Mahabharata · Chapter 13.99

śrutaṃ me bhavato vākyamannadānasya yo vidhiḥ /
nakṣatrayogasyedānīṃ dānakalpaṃ bravīhi me //
bhīṣma uvāca /

atrāpyudāharantīmamitihāsaṃ purānam /
devakyāścaiva saṃvādaṃ samarṣernāradasya ca //

dvārakāmanusamprāptaṃ nāradaṃ devadarśanam /
papracchedaṃ vacaḥ praśnaṃ devakī dharmadarśinī //

tasyāḥ sampṛcchamānāyā devarṣirnāradastataḥ /
ācaṣṭa vidhaivatsarvaṃ tacchṛṇuṣva viśāmpate //
nārada uvāca /

kṛttikāsu mahābhāge pāyasena sasarpiṣā /
santarpya brāhmaṇānsādhūm̐llokānāpnotyanuttamān //

rohiṇyāṃ prasṛtairmārgairmāṃsairannena sarpiṣā /
payo'nnapānaṃ dātavyamanṛṇārthaṃ dvijātaye //

dogdhrīṃ dattvā savatsāṃ tu nakṣatre somadaivate /
gacchanti mānupāllokātsvargalokamanuttamam //

ārdrāyāṃ kṛsaraṃ dattvā tilabhiśramupoṣitaḥ /
narastarati durgāṇi kṣuradhārāṃśca parvatān //

pūpānpunarvasau dattvā tathaivānnāni śobhane /
yaśasvī rūpasampanno bahvanno jāyate kule //

puṇyeṇa kanakaṃ dattvā kṛtaṃ vā'kṛtameva ca /
anālokeṣu lokeṣu somavatsa virājate //

āśleṣāyāṃ tu yo rūpyamṛṣabhaṃ vā prayacchati /
sa sarpabhayanirmuktaḥ sambhavānadhitiṣṭhati //

maghāsu tilapūrṇāni vardhamānāni mānavaḥ /
pradāya putrapaśumāniha pretya ca modate //

phalgunīpūrvasamaye brāhmaṇānāmupoṣitaḥ /
bhakṣyānphāṇitasaṃyuktāndattvā saubhāgyamṛcchati //

ghṛtakṣīrasamāyuktaṃ vidhivatṣaṣṭikaudanam /
uttarāviṣaye dattvā svargaloke mahīyate //

yadyatpradīyate dānamuttarāviṣaye naraiḥ /
mahāphalamanantaṃ tadbhavatīti viniścayaḥ //

haste hastirathaṃ dattvā caturyuktamupoṣitaḥ /
prāpnoti paramām̐llokānpuṇyakāmasamanvitān //

citrāyāṃ vṛṣabhaṃ dattvā puṇyagandhāṃśca bhārata /
carantyapsarasāṃ loke ramante nandane tathā //

svātyāmatha dhanaṃ dattvā yadiṣṭatamamātmanaḥ.i prāpnoti lokānsa śubhāniha caiva mahadyaśaḥ //

viśākhāyāmanaḍvāhaṃ dhenuṃ dattvā ca dugdhadām / saprāsaṅgaṃ ca śakaṭaṃ sadhānyaṃ vastrasaṃyutam /

pitṝndevāṃśca prīṇāti pretya cānantyamaśnute /
na ca durgāṇyavāpnoti svargalokaṃ ca gacchati //

dattvā yathoktaṃ viprebhyo vṛttimiṣṭāṃ sa vindati /
narakādīṃśca sankleśānnāpnotīti viniścayaḥ //

anurādhāsu prāvaraṃ varānnaṃ samupoṣitaḥ /
dattvā yugaśataṃ cāpi naraḥ svarge mahīyate //

kālaśākaṃ tu viprebhyo dattvā martyaḥ samūlakam /
jyeṣṭhāyāmṛddhimiṣṭāṃ vai gatimiṣṭāṃ sa gacchati //

mūle mūlaphalaṃ dattvā brāhmaṇebhyaḥ samāhitaḥ / pitṝnprīṇayate cāpi gatimiṣṭāṃ ca gacchati /

atha pūrvāsvaṣāḍhāsu dadhipātrāṇyupoṣitaḥ /
kulavṛttopasampanne brāhmaṇe vedapārage //

pradāya jāyate pretya kule subahugodhane /
udamanthaṃ sasarpiṣkaṃ prabhūtamadhuphāṇitam //

dattvottarāsvaṣāḍhāsu sarvakāmānavāpnuyāt / dugdhaṃ tvabhijite yoge dattvā madhughṛtaplutam /
dharmanityo manīṣibhyaḥ svargaloke mahīyate //

śravaṇe kambalaṃ dattvā vastrāntaritameva vā /
śvetena yāti yānena svargalokānasaṃvṛtān //

goprayuktaṃ dhaniṣṭhāsu yānaṃ dattvā samāhitaḥ /
vastrarāśidhanaṃ sadyaḥ pretya rājyaṃ prapadyate //

gandhāñśatabhiṣagyoge dattvā sāgarucandanān / prāpnotyapsarasāṃ saṅghānpretya gandhāṃśca śāśvatān

pūrvaproṣṭhapadāyoge rājamāṣānpradāya tu /
sarvabhakṣaphalopetaḥ sa vai pretya sukhī bhavet //

aurabhramuttarāyoge yastu māṃsaṃ prayacchati /
sa pitṝnprīṇayati vai pretya cānantyamaśnute //

kāṃsyopadohanāṃ dhenu revatyāṃ yaḥ prayacchati /
sā pretya kāmānādāya dātāramupatiṣṭhati //

rathamaśvasamāyuktaṃ dattvā'śvinyāṃ narottamaḥ /
hastyaśvarathasampanne varcasvī jāyate kule //

bharaṇīṣu dvijātibhyastiladhenuṃ pradāya vai /
gāḥ suprabhūtāḥ prāpnoti naraḥ pretya yaśastathā //
bhīṣma uvāca /

ityeṣa lakṣaṇoddeśaḥ prokto nakṣatrayogataḥ /
devakyā nāradeneha sā snuṣābhyo'bravīdidam //