ vā yathājoṣaṃ bhajasva mām //

evamuktaḥ sa karakavya devarājñā bṛhaspatiḥ /
muhūrtamiva sañcintya devarājānamabravīt //

tvaṃ bhūtānāmadhipatistvayi lokāḥ pratiṣṭhitāḥ /
namucerviśvarūpasya nihantā tvaṃ balasya ca //

tvamājaharth devānāmeko vīraśriyaṃ parām /
tvaṃ bibharṣi bhuvaṃ dyāṃ ca sadaiva balasūdana //

parohityaṃ kathaṃ kṛtvā tava devagaṇeśvara /
yājayeyamahaṃ martyaṃ maruttaṃ pākaśāsana //

samāśvasihi devendra nāhaṃ martyasya karhicit /
grahīṣyāmi sruvaṃ yajñe śṛṇu cedaṃ vaco mama //

hiraṇyaretā noṣṇaḥ syātparivarteta medinī /
bhāsaṃ tu na raviḥ kuryānna tu satyaṃ calenmayi //
vyāsa uvāca /

bṛhaspativacaḥka śrutvā śakro vigatamatsaraḥ /
praśasyainaṃ viveśātha svameva bhavanaṃ tadā //